Dewteronomi 32:47 - An Bibel Kernewek 20234 (Kernewek Kemmyn)

⁴⁷ Rag nyns yw hemma tra drufel ragowgh, mes agas bewnans yw; ha der an dra ma hwi a hirha agas dydhyow war an tir mayth esowgh ow treusi an Yordan di dh'y erita.’

Dewteronomi 32:47 ပူးပေါင်းရင်းမြစ်များ

Lavarow Koth 3:18

Gwydhenn a vewnans yw hi dhe'n re a's syns, ha gwynn y vys neb a's dalghenn fast.

Lavarow Koth 3:22

hag i a vydh bewnans rag dha enev, ha gras dhe afina dha gonna.

Lavarow Koth 4:13

Syns fast dyskans, na as ev dhe vos dhe wari; gwith e, rag ev yw dha vewnans.

Lavarow Koth 4:22

Rag bewnans yth yns dhe'n re neb a's kyv, ha sawment dhe oll y gig.

Ysay 45:19

Ny gewsis vy yn-dann gel, yn tyller tewl a'n norvys. Ny leveris dhe agh Yakob, ‘Hwilewgh my yn euver.’ My, an Arloedh a gews an gwir; my a dheriv an pyth yw ewn.

Levitikus 18:5

Ytho, hwi a syns ow ordenansow vy ha'm breusow vy. Den mar kwra hemma, ev a vew ynna. An Arloedh ov vy.

Amos 5:4

Rag yndellma y lever an Arloedh dhe ji Ysrael: Hwilewgh vy ha bewa,

Matthew 6:33

Mes kyns oll hwilewgh gwlaskor Duw ha'y ewnder, hag oll an taklow ma a vydh res dhywgh maga ta.

Oberow 7:38

Hemm yw neb esa y'n kuntelles y'n gwylvos gans an el a leveris dhodho yn menydh Sinay, ha gans agan tasow; hag ev a dhegemmeras lavarow bew dhe ri dhyn,

Dewteronomi 30:16

ow korhemmynna dhis hedhyw kara an Arloedh dha Dhuw, dhe gerdhes yn y fordhow, dhe witha y worhemmynnow, ha'y ordenansow, ha'y vreusow, rag may fewi hag ynkressya; ha'n Arloedh dha Dhuw a'th vennik y'n tir mayth esos ow tos di dh'y erita.

Dewteronomi 31:13

ha rag may klewvo aga mebyon na's godhvons, ha dyski perthi own a'n Arloedh agas Duw hedre vowgh bew war an dor mayth esowgh ow treusi an Yordan dh'y erita.’

Dewteronomi 33:25

Horn ha brons yw dha ebilyer; herwydh dha dhydhyow, yndella y fydh dha nerth.

Dewteronomi 4:40

Ytho gwith y ordenansow ha'y worhemmynnow esov ow korhemmynna dhis hedhyw, may fo yn ta genes ha gans dha vebyon war dha lergh, mayth ystynni dha dhydhyow war an tir a wra an Arloedh dha Dhuw y ri dhis bys vykken.

Dewteronomi 4:6

Gwaytyewgh dh'aga gul, rag hemm yw agas furneth ha'gas konvedhes a-wel dhe'n bobel neb a glew oll an ordenansow ma, ha neb a lever, ‘Yn hwir an genedhel vras ma yw pobel fur ha dhedhi konvedhes.’

Dewteronomi 8:3

Ev a'th uvelhas, ha'th wul dhe vos nownek, ha'th voesa gans manna na aswonnsys ha ny'n aswonnsons dha dasow; rag ma'th wrella dhe aswonn nag yw dre vara unnsel y few den, mes ev a vew dre bup-tra oll a dheu yn-mes a anow an Arloedh.

1 Timothi 4:8

rag lavur an korf yw nebes dhe les, mes sansoleth yw dhe les rag pup-tra, gans ambos bewnans y'n termyn ma hag yn termyn a dheu.

2 Peder 1:16

Ny siwsen hwedhlow gwrys yn konnyk ha ny ow terivas dhywgh galloes ha devedhyans agan Arloedh Yesu Krist, mes ny re welas y vraster gans agan dewlagas ni.

2 Peder 1:3

Galloes Duw re ros dhyn pup-tra kevrennys gans bewnans ha sansoleth, der aswonnvos a neb a'gan gelwis dh'y splannder ev ha'y vertu.

Diskwedhyans 22:14

Gwynn aga bys neb a wolgh aga dillas may fo dhedha gwir dhe'n wydhenn a vewnans, ha mayth ellens a-ji dhe'n sita der an yetys.