Dewteronomi 33:1 - An Bibel Kernewek 20234 (Kernewek Kemmyn)

¹ Homm yw an vennath may hwrug Moyses, den Duw, benniga mebyon Ysrael gensi kyns y vernans.

Dewteronomi 33:1 ပူးပေါင်းရင်းမြစ်များ

Jenesis 27:4

ha pareusi taklow sawrek ragov a'n par a garav, ha'ga dri dhymm ha my a dheber; ha'm enev a'th vennik kyns my dhe verwel.’

Jenesis 49:1

Ena Yakob a elwis y vebyon ha leverel, ‘Omguntellewgh war-barth, may hwrylliv derivas dhywgh an pyth a hwyrvydh dhywgh y'n dydhyow a dheu.

Jenesis 49:28

Oll an re ma yw dewdhek loeth Ysrael, ha hemm yw an pyth a leveris aga thas dhedha pan wrug ev aga benniga; ev a's bennigas pubonan war-lergh y vennath y honan.

1 Myghternedh 13:1

Dre er an Arloedh gour Duw a dheuth yn-mes a Yuda dhe Bethel, ha Yeroboam a'y sav ryb an alter rag leski offrynn.

1 Myghternedh 13:6

An myghtern a leveris dhe wour Duw, ‘Pys lemmyn favour an Arloedh dha Dhuw, ha pys ragov, may fydh daskorrys ow leuv dhymm.’ Ytho gour Duw a bysis war an Arloedh; ha leuv an myghtern a veu daskorrys dhodho hag a dheuth ha bos par dell o kyns.

1 Kroniklys 23:14

Mes mebyon Moyses, gour Duw, a veu henwys yn mysk loeth Levi.

2 Kroniklys 8:14

Herwydh gorhemmynn Davydh y das, ev a ordenas rannow an oferysi rag aga servis, ha'n Levysi rag aga soedhow a wormola hag a venystra ryb an oferysi avel dever pub-dydhyek dell ve res, ha gwithysi an yetys yn aga rannow rag pub yet; rag yndella y hworhemmynnsa Davydh, gour Duw.

Salmow 90:1

A Arloedh, ty re beu agan skovva a unn henedh dhe'n nessa.

Yeremia 35:4

My a's dros dhe ji an Arloedh yn chambour mebyon Hanan mab Ygdalia, gour Duw, hag esa ogas dhe jambour an bennsevigyon, a-ugh stevell Maaseya mab Shallum, gwithyas an treudhow.

Yowann 14:27

Kres a asav dhywgh, ow kres a rov dhywgh; ny rov dhywgh kepar dell re an bys. Na vedhes dha golonn troblys, ha na berthes own.

Yowann 16:33

My re leveris hemma dhywgh, rag ma'gas bo kres ynnov. Y'n bys hwi a'gas bydh govisyon; mes bedhewgh a gonfort da! My re fethas an bys.’

1 Timothi 6:11

Mes ty, a dhen Duw, fi dhiworth an taklow ma ha ke war-lergh ewnder, sansoleth, fydh, kerensa, perthyans, klorder.

2 Timothi 3:17

may fo den Duw gwiw ha parys yn leun rag pub ober da.

Yoshua 14:6

Ena mebyon Yuda a dheuth dhe Yoshua yn Gilgal; ha Kaleb mab Yefunne an Kenizzyas a leveris dhodho, ‘Ty a woer an pyth a leveris an Arloedh dhe Moyses gour Duw yn Kadesh-barnea y'm kever hag y'th kever.

2 Peder 1:21

Rag ny dheuth profoesans bythkweth dre volonjedh mab-den, mes tus movyes gans an Spyrys Sans a gewsis a-dhiworth Duw.

Breusysi 13:6

Ena an venyn a dheuth hag a leveris dh'y gour, ‘Gour Duw a dheuth dhymm, ha'y semlans o haval dhe semlans el Duw, pur euthyk; ny wovynnis vy orto a-ble teuth ha ny dherivas dhymm y hanow,

1 Samuel 2:27

Lemmyn gour Duw a dheuth dhe Eli ha leverel dhodho, ‘Yndellma y lever an Arloedh, “A ny dhiskwedhis vy ow honan yn kler dhe ji dha das pan esens yn Ejyp yn chi Faro?