Dewteronomi 32:22 - An Bibel Kernewek 20234 (Kernewek Kemmyn)

²² Rag tan re dhewis dre'm sorr ha leski a wra bys yn downderyow ifarn; ev a dheber an dor ha'y askorr, hag enowi gans tan selyow an menydhyow.

Dewteronomi 32:22 ပူးပေါင်းရင်းမြစ်များ

Salmow 144:5

Gwra dhe'th nevow plegya dhe'n dor, A Arloedh, ha diyskynn; toch an menydhyow, ha megi a wrons.

Salmow 21:9

Ty a's gwra kepar ha fornes a dan yn prys dha sorr. An Arloedh a's kollenk yn y goler, ha'n tan a's deber.

Salmow 46:2

Rakhenna ny berthyn own, kyn fo an nor chanjys, ha kyn krenno an menydhyow yn kres an mor;

Salmow 83:14

Kepar ha tan a lesk an koes, ha kepar ha flamm a worr tan y'n menydhyow,

Salmow 86:13

Rag meur yw dha dregeredh orthiv; ty re dhelivras ow enev dhiworth ifarn isella.

Salmow 97:3

Tan a gerdh a-dheragdho, ha leski y eskerens a-derdro.

Ysay 24:6

Rakhenna molleth a dhevor an nor, ha'y annedhysi a berth aga hessydhyans. Rakhenna lehes yw annedhysi an nor, ha nebes yw gesys.

Ysay 30:33

Rag Tofeth re beu ordenys a hirneth, ynwedh parys yw rag an myghtern. Re beu gwrys down ha ledan, gans tan ha palster a brenn. Anall an Arloedh avel gover a loskven a wra y enowi.

Ysay 54:10

Rag kyn fo an menydhyow removyes, ha'n breow kemmerys dhe-ves, ny vydh ow thregeredh removyes dhiworthis, na ny vydh ow hevambos a gres kemmerys dhe-ves, yn-medh an Arloedh, neb a gemmer truedh ahanas.

Yeremia 15:14

Ha my a wra dhis servya dha eskerens yn tir na aswonnydh: rag tan yma enowys y'm sorr, hag a wra leski warnas.

Yeremia 17:4

Ha ty a lews dha leuv dhiworth dha eretons a res dhis; ha my a'th wra dhe servya dha eskerens y'n tir na aswonnydh: rag an tan re enowsowgh y'm sorr, a lesk bys vykken.

Yeremia 4:4

Omdrodreghewgh dhe'n Arloedh ha kemmerewgh dhe-ves kudhgenn agas kolonn, hwi wer Yuda ha trigoryon Yerusalem, ma nag ello ow honnar yn-mes avel tan, ha leski, heb denvyth dh'y dhifeudhi, drefenn drogedh agas gwriansow.

Kynvannow 2:2

An Arloedh re gollonkas heb truedh oll annedhow Yakob; yn y sorr ev re dorras dinasow myrgh Yuda; ev re dhros bys y'n dor ha disenora an wlaskor ha'y rewloryon.

Kynvannow 2:3

Ev re hakkyas yn gwres y sorr pub korn a Ysrael, ev re dennas y leuv dhyghow dhe-ves dhiworta a-rag an eskar; ev re loskas erbynn Yakob kepar ha tan ow flammya, ow kowlleski a bub tu.

Kynvannow 2:4

Ev re blegyas y warak kepar hag eskar, y leuv dhyghow yw drehevys kepar hag envi; ev re ladhas pup-tra o plegadow dhe'n lagas; yn tylda myrgh Sion ev re dhinewis y sorr kepar ha tan.

Kynvannow 4:11

An Arloedh re gowlwrug y sorr, ha dyllo y sorr fers, hag enowi tan yn Sion a dhevoryas hy selyow.

Ezekiel 19:12

Mes hi a veu diwreydhys yn sorr, ha tewlys dhe'n dor; gwyns an est a's desyghas; hy frut a veu destryppys, hy garr grev a wedhras; tan a's dybris.

Ezekiel 22:21

My a'gas kuntell ha hwytha warnowgh gans tan ow sorrvann, ha hwi a vydh teudhys a-ji dhedhi.

Ezekiel 36:5

rakhenna yndellma y lever an Arloedh Duw: Sur yn tan ow avi my re gewsis erbynn remenant an kenedhlow, hag erbynn oll Edom a gemmeras ow thir dhedha aga honan rag eretons gans joy yn aga holonn ha despit yn aga brys, rag may fe hy feurva preydh.

Ezekiel 38:19

Y'm avi hag y'm sorrvann my a dheklar: Y'n jydh na y fydh dorgrys bras war diredh Ysrael.

Levitikus 26:20

Agas nerth a vydh spenys yn euver rag ny re agas tir y drevas, na ny re gwydh an tir aga frut.

Amos 5:6

Hwilewgh an Arloedh ha bewa, ma na tartho avel tan yn chi Yosep, dh'y dhevorya, heb denvyth dh'y dhifeudhi yn Bethel.

Amos 7:4

An Arloedh Duw a dhiskwedhas hemma dhymm: hag otta, yth esa an Arloedh Duw ow kelwel rag prov dre dan, ha'n tan a dhevoryas an islonk meur, hag a dhevoryas rann a'n tir.

Mika 1:4

Ha'n menydhyow a wra teudhi yn-danno ha'n nansow a vydh folsys, avel koer a-rag an tan, avel dowrow diverys war leder serth.

Habakkuk 3:10

An menydhyow a'th welas hag i a grenas; liv a dhowrow a dremenas; an islonk a dhellos y lev ha drehevel y dhiwleuv yn-bann.

Sefania 1:18

Naneyl aga arghans na'ga owr a yll aga delivra yn dydh sorr an Arloedh; ha gans tan y avi an norvys oll a vydh devorys: rag ev a wra diwedh leun, yn sur neppyth euthyk, a beub eus trigys y'n norvys.

Sefania 3:8

Rakhenna gwrewgh ow gortos, yn-medh an Arloedh, bys y'n jydh pan savav avel dustunier: rag kuntell an kenedhlow yw ow bodh may keskorrav an gwlaskordhow rag dinewi warnedha ow sorrvann, oll ow sorr fers; rag oll an norvys a vydh devorys gans tan ow avi.

Niverow 16:33

Ytho i, hag oll a bewens, a dhiyskynnas yn few dhe ifarn; ha'n dor a dhegeas a-ughta, hag i a eth mes a wel a-dhiworth kres an gemmynieth.

Niverow 16:35

Ha tan a dheuth yn-mes dhiworth an Arloedh, hag a gowlloskas an dhew kans ha hanter kans gour ow profya an ynkys.

Matthew 10:28

Ha na berthewgh own a'n re a ladh an korf, mes na yll ladha an enev; mes kyns oll perthewgh own a neb a yll diswul ha'n enev ha'n korf yn ifarn.

Matthew 18:9

Ha mar kwra dha lagas dhis trebuchya, tenn e mes ha towl e dhiworthis; gwell yw dhis mos unnlagasek a-bervedh yn bewnans ages bos tewlys yn tan ifarn, ha'th tewlagas genes.

Matthew 23:33

Hwi serf! Hwi askorr nadres! Fatell yllowgh diank dhiworth breus ifarn?

Dewteronomi 29:20

an Arloedh ny vynn gava dhodho; ena sorr an Arloedh ha'y avi a dhyllo mog erbynn an gour na, hag oll an volleth yw skrifys y'n lyver ma a wrowedh warnodho, ha'n Arloedh a dhefend y hanow a-dhann nev.

2 Thessalonianys 1:8

yn tan ow flammya, ow kul dial war an re na aswonn Duw ha'n re nag yw gostydh dhe aweyl agan Arloedh Yesu.

Ebrowyon 12:29

rag agan Duw yw tan a gowllesk.