Dewteronomi 32:25 - An Bibel Kernewek 20234 (Kernewek Kemmyn)

²⁵ A-ves, an kledha a wra dhe dus bos anvap, hag a-ji, yma euth rag gour yowynk ha gwyrghes, an flogh ow tena, gans an gour a vlew loes.

Dewteronomi 32:25 ပူးပေါင်းရင်းမြစ်များ

2 Myghternedh 7:5

Ytho i a sevis d'wor' an nos rag mos dhe gamp Aram; mes pan dheuthons dhe amal kamp Aram nyns esa denvyth ena vytholl.

2 Kroniklys 36:17

Ev a dhros er aga fynn myghtern an Kaldeanys, hag ev a ladhas aga gwer yowynk gans an kledha yn chi aga sentri; ny'n jevo truedh naneyl war our yowynk na moren, na war henavek na krebogh; ev a's ros pub den oll yn y leuv.

Ysay 30:16

Hwi a leveris, ‘Na, drefenn ni a fi war vargh’ – rakhenna hwi a fi! ha ‘Ni a varghok war vargh skav’ – rakhenna agas helghysi a vydh skav!

Yeremia 44:7

Ytho lemmyn, yndellma y lever an Arloedh, Duw an luyow, Duw Ysrael: Prag y hwrewgh an drogedh meur ma er agas pynn agas honan, dhe derri yn-mes a Yuda gour ha benyn, flogh ha baban, ma na vo remenant gesys;

Yeremia 44:8

orth ow frovokya dhe sorr gans ober agas diwleuv, ow leski offrynnow dhe dhuwow erell yn pow Ejyp, le may teuthewgh dhe driga, rag distrui agas honan, ha bos molleth ha keredh yn mysk oll kenedhlow an nor?

Yeremia 9:21

‘Ankow re dheuth yn-bann dh'agan fenestri, hag entra yn agan lysyow, dhe dreghi an fleghes dhiworth an stretys, ha'n wer yowynk dhiworth an plenys.’

Kynvannow 1:20

Mir, A Arloedh, ha grevys ov vy; ow holodhyon yw troblys, ow holonn yw treylys ynnov, rag diwostydh dres eghenn re beuv. A-ves, an kledha a ladh an fleghes, a-ji nyns eus saw mernans.

Kynvannow 4:4

Taves an baban ow tena a len orth y stevnik gans syghes, fleghigyow a bys bara, nyns eus neb a'n re dhedha.

Ezekiel 7:15

An kledha a-ves, ha'n plag ha'n divoetter a-ji: neb eus y'n gwel a verow der an kledha, ha neb eus y'n sita, divoetter ha plag a'n deber.

Hosea 11:6

An kledha a wra troyllya erbynn y sitys, ha distrui an varrys a'y yetys, ha'ga dybri drefenn aga thowlow.

Hosea 9:12

Kyn hwrellons meythrin aga fleghes, my a gemmer pubonan dhe-ves, ma na vo denvyth gesys. Go-i pan dreylyav anedha!

Hosea 9:16

Efraym yw gweskys, aga gwreydhenn yw sygh; ny askorrons frut. Ynwedh mar tineythons, my a ladh an fleghes karadow a'ga thorr.

Levitikus 26:25

Ha my a dhre kledha warnowgh dhe dhiella an kevambos; ha pan owgh hwi kuntellys war-barth a-berth yn agas sitys, my a dhannvon an pla yn agas mysk, ha hwi a vydh res a-ji dhe dhorn an eskar.

Mika 6:14

Ty a wra dybri, mes ny' fydh dha walgh, hag y fydh nown dhis y'th kolodhyon; ty a wra kuntell mes heb gwitha saw, ha'n pyth a withydh a rov dhe'n kledha.

2 Korinthianys 7:5

Yn tevri, pan dheuthen ni yn Makedonia nyns esa dh'agan korf powes vyth, mes galar a berthsyn ni yn pub fordh; strifow a-ves ahanan, own a-ji dhyn.