Dewteronomi 32:24 - An Bibel Kernewek 20234 (Kernewek Kemmyn)

²⁴ I a vydh gwannhes gans divoetter, ha devorys gans plag ha kleves hwerow; my a dhannvon ynna dyns bestes, gans venim serf ow kramya yn doust.

Dewteronomi 32:24 ပူးပေါင်းရင်းမြစ်များ

Jenesis 3:14

Hag yn-medh an Arloedh Duw dhe'n sarf, ‘Rag ty dhe wul hemma, milliges osta dres oll chatel ha dres pub best a'n gwel; war dha dorr ty a wra mos, ha doust ty a wra dybri pub dydh oll a'th vewnans.

Jenesis 49:15

Ev a welas bos da y bowesva, ha hweg an tir; ev a blegyas y skoedh dhe'n begh, hag a veu gorrys dhe hwel krev avel kethwas.

Job 20:16

Ev a sugen venim serf; taves an nader a'n ladh.

Salmow 120:4

Sethow lymm an breselyas, gans kolennow bew a'n banadhel.

Salmow 91:6

a'n pla a gerdh yn tewlder, nag a'n jevan a dhistru y'n hanter-dydh.

Ysay 65:25

Bleydh hag oen a beur war-barth, ha lew avel ojyon a dheber kala', mes doust a vydh boes rag sarf. Ny wrons dregynn na distrui yn oll ow menydh sans, yn-medh an Arloedh.

Yeremia 14:18

Mars av yn-rag dhe'n mes, otta an re ledhys gans an kledha! Ha mars av a-ji dhe'n sita, otta an re yw klav gans divoetter. Rag an profoes ha'n oferyas re wandras dhe dir na wodhons.

Yeremia 15:3

Ha my a wra ordena warnedha peswar eghenn a derroes, yn-medh an Arloedh: an kledha dhe ladha, ha'n keun dhe skwardya, hag ydhyn an nev, ha bestes an nor, dhe dhevorya ha dhe dhistrui.

Yeremia 16:4

I a verow a glevesow marwel; ny vydh kynvann ragdha, na ny vydhons ynkleudhys; mes i a vydh avel teyl war enep an dor. Hag i a vydh distruys gans an kledha, ha gans divoetter; ha'ga horfow a vydh karyn rag ydhyn an nev ha bestes an nor.

Yeremia 8:17

Rag, otta, my a dhannvon serf, nadres, yn agas mysk, na yll bos husys, hag i a'gas brath, yn-medh an Arloedh.

Kynvannow 5:10

Agan kroghen yw poeth kepar ha forn drefenn poethvann divoetter.

Ezekiel 14:15

Mar tannvonav drog woedhviles der an pow ha'y dhibobla, may fo difeyth, ha ma na allo denvyth tremena drefenn an bestes,

Ezekiel 14:21

Rag yndellma y lever an Arloedh Duw: Pygemmys moy y fydh pan dhannvonav erbynn Yerusalem ow feder tebel vreus; kledha, divoetter, drog woedhviles, ha plag, dhe dreghi dhiworti den ha best!

Ezekiel 5:17

My a dhannvon divoetter ha tebel vestes er agas pynn, hag i a'th wra anvap. Plag ha goes a dremen dresos, ha my a dhre kledha warnas. My, an Arloedh, re gewsis.

Levitikus 26:22

Ha my a dhannvon bestes gwyls yn agas mysk a gemmer dhe-ves agas fleghes, ha diswul agas chatel, ha lehe agas niver, ha gwag vydh agas fordhow.

Amos 9:3

Kynth omgudhons war wartha menydh Karmel, my a's hwila alena ha'ga hemmeres; ha kynth yns i kudhys a-dherag ow dewlagas yn goeles an mor, ena my a worhemmynn dhe'n sarf, ha hi a's brath.

Mika 7:17

i a lap an doust kepar ha sarf, kepar ha pedrevanes an dor: i a dheu ow kwynnel a'ga skovvaow, a dheu a-rag a'n Arloedh gans krena, hag own a's tevydh ahanas.

Habakkuk 3:5

A-dheragdho yth a an vall, hag yn-rag yth a an pla orth y dreys.

Dewteronomi 28:22

An Arloedh a'th wysk gans kleves gwastya, ha gans terthenn, ha gans fevyr, ha gans brewvann, ha gans an kledha ha gans kleves losk ha kleves melynheans y'n ys, hag i a'th helgh bys pan vydhydh diswrys.

Dewteronomi 28:48

ty a serv dha eskerens a wra an Arloedh dha Dhuw dannvon er dha bynn, yn nown, hag yn syghes, hag yn noethedh, hag yn esow a bup-tra oll; hag ev a worr yew a horn war dha gonna, bys may hwrello dha dhistrui.

Dewteronomi 28:53

Ena ty a dheber frut dha gorf dha honan, kig dha vebyon ha'th vyrghes a ros an Arloedh dha Dhuw dhis, drefenn an omsettyans stroeth may hwra dha eskar dha stroetha ganso.