Dewteronomi 33:29 - An Bibel Kernewek 20234 (Kernewek Kemmyn)

²⁹ Gwynn dha vys, Ysrael! Piw yw avelos? pobel selwys gans an Arloedh, an skoes a'th weres, kledha dha veuredh. Dha eskerens a dheu dhis ow fekla, ha ty a drett war aga heynow.

Dewteronomi 33:29 ပူးပေါင်းရင်းမြစ်များ

Jenesis 15:1

Wosa an taklow ma, ger an Arloedh a dheuth dhe Abram yn gwelesigeth, ow leverel, ‘Na borth own, Abram, my yw dha skoes, dha wober pur vras.’

2 Samuel 22:3

Duw ow harrek may hwilav skovva ynno, ow skoes, ha korn ow selwyans, ow dinas ha'm skovva, ow selwador; ty a'm saw dhiworth freudh.

2 Samuel 22:45

Estrenyon a dheu dhymm ow plattya; kettell glewons ahanav, gostydh yns dhymm.

2 Samuel 7:23

Piw yw haval dhe'th pobel, haval dhe Ysrael, kenedhel dhibarow y'n norvys, neb eth Duw dh'y dasprena avel pobel ragdho y honan, ha dhe wul hanow ragdho, ha dhe wul ragowgh traow bras hag euthyk, rag dha wlas, a-dherag dha bobel, a dhasprensys ragos dha honan dhiworth Ejyp, a-dhiworth an kenedhlow ha'ga duwow?

2 Kroniklys 31:8

Pan dheuth Hezekia ha'n soedhogyon hag a welas an kalsow, i a vennigas an Arloedh ha'y bobel Ysrael.

Salmow 1:1

Gwynnvys an gour na gerdh yn kusul an debeles, ha na sev yn fordh peghadoryon, ha na esedh yn esedhva an re a wra ges;

Salmow 144:15

Gwynnvys an bobel yn studh a'n par na; devri, gwynnvys an bobel ha dhedhi an Arloedh avel aga Duw.

Salmow 18:44

Kettell glewons ahanav, gostydh yns i dhymm; estrenyon a ombleg dhymm.

Salmow 18:45

Estrenyon a gemmer digolonn, i a dheu ow krena yn-mes a'ga heryow.

Salmow 32:1

Gwynnvys neb yw gevys y gammweyth, ha neb yw kudhys y beghes.

Salmow 32:2

Gwynnvys an den na reken an Arloedh kammweyth dhodho, ha nag eus falsuri yn y spyrys.

Salmow 33:12

Gwynnvys an genedhel hag yw an Arloedh hy Duw, an bobel dewisys ganso dhe vos y ertach y honan.

Salmow 33:20

Agan enev a worta an Arloedh; ev yw agan gweres ha'gan skoes.

Salmow 45:3

Kolm dha gledha war dha vordhos, ty vreselyas, gans dha splannder ha'th veuredh.

Salmow 66:3

Leverewgh dhe Dhuw, ‘Ass osta euthyk y'th wriansow! Dre vraster dha nerth yth ombleg dha eskerens dhiso jy.

Salmow 68:34

Askrifewgh nerth dhe Dhuw; yma y veuredh war Ysrael, hag yma y nerth y'n ebron.

Salmow 7:12

Mar ny goedh den yn edrek, ev a lymm y gledha; ev re blegyas y warak, ha'y darbari;

Salmow 81:15

An re a gas an Arloedh a omwrussa gostydh dhodho, ha'ga thermyn a via bys vykken.

Salmow 84:11

Rag an Arloedh Duw yw howl ha skoes; an Arloedh a re ras ha golewder, ha ny skon ev a ri dader vytholl dhe'n re a gerdh yn tivlam.

Ysay 12:2

Otta, Duw yw ow selwyans; my a fydh, ha ny borthav own, rag an Arloedh Duw yw ow nerth ha'm kan, hag ev yw ow selwyans.

Ysay 27:1

Y'n jydh na an Arloedh a gessydh gans y gledha kales, bras ha krev Lawethan an sarf usi ow fia, Lawethan an sarf usi ow gwrynya; ha ladha an dhragon usi y'n mor.

Ysay 33:16

ev a vydh trigys y'n ughelderyow, dinasow an karregi a vydh y skovva; y vara a vydh res dhodho, ha ny fyll dowr dhodho.

Ysay 45:17

Mes Ysrael a vydh selwys y'n Arloedh gans selwyans heb diwedh, ny'gas bydh meth na ny vydhowgh konfondys bys vykken.

Ysay 58:14

ena ty a vydh lowen y'n Arloedh ha my a'th wra dhe varghogeth war dylleryow ughel an tir ha'th vaga gans eretons Yakob dha das, rag ganow an Arloedh re gewsis.

Yeremia 12:12

An dhistruoryon yw devedhys war oll an ugheldiryow moel y'n gwylvos: rag kledha an Arloedh a wra devorya dhiworth an eyl tu a'n tir bys yn y gila: kig vyth ny'n jevydh kres.

Yeremia 47:6

A, kledha an Arloedh, pes termyn y fydh bys pan vi kosel? Dehwel y'th woen, powes ha bydh kosel.

Hosea 13:9

A Ysrael, my a'th tistru: piw a vydh dha wereser?

Amos 8:7

An Arloedh re dos re woeth Yakob: Yn sur, nevra ny ankovav travyth a'ga gweythresow!

Habakkuk 3:19

An Arloedh Duw yw ow nerth, hag ev a wra ow threys kepar ha treys ewigow, hag ev a wra dhymm kerdhes war ow thylleryow ughel. Dhe'n penn-kenysi war dhaffar kerdyn.

Niverow 24:5

Ass yw teg agas tyldow, A Yakob, agas kampvaow, A Ysrael!

Niverow 33:52

ena hwi a wra fesya oll trigoryon an tir a-dheragowgh, ha distrui aga meyn gravys, ha distrui oll aga imajys teudh, ha disevel oll aga thylleryow ughel;

Dewteronomi 32:13

Ev a wrug dhodho marghogeth war dylleryow ughel an tir, hag ev a dhybris askorr an gwel; ev a wrug dhodho sugna mel yn-mes a'n garrek, hag oyl a ven flynt;

Dewteronomi 4:32

Govynn lemmyn a-dro dhe'n dydhyow kyns, kyns dha dermyn jy, dhiworth an jydh may kreatyas Duw den war an norvys; dhiworth tu arall unn penn a'n ebron bys y'n penn arall: eus hwarvedhys neppyth kepar ha'n dra vras ma, po a veu neppyth haval dhodho klewys?

Dewteronomi 4:34

Po a assayas neb duw dhe dhos ha kemmeres dhodho kenedhel dhiworth kenedhel arall dre brovow, der toknys, ha der anethow, ha dre vresel, dre leuv grev ha bregh ystynnys, der euth bras kepar ha pup-tra a wrug dhywgh an Arloedh agas Duw yn Ejyp a-wel dhis?

1 Timothi 4:10

Dhe hemma ni a lavur ha strivya, rag yma agan govenek y'n Duw bew, neb yw an Selwador a bub den, hag a gryjygyon dres oll.

Diskwedhyans 1:16

Ha ganso yn y dhorn dhyghow yth esa seyth sterenn, ha kledha lymm dewvinyek ow tos yn-mes a'y anow, ha'y fas kepar ha'n howl ow splanna yn y nerth.

Diskwedhyans 19:21

Ha'n re erell a veu ledhys gans an kledha a dheuth dhiworth an ganow a neb esa owth esedha war an margh, an kledha a dheuth dhiworth y anow; hag oll an ydhyn a veu lenwys a'ga hig.

Breusysi 7:20

Yndella an tri fara a hwythas an hirgern, ha terri an sethow, ow synsi yn aga leuv gledh an faglennow, hag yn aga leuv dhyghow an hirgern rag hwytha, hag i a grias, ‘Kledha a-barth an Arloedh hag a-barth Gideon!’