Dewteronomi 4:20 - An Bibel Kernewek 20234 (Kernewek Kemmyn)

²⁰ An Arloedh a'gas kemmeras ha'gas dros yn-mes a'n fornes-horn, yn-mes a Ejyp, dhe vos dhodho pobel y eretons, kepar hag y'n jydh hedhyw.

Dewteronomi 4:20 ပူးပေါင်းရင်းမြစ်များ

1 Myghternedh 8:51

(rag i yw dha bobel ha dha ertach, a dhresys yn-mes a Ejyp, a gres an fornes horn).

Salmow 135:4

Rag an Arloedh re dhewisas Yakob dhodho y honan, hag Ysrael avel y berghennogeth arbennik y honan.

Salmow 28:9

Salw dha bobel, ha bennik dha ertach; bydh aga bugel, ha'ga drehevel bynitha.

Salmow 33:12

Gwynnvys an genedhel hag yw an Arloedh hy Duw, an bobel dewisys ganso dhe vos y ertach y honan.

Eksodus 1:13

hag Ejyp a wrug dhe vebyon Ysrael servya yn harow,

Eksodus 1:14

ha gul aga bewnans hwerow yn gwasonieth kales, yn pri, hag yn brykkys, hag yn pub eghenn a wonis y'n gwel; oll aga gonis ynno may hwrussons dhedha servya o garow.

Eksodus 34:9

Hag y leveris, ‘Mar kevis lemmyn gras y'th wolok, A Arloedh, my a'th pys, gwres an Arloedh mones yn agan mysk, kynth yw pobel kales hy hilbenn; ha gav agan kammweyth ha'gan pegh, ha kemmer ni rag dha eretons.’

Eksodus 6:7

ha'gas kemmeres avel ow fobel, ha my a vydh agas Duw; ha hwi a woer my dhe vos an Arloedh agas Duw re'gas dros a-dhann veghyow an Ejyptianys.

Ysay 30:6

Profoesans a-dro dhe vestes an Negeb. Dre dir a ahwer hag angoes, a lewes hag a lew owth usa, a nader ha sarf askellek, i a dheg aga rychys war skoedh asenes, ha'ga thresoryow war geyn kowrvergh, dhe bobel nag yw dhe les.

Ysay 48:10

Mir, my re'th purhas, a-der avel arghans; my re'th provas y'n forn a alar.

Yeremia 11:4

a worhemmynnis dh'agas tasow y'n jydh ma's dres yn-mes a bow Ejyp, a-dhiworth an fornes-horn, ow leverel, Klewewgh ow lev, ha gwrewgh pup-tra a worhemmynnav. Yndella hwi a vydh ow fobel ha my a vydh agas Duw:

Daniel 3:26

[93] Ena Nebukadnessar a dheuth nes dhe daras an fornes a dan ow flammya, ha leverel: ‘A Shadrak, Meshak hag Abednego, hwi servysi a Dhuw Ughella, dewgh yn-mes, ha dewgh omma!’ Ena Shadrak, Meshak hag Abednego a dheuth yn-mes a gres an tan.

Efesianys 1:11

ni ynwedh a veu dewisys, ragdhestnys war-lergh y borpos ev neb a gowlwra pup-tra orth bodh y vrys,

Efesianys 1:18

golowys dewlagas agas kolonn, may hwodhvewgh pyth yw govenek y alow, pyth yw rychys splannder y eretons y'n syns,

Dewteronomi 14:2

Rag pobel sans os dhe'n Arloedh dha Dhuw, ha'n Arloedh re'th tewisas dhe vos dhodho pobel arbennik dhodho y honan yn-mes a'n poblow oll usi war enep an norvys.

Dewteronomi 26:18

Ha'n Arloedh re dhiskleryas hedhyw ty dhe vos dhodho pobel arbennik dhodho y honan kepar dell gewsis dhis, ha ty dhe witha oll y worhemmynnow;

Dewteronomi 32:9

Rag rann an Arloedh yw y bobel; Yakob yw kevrenn y eretons.

Dewteronomi 7:6

Rag ty yw pobel sans dhe'n Arloedh dha Dhuw. An Arloedh dha Dhuw re'th tewisas dhe vos dhodho pobel arbennik dhodho y honan, yn-mes a oll an poblow war enep an norvys.

Dewteronomi 9:26

Ena my a bysis war an Arloedh ha leverel, ‘Arloedh Duw, na gowldhistru dha bobel ha'th eretons a dhasprensys y'th veuredh, neb a dhresys yn-mes a Ejyp dre leuv grev.

Dewteronomi 9:29

Mes i yw dha bobel ha'th eretons a dhresys yn-mes gans dha nerth bras ha'th vregh ystynnys.’

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.