Dewteronomi 32:35 - An Bibel Kernewek 20234 (Kernewek Kemmyn)

³⁵ Dial yw dhymm, hag attal, yn termyn may hwra aga throes trebuchya; rag ogas yw dydh aga therroes, ha'ga thenkys a fisten dhedha.

Dewteronomi 32:35 ပူးပေါင်းရင်းမြစ်များ

Jenesis 4:23

Hag yn-medh Lamek dh'y wragedh, ‘Ada ha Silla, klewewgh ow lev, hwi wragedh Lamek, goslowewgh orth ow lavar, rag my re ladhas gour neb a'm brewis ha den yowynk neb a'm golias.

2 Samuel 22:48

an Duw neb a re dhymm dial hag a worr poblow yn-dannov,

2 Myghternedh 9:7

Ty a wesk dhe'n dor chi Ahab dha vester, may hylliv diella goes ow gwesyon an brofoesi, ha goes oll gwesyon an Arloedh, dre leuv Yezebel.

Salmow 94:1

A Arloedh, ty Dhuw a dhial, ty Dhuw a dhial, omdhiskwa.

Eksodus 32:34

Mes lemmyn, ke, hembronk an bobel dhe'n tyller a gewsis dhis anodho; otta, ow el a wra mos a-ragos. Byttegyns, an jydh may tyffiv, my a wra aga hessydhya a'ga fegh.’

Lavarow Koth 4:19

Fordh an debeles yw haval dhe dewlder down; ny wodhons an pyth may trebuchons warnodho.

Ysay 13:22

Keun a oul yn hy thouryow, hag owrgeun y'n palesyow fethus. Yma hy thermyn ow tos nes, ha ny vydh hy dydhyow delatys.

Ysay 5:19

neb a lever ‘Fistenes, bedhes y ober uskis, ma'n gwellyn. Neses, ha des kusul Sans Ysrael, ma's aswonnyn.’

Ysay 60:22

An distyr ahanas a vydh avel mil, ha'n byghan avel kenedhel grev. My yw an Arloedh; yn y dermyn, distowgh my a'n gwra.

Ysay 8:15

Meur anedha a drebuch, ha koedha ha bos terrys; i a vydh maglennys, ha kemmerys.

Yeremia 13:16

Rewgh gordhyans dhe'n Arloedh agas Duw, kyns ev dhe dhri tewolgow, ha kyns agas treys dhe drebuchya aga desedha war an menydhyow tewl; ha pan esowgh ow hwilas golow, ev a'n treyl dhe skeus ankow, ha'y wul tewolgow down.

Yeremia 20:11

Mes yma an Arloedh genev avel kasor fell; ytho ow helghysi a drebuch, ha ny wrons fetha; i a's tevydh meth meur, rag ny sewenons: ny vydh ankevys aga disenor bys vykken.

Yeremia 23:12

Ytho aga fordh a vydh avel hynsyow slynk y'n tewlder, may fydhons herdhys ynna ha koedha: rag my a dhre drogedh warnedha yn blydhen aga hessydhyans, yn-medh an Arloedh.

Yeremia 51:56

rag distruer re dheuth er hy fynn, erbynn Babylon; hy breselyoryon yw kemmerys, aga gwaregow yw terrys; rag an Arloedh yw Duw a attal, ev a attal yn leun.

Yeremia 6:21

Ytho yndellma y lever an Arloedh: Otta, my a worr a-rag an bobel ma sklanderyow may hwra koedha warnedha tasow ha mebyon war-barth; an kentrevek ha'y goweth a dhe goll.

Yeremia 8:12

Esa meth dhedha pan wrussons pyth kasadow? Na, ny's tevo meth vytholl, na ny's tevo rudha. Ytho i a wra koedha yn mysk an re a goedh: yn termyn aga hessydhyans i a vydh domhwelys, yn-medh an Arloedh.

Ezekiel 7:5

Yndellma y lever An Arloedh Duw: Anfeusi, unn anfeusi, otta re dheuth!

Hosea 13:12

Kammhynseth Efraym yw maylys, y begh yw gwithys yn kovadh.

Levitikus 19:18

Ny wre'ta diella, na berthi envi erbynn fleghes dha bobel, mes ty a gar dha gentrevek kepar ha ty dha honan. An Arloedh ov vy.

Nahum 1:2

An Arloedh yw Duw neb a berth avi, hag a gemmer dial; dialor yw an Arloedh ha meur y sorr; an Arloedh a gemmer dial war y eskerens, hag ev a with y sorr erbynn y envi.

Nahum 1:6

Piw a yll sevel a-dherag y sorr? Piw a yll perthi y sorr fers? Y sorr yw dinewys yn-mes avel tan, ha terrys dhe demmyn a-ragdho yw an karregi.

Habakkuk 2:3

Rag an welesigeth yw hwath rag termyn apoyntys; hi a fisten dhe'n diwedh, ha ny wowlever: kyn hok hi, rag hi a dheu yn surredi, ny dhelat hi.

Romanyon 12:19

Na omdhialewgh, hwi garadowyon, mes rewgh le dhe gonnar Duw; rag skrifys yw, ‘Dial yw dhymm, my a attal’, yn-medh an Arloedh.

Romanyon 13:4

Rag gwas Duw yw ev rag dha dhader. Mar kwredh drog, porth own, rag ny dheg ev an kledha yn euver. Gwas Duw yw ev, dialor rag konnar war an drogoberer.

Dewteronomi 32:43

Germewgh yn lowen, kenedhlow, gans y bobel, rag ev a gemmer dial war woes y servysi, ha tewlel dial war y eskerens, ha dasprena tir y bobel.

Ebrowyon 10:30

Rag ni a'n aswonn neb a leveris, ‘Dhymmo vy yw an dial; my a attal.’ Hag arta, ‘An Arloedh a wra breusi y bobel.’

1 Peder 2:8

ha, ‘Men a wra dhe dhen trebuchya, ha karrek a offens.’ I a goedh rag nyns yns i gostydh dhe'n ger. Henna a veu aga thenkys.

2 Peder 2:3

Ha dre grefni gans fals lavarow hwi a vydh gwrys marchondis gansa. Ragdha i seulabrys nyns yw lent an vreus, ha ny gosk an diswrians.

1 Samuel 26:10

Hag yn-medh Davydh ynwedh, ‘Dell vew an Arloedh, an Arloedh a'n gwysk dhe'n dor; po y jydh a dheu dhe verwel; po ev a wra mos yn-nans yn batel ha merwel.