Dewteronomi 4:27 - An Bibel Kernewek 20234 (Kernewek Kemmyn)

²⁷ An Arloedh a wra agas skattra ynter an poblow, boghes vydh agas niver gesys yn mysk an kenedhlow may hwra an Arloedh agas ledya di.

Dewteronomi 4:27 ပူးပေါင်းရင်းမြစ်များ

Jenesis 11:4

Hag yn-medhons i, ‘Dewgh, gwren ni drehevel sita ha tour, ha'y benn y'n nevow; ha gwren gul hanow ragon, rag own ni dhe vos skattrys a-les war enep oll an nor.’

Jenesis 34:30

Hag yn-medh Yakob dhe Simeon ha Levi, ‘Hwi re dhros anfeusi warnav, ow kul dhymm flerya yn mysk trigoryon an pow, yn mysk an Kananysi ha'n Perizzysi. Boghes yw niver ow thus vy, hag i a vydh kuntellys war-barth er ow fynn ha'm diswul; ha my ha'm chi a vydh distruys.’

Nehemia 1:3

Yn-medhons dhymm, ‘An remenant yw gesys a'n gethneth ena y'n rannvro yw yn galar bras ha mewl; ynwedh fos Yerusalem yw terrys dhe'n dor, ha'y yetow leskys gans tan.’

Salmow 106:27

dhe wul dh'aga has koedha yn mysk an kenedhlow, ha dh'aga skattra y'n broyow.

Salmow 44:11

Ty re'gan ros avel deves dhe vos dybrys, ha re'gan skattras yn mysk an kenedhlow.

Salmow 44:12

Ty a werthas dha bobel a dravyth, ha dhiworth aga fris ny gemmersys prow.

Ysay 17:6

Mes gesigow a worta ynno, kepar ha pan vo olewbrenn gweskys, diw po teyr olivenn adhves orth penn an varrenn, peswar po pymp yn y skorr feyth, yn-medh an Arloedh, Duw Ysrael.

Yeremia 16:13

Ytho my a's tewl yn-mes a'n tir ma bys yn tir na aswonnowgh, naneyl hwi na'gas tasow, hag ena hwi a wra servya duwow erell dydh ha nos; rag ny gemmerav truedh ahanowgh.

Ezekiel 11:16

Rakhenna lavar: Yndellma y lever an Arloedh Duw: Kynth y's dannvonas pell yn mysk an kenedhlow, ha'ga skattra yn mysk an gwlasow, my a vydh meneghi ragdha pols byghan y'n gwlasow may teuthons di.

Ezekiel 12:15

Hag i a woer my dhe vos an Arloedh pan wrav aga skoellya a-les yn mysk an kenedhlow, ha'ga skattra y'n gwlasow.

Ezekiel 20:23

Ynwedh my a dhrehevis ow leuv ow ti dhedha yn difeythtir, my dh'aga skattra y'n kenedhlow ha dh'aga skoellya y'n gwlasow,

Ezekiel 22:15

My a wra dha lesa yn kenedhlow ha'th skattra y'n powyow, ha kartha dhiworthis dha vostedhes.

Ezekiel 32:26

Yma Meshek ha Tubal ena, hag oll hy routh, ha'ga bedhow a-dro dhedhi, i oll antrodreghys, ledhys gans an kledha, rag i a wrug euth yn tir an re vew.

Daniel 9:7

‘Dhiso jy, A Arloedh, yma ewnder, mes dhyn ni yma meth a'n fas, dell eus y'n jydh hedhyw, dhe dus Yuda, dhe annedhysi Yerusalem, ha dhe Ysrael oll, an re ogas ha'n re bell, yn keniver pow may mons fesys genes, drefenn an trayson re wrussons er dha bynn.

Hosea 9:17

Ow Duw a wra aga denagha, drefenn na woslowsons orto; i a vydh gwandrysi yn mysk an kenedhlow.

Levitikus 26:33

Ha my a wra agas skattra yn mysk an kenedhlow, ha tenna yn-mes an kledha war agas lergh; dha dir a vydh ynyal, ha'gas sitys a vydh magoryow.

Zekaria 7:14

My a wrug aga skattra gans korwyns yn mysk oll an kenedhlow na's aswonnsons. An tir a veu ynyal war aga lergh, ma na wrug denvyth tremena dredho na dehweles. Y hwrussons an tir hweg dhe vos ynyal.

Dewteronomi 28:36

An Arloedh a'th tro, ty ha'n myghtern re settsys warnas dha honan, dhe genedhel na aswonnsys, naneyl ty na'th tasow, hag ena ty a serv duwow erell a brenn hag a ven.

Dewteronomi 29:28

An Arloedh a's diwreydhyas dhiworth aga thir yn sorr, hag yn konnar, hag yn koler bras, hag ev a's tewlis dhe dir arall, kepar hag y'n jydh hedhyw.’

Dewteronomi 30:3

ena an Arloedh dha Dhuw a wra restorita ragos ha kemmeres truedh ahanas ha'th kuntell arta dhiworth oll an poblow le may hwrug an Arloedh dha Dhuw dha skattra bys di.

Dewteronomi 32:26

My a leveris: My a's defend dhe-ves; my a dhile aga hovadh dhiworth densys;