Dewteronomi 34:9 - An Bibel Kernewek 20234 (Kernewek Kemmyn)

⁹ Ha Yoshua mab Nun o lenwys a'n spyrys a furneth, drefenn Moyses dhe worra y dhiwla warnodho; ytho mebyon Ysrael a woslowas orto ha gul kepar dell worhemmynnis an Arloedh dhe Moyses.

Dewteronomi 34:9 ပူးပေါင်းရင်းမြစ်များ

1 Myghternedh 3:12

my a wra lemmyn herwydh dha er. Yn tevri, my a re dhis kolonn fur ha meur hy honvedhes; nyns esa denvyth avellos a-ragos ha ny sev denvyth avellos war dha lergh.

1 Myghternedh 3:9

Ro dhe'th was ytho kolonn a yll konvedhes rag barna dha bobel ha dissernya yntra da ha drog; rag piw a yll barna dha bobel mar veur ma?’

2 Myghternedh 2:15

Ha pan y'n gwelas mebyon an brofoesi re bia yn Yeriko, i a leveris, ‘Spyrys Elias a drig war Elisha.’ Hag i a dheuth dhe vetya orto hag omblegya dhe'n dor a-ragdho.

2 Myghternedh 2:9

Pan esens ow mos a-dreus, y leveris Elias dhe Elisha, ‘Lavar dhymm an pyth a allav y wul ragos kyns ow bos kemmerys a-dhiworthis.’ Elisha a leveris ‘My a'th pys, re bo warnav rann dhewblek a'th spyrys.’

1 Kroniklys 29:23

Y'n eur na Solomon a esedhas war dron an Arloedh avel myghtern yn le Davydh y das; hag ev a sewenis, hag oll Ysrael a'n obayas.

Eksodus 12:28

Ena mebyon Ysrael eth ha gul par dell worhemmynnsa Duw dhe Moyses hag Aron, yndella y hwrussons.

Eksodus 28:3

Ha ty a gews orth oll an re yw abel, neb a lenwis vy gans skentoleth, may hwrons gwiskasow Aron dh'y sakra dhe'm servya avel oferyas.

Eksodus 31:3

ha my re'n lenwis gans spyrys Duw, gans furneth ha konvedhes, gans skians hag oll kreftweyth,

Ysay 11:2

Spyrys an Arloedh a bowes warnodho, spyrys furneth ha konvedhes, spyrys kusul ha nerth, spyrys skians hag own an Arloedh.

Daniel 6:3

Ena an Daniel ma a dheuth ha bos meur y vri dres an lewydhyon erell, ha dres an wahalyethow, drefenn bos ynno spyrys bryntin; ha'n myghtern a dybis y settya war an ruvaneth oll.

Niverow 11:17

Ha my a dhiyskynn ha kewsel genes ena; ha my a gemmer nebes a'n spyrys eus warnas ha'y worra warnedha; hag i a dheg begh an bobel genes, ma na'n godheffi dha honan.

Yowann 3:34

Rag ev neb re wrug Duw y dhannvon a gews geryow Duw, rag ny re ev an Spyrys orth musur.

Oberow 6:6

I a settyas an re ma a-dherag an abesteli, hag i a bysis ha gorra aga diwla warnedha.

Dewteronomi 34:8

Mebyon Ysrael a oelas rag Moyses yn plenys Moab deg dydh warn ugens; ena an dydhyow a oelva ha kynvann rag Moyses a veu kowlwrys.

Kolossianys 2:3

yn neb yma kudhys pub tresor a furneth ha godhvos.

1 Timothi 4:14

Na wra dispresya an ro usi ynnos a veu res dhiso dre brofoesans gans gorra diwla an henavogyon warnas.

1 Timothi 5:22

Na worr diwla yn uskis war dhenvyth, ha na gemmer rann yn peghadow tus erell. Gwra omwitha dha honan glan.