Dewteronomi 32:26 - An Bibel Kernewek 20234 (Kernewek Kemmyn)

²⁶ My a leveris: My a's defend dhe-ves; my a dhile aga hovadh dhiworth densys;

Dewteronomi 32:26 ပူးပေါင်းရင်းမြစ်များ

Salmow 34:16

Yma fas an Arloedh erbynn an re a wra drog, dhe gisya aga hovadh dhiworth an norvys.

Salmow 34:17

An re wiryon a arm, ha'n Arloedh a glew, ha'ga delivra dhiworth aga ankenyow oll.

Eksodus 32:12

Prag y tegoedh dhe'n Ejyptianys leverel, “Gans tebel vynnas y hwrug aga dri yn-rag, dh'aga ladha y'n menydhyow, dh'aga howlladha war enep an nor”? Treyl a'th sorr fers ha re bo edrek dhis a'n tebelwrians erbynn dha bobel.

Ysay 48:11

A'm govis vy, a'm govis evy y'n gwrav, rag fatell vydhav defolys? Ha'm glori ny'n rov dhe arall.

Ysay 63:16

Rag ty yw agan Tas, kyn na'gan goer Abraham ha na'gan aswonn Ysrael; ty yw an Arloedh agan Tas, agan Dasprenyas vynnari yw dha hanow.

Levitikus 26:33

Ha my a wra agas skattra yn mysk an kenedhlow, ha tenna yn-mes an kledha war agas lergh; dha dir a vydh ynyal, ha'gas sitys a vydh magoryow.

Levitikus 26:38

Hag yth ewgh dhe goll yn mysk an kenedhlow, ha tir agas eskerens a wra agas kollenki.

Luk 21:24

i a goedh dre vin an kledha hag a vydh kemmerys yn keth dhe oll an kenedhlow, ha Yerusalem a vydh trettys yn-dann dreys an Jentilys, bys pan vo termynyow an Jentilys kowlwrys.

Dewteronomi 28:25

An Arloedh a wra dhis bos fethys gans dha eskerens. Yth edh yn-mes er y bynn yn unn fordh ha fia yn seyth fordh a-ragdho, ha ty a vydh euth dhe oll kenedhlow an norvys.

Dewteronomi 28:37

Ty a vydh an acheson a euth, ha parabolenn, ha ges yn oll an poblow may hwra an Arloedh dha ledya bys di.

Dewteronomi 28:64

Ena an Arloedh a wra dha skattra yn mysk oll an poblow dhiworth unn penn a'n norvys bys y'n penn arall, hag ena ty a serv duwow erell neb na aswonnsys, naneyl ty na'th tasow, prenn ha men.

Dewteronomi 4:27

An Arloedh a wra agas skattra ynter an poblow, boghes vydh agas niver gesys yn mysk an kenedhlow may hwra an Arloedh agas ledya di.

Dewteronomi 9:14

Gas vy ow honan, ma's distruiv ha defendya dhe-ves aga hanow a-dhann an ebron; ha my a'th wra kenedhel vrassa ha kreffa agesso.’