I a sevis orth myghtern Uzzia hag a leveris dhodho, ‘Ny dhelledh dhis leski ynkys dhe'n Arloedh, mes y telledh dhe'n oferysi, mebyon Aron, yw sakrys dhe leski ynkys. Ke yn-mes a'n sentri; rag ty re wrug drog, ha ny dheg henna enor dhis dhiworth an Arloedh Duw.’
Hezekia a gewsis ow kennertha an Levysi a dhiskwedhas konvedhes da yn servis an Arloedh. Seyth dydh i a dhybris aga rann apoyntys, ow sakrifia offrynnow kres, hag owth aswonn grasow dhe'n Arloedh, Duw aga thasow.
Ha pub-dydh, a-dhia'n kynsa dydh dhe'n jydh diwettha, ev a lennas yn-mes a lyver lagha Duw. Hag i a withas an goel seyth dydh; ha'n ethves dydh yth esa kuntelles solem, war-lergh an ordenans.
Wosa gorfenna an dydhyow ma, ena an oferysi a wra agas offrynnow leskys ha'gas offrynnow kres war an alter; ha my a's degemmer, yn-medh an Arloedh Duw.
Ow fobel yw kisys drefenn fowt a skians. Drefenn ty dhe nagha skians, my a wra dha nagha ma na vi oferyas ragov; drefenn ty dhe ankevi lagha dha Dhuw, my ynwedh a wra ankevi dha vebyon.
Mes ev a wolgh an pottys ha'n garrow gans dowr; ha'n oferyas a dhre oll anodho ha'y leski war an alter. Sakrifis leskys yw, offrynn dre dan, sawer plegadow dhe'n Arloedh.
Ev a'n skward der an eskelli mes ny wra y ranna yn tien, ha'n oferyas a'n lesk war an alter, war an prenn usi war an tan. Sakrifis leskys yw, offrynn dre dan, sawer plegadow dhe'n Arloedh.
Mes y bottys ha'y arrow ev a's golgh yn dowr; ha'n oferyas a lesk pup-tra oll war an alter avel offrynn leskys, offrynn dre dan, sawer plegadow dhe'n Arloedh.
Hag ev a gemmer ynkyslester lenwys a golennow tan dhiworth an alter dherag an Arloedh, ha dhew dhornas a ynkys hweg, gweskys munys, ha'y dhri a-ji dhe'n vayl.
Mar teg den kig sakrys yn pleg y dhillas ha'n pleg a doch bara, po kowl, po gwin, po oyl, po neb boes arall, a vydh an dra na sakrys?’ Ha'n oferysi a worthybis, ‘Na vydh.’
dhe vos kovheans dhe vebyon Ysrael, ma na wrello gour estren, ha nag yw a dhiyskynnysi Aron, dos nes dhe leski ynkys a-rag an Arloedh, ma na dheffo ha bos avel Koragh hag avel y gowethas – dell leveris an Arloedh dhe Eleazar dre leuv Moyses.
Ha Moyses a leveris dhe Aron, ‘Kemmer an ynkyslester, ha gorra tan ynno a-dhiworth an alter, ha'y dhoen yn uskis dhe'n kuntelles, ha gul prenedh ragdha; rag sorr res eth yn-mes dhiworth an Arloedh; an pla re dhallathas.’
Rag nyns yw a-ji dhe sentri gwrys gans leuv, tokyn an gwir sentri, mayth entras Krist, mes a-ji dhe nev y honan, lemmyn dhe omdhiskwedhes ragon a-rag fas Duw.
My a'n dewisas mes a oll loethow Ysrael dhe vos ow oferyas, dhe vones yn-bann dhe'm alter, dhe leski ynkys, dhe wiska efod a-dheragov; ha my a ros dhe ji dha das oll an offrynnow gwrys gans tan gans tus Ysrael.