Dewteronomi 32:39 - An Bibel Kernewek 20234 (Kernewek Kemmyn)

³⁹ Gwelewgh lemmyn, my, my yw ev, ha nyns eus duw marnas vy. My a ladh, ha my a vewha; my a vrew ha my a yaghha, ha nyns eus nagonan a yll delivra dhiworth ow leuv.

Dewteronomi 32:39 ပူးပေါင်းရင်းမြစ်များ

2 Myghternedh 20:5

‘Treyl arta, ha leverel dhe Hezekia, rewler ow fobel, Yndella a lever an Arloedh, Duw dha das Davydh: My re glewas dha bysadow, my re welas dha dhagrow; otta, my a wra dha yaghhe; y'n tressa dydh ty a wra mos yn-bann dhe ji an Arloedh.

2 Myghternedh 5:7

Wosa redya an lyther, myghtern Ysrael a skwardyas y dhillas ha leverel, ‘Ov Duw, dhe ri mernans po bewnans, may tannvon an den ma ger dhymm rag yaghhe gour a'y lovryjyon? Mirewgh fatell usi ev ow hwilas kedrynn genev.’

Nehemia 9:6

‘Ty dha honan yw an Arloedh. Ty a wrug nev, an nev a nevow, gans oll aga lu, an nor ha pup-tra eus warnodho, an moryow ha pup-tra eus ynna, ha ty a re bewnans dhedha i oll ha'n lu a nev a'th wordh.

Job 10:13

‘Mes ty a gudhas an taklow ma y'th kolonn; my a woer y feu hemma y'th vrys.

Job 10:7

kyn hwodhes nag ov kablus, ha nyns eus denvyth dhe dhelivra yn-mes a'th leuv?

Job 5:18

Rag ev a woli, hag ev a lystenn; ev a wysk, ha'y dhiwleuv a saw.

Salmow 102:27

mes ty yw an keth, ha ny fyll dha vlydhynyow.

Salmow 102:28

Fleghes dha wesyon a dhur; ha'ga has a vydh fastys y'th wolok.

Salmow 18:31

Rag piw yw Duw marnas an Arloedh? Ha piw yw karrek saw agan Duw ni? –

Salmow 50:22

‘Prederewgh hemma, hwi neb a ankev Duw, ma na wrylliv agas skwardya, ha na vo nagonan dhe dhelivra.

Salmow 51:8

Gwra dhymm klewes lowena ha heudhder, may lowenhaho an eskern a vrewsys.

Salmow 68:20

Agan Duw ni yw Duw a selwyans; ha der an Arloedh Duw yma diank rag ankow.

Salmow 86:10

Rag meur osta, ha ty a wra marthusyon; ty unnsel yw Duw.

Eksodus 15:26

ow leverel, ‘Mar mynnowgh goslowes yn tiwysyk orth lev an Arloedh agas Duw, ha gul an pyth yw ewn yn y dhewlagas, ha koela orth y worhemmynnow ha gwitha oll y ordenansow, ny worrav warnowgh nagonan a'n klevesow a worris war an Ejyptianys; rag my yw an Arloedh agas sawyer.’

Eksodus 4:7

Ena Duw a leveris, ‘Daskorr dha dhorn dhe'th askra.’ Ytho, ev a dhaskorras y dhorn dh'y askra; ha pan y's tennas yn-mes, otta, y feu kepar ha remenant y gig.

Ekklesiastes 3:3

Prys ladha ha prys sawya; prys terri dhe'n leur ha prys drehevel.

Ysay 19:22

An Arloedh a wysk Ejyp gans pla, ow kweskel hag ow sawya. I a dreyl dhe'n Arloedh hag ev a woslow orth aga fysadow, ha'ga sawya.

Ysay 30:26

Golow an loer a vydh avel golow an howl, ha golow an howl a vydh seythplek, avel golow seyth dydh, y'n jydh may kelm an Arloedh torrva y bobel, ha yaghhe goli an strekys a weskis.

Ysay 41:4

Piw re wrug hag a gowlwrug hemma, ow kelwel an henedhow a-dhia'n dhallethva? My, an Arloedh, an kynsa, ha gans an re dhiwettha; my yw ev.

Ysay 43:10

‘Hwi yw ow dustunioryon’, y lever an Arloedh, ha'm gwas a dhewisis, rag may hwodhvowgh ha krysi dhymm, ha konvedhes, my dhe vos ev. Kyns my ny veu Duw formys, na ny vydh nevra war ow lergh.

Ysay 43:12

My a dherivas hag a selwis hag a dhellos, pan nag esa Duw astranj yn agas mysk, ha hwi yw ow dustunioryon, y lever an Arloedh, my dhe vos Duw.

Ysay 43:13

Ynwedh alemma rag my yw ev; nyns eus denvyth a yll delivra dhiworth ow dorn; my a ober ha piw a yll y lettya?

Ysay 45:18

Rag yndellma y lever an Arloedh, Kreador an nevow, Duw yw ev; ev a formyas an norvys ha'y wruthyl; ev a'n fastyas, ny'n kreatyas dhe vos gwag, ev a'n formyas dhe vos annedhys: My yw an Arloedh, nyns eus arall.

Ysay 45:22

Treylyewgh dhymm ha bedhewgh selwys, oll pennow a'n norvys; rag my yw Duw ha nyns eus ken.

Ysay 45:5

My yw an Arloedh, ha nyns eus ken; a-der my nyns eus duw; my a'th arv, kyn na'm aswonnsys,

Ysay 46:4

bys y'th henys my yw ev, bys pan dreylli loes my a'th teg. My re'th wrug ha my a'th skoedh, ha my a venten hag a wra sawya.

Ysay 48:12

Goslow orthiv, A Yakob, ha ty Ysrael, neb a elwis: my yw ev; my yw an kynsa, ha my yw an diwettha.

Ezekiel 37:12

Rakhenna gwra profoesa ha leverel dhedha, Yndellma y lever an Arloedh Duw: Otta, yth esov owth igeri agas bedhow, ha my a'gas drehav mes a'gas bedhow, ow fobel vy, ha'gas dri bys yn pow Ysrael.

Ezekiel 37:3

Ha dhymmo y leveris, ‘A vab den, a yll an eskern ma bewa?’ Yn-medhav, ‘Arloedh Duw, ty a woer.’

Hosea 5:14

My a vydh avel lew dhe Efraym, hag avel lew yowynk dhe ji Yuda. My, my a wra skwardya ha mones; my a wra kemmeres, ha nagonan ny dhelirv.

Hosea 6:1

Dewgh, dehwelyn dhe'n Arloedh: rag ev re skwardyas, hag a wra agan sawya; ev re weskis, hag a wra agan lystenna.

Mika 5:8

Ha remenant Yakob yn mysk an kenedhlow yn mysk lies pobel, a vydh avel lew yowynk yn mysk bestes an goeswik, avel lewik yn mysk greow deves; pan boen ev dresta, ev a wra stankya ha skwardya, ha nyns eus denvyth dhe dhelivra.

Yowann 8:24

Ytho my a leveris dhywgh, hwi dhe verwel yn agas peghosow. Rag mar ny grysowgh my dhe vos ev, hwi a verow yn agas peghosow.’

Dewteronomi 32:12

An Arloedh y honan a'n hembronka; nyns esa ganso duw estren.

Dewteronomi 4:35

Y feu diskwedhys dhis, rag may aswonnes an Arloedh dhe vos Duw; nyns eus arall saw unnsel ev.

Dewteronomi 7:9

Rakhenna godhvydh an Arloedh dha Dhuw dhe vos Duw, an Duw len, ow kwitha y gevambos ha'y dregeredh dhe'n re usi orth y gara hag ow kwitha y worhemmynnow, dhe vil henedh;

Ebrowyon 1:12

avel mantell ty a wra aga rolya war-barth, hag avel dillasenn i a vydh chanjys. Mes ty yw an keth, ha dha vlydhynyow ny wrons fyllel.’

Diskwedhyans 1:11

ow leverel, ‘An pyth a welydh skrif yn rol-skrifa, ha dannvon dhe'n seyth eglos, dhe Efesus, ha dhe Smyrna, ha dhe Pergamum, ha dhe Thyatira ha dhe Sardis, ha dhe Filadelfia, ha dhe Laodikea.’

Diskwedhyans 2:8

‘Ha dhe el an eglos yn Smyrna skrif: An taklow ma a lever an kynsa ha'n diwettha, a veu marow, ha devedhys yw dhe vewnans:

1 Samuel 2:6

An Arloedh a ladh ha bewhe; ev a dhre dhe ifarn ha drehevel yn-bann.