Dewteronomi 32:30 - An Bibel Kernewek 20234 (Kernewek Kemmyn)

³⁰ Fatell allsa unn den chasya mil, po dew fesya deg mil, mar ny's gwerthas aga Harrek, ha'n Arloedh a's daskorras.

Dewteronomi 32:30 ပူးပေါင်းရင်းမြစ်များ

1 Myghternedh 14:16

Ev a eskas Ysrael drefenn peghosow Yeroboam, a beghas ha gul Ysrael dhe begha.’

2 Myghternedh 7:5

Ytho i a sevis d'wor' an nos rag mos dhe gamp Aram; mes pan dheuthons dhe amal kamp Aram nyns esa denvyth ena vytholl.

1 Kroniklys 12:14

An Gadysi ma o soedhogyon a'n lu, an lyha anedha o mar galloesek avel kans souder a'n eskar ha'n moyha galloesek o kehaval dhe vil.

2 Kroniklys 24:24

Lu Aram re dhothya gans niver byghan a wer, mes an Arloedh a ros ynter aga diwla lu fest bras, drefenn i dhe asa an Arloedh, Duw aga thasow. Yndella i a gowlwrug breus war Yoash.

Job 11:10

Mar tremen ev, ha prisonya, ha gelwel dhe vreus, piw a yll y lettya?

Job 16:11

Duw re'm delivras dhe'n den didhuw, ha'm ri yn diwla an debeles.

Salmow 31:8

Ny'm gessys vy yn dorn an eskar; ty re worras ow threys yn tyller ledan.

Salmow 44:12

Ty a werthas dha bobel a dravyth, ha dhiworth aga fris ny gemmersys prow.

Ysay 30:17

Mil a fi a-rag godros onan; rag godros pymp hwi a fi, bys may fowgh gesys avel gwelenn-vaner war benn menydh, avel tokyn war vre.

Ysay 50:1

Yndellma y lever an Arloedh: Ple'ma testenn torrva demmedhyans dha vamm, gensi ma's gorris dhe-ves? Po py a'm kresysoryon yw dhodho ma'th werthis vy? Otta, drefenn dha beghosow y feus gwerthys, ha rag dha dreuspassow y feu dha vamm gorrys dhe-ves.

Ysay 52:3

Rag yndellma y lever an Arloedh: Hwi a veu gwerthys heb pemont, ha dasprenys vydhowgh heb arghans.

Levitikus 26:7

Ha hwi a jas agas eskerens hag i a goedh dheragowgh der an kledha.

Levitikus 26:8

Pymp ahanowgh a jas kans, ha kans ahanowgh a jas deg mil, ha'gas eskerens a goedh dheragowgh der an kledha.

Matthew 18:25

Hemma pan na'n jeva pygans dhe attyli, y vester a worhemmynnis may fe gwerthys keffrys ha'y wreg ha'y fleghes ha pup-tra oll a'n jeva ha'n gendon dhe vos attylys.

Dewteronomi 32:4

An Garrek – perfydh yw y ober, rag oll y fordhow yw ewn; Duw a lenduri, heb kammhynseth, gwiryon ha kompes yw ev.

Yoshua 23:10

Unn gour mes a'gas mysk a yll chasya mil, rag an Arloedh agas Duw a omladh ragowgh, dell ambosas dhywgh.

Breusysi 2:14

Ytho sorr an Arloedh a loskas erbynn Ysrael, hag ev a's daskorras dhe ladron, neb a's pyllas; hag ev a's gwerthas yn diwla aga eskerens a-dro dhedha, ma na yllens sevel pella erbynn aga eskerens.

Breusysi 3:8

Ytho sorr an Arloedh a loskas erbynn Ysrael, hag ev a's gwerthas yn leuv Kushan-rishathaym myghtern Aram Naharaym; ha mebyon Ysrael a servya Kushan-rishathaym eth blydhen.

1 Samuel 2:2

‘Nyns eus Sans kepar ha'n Arloedh, nyns eus nagonan marnas ty; nyns eus karrek kepar ha'gan Duw.