Dewteronomi 31:9 - An Bibel Kernewek 20234 (Kernewek Kemmyn)

⁹ Ytho Moyses a skrifas an lagha ma, ha'y ri dhe'n oferysi leviek, degoryon argh kevambos an Arloedh, ha dhe oll henavogyon Ysrael.

Dewteronomi 31:9 ပူးပေါင်းရင်းမြစ်များ

1 Myghternedh 8:3

Oll henavogyon Ysrael a dheuth, ha'n oferysi a gemmeras an argh yn-bann.

2 Myghternedh 17:37

Gwaytyewgh gwitha an ordenansow, an breusow, an laghys, ha'n gorhemmynnow a skrifas ev ragowgh. Ny wordhewgh duwow erell.

1 Kroniklys 15:2

Ena Davydh a leveris, ‘Ny yll nagonan doen argh Duw marnas an Levysi, rag an Arloedh a's dewisas dhe dhoen argh an Arloedh ha dhe venystra dhodho bys vykken.’

Nehemia 8:2

Hag Ezra an oferyas a dhros an lagha a-dherag an kuntelles, keffrys gwer ha benynes, ha peub a allas klewes gans konvedhes, yn kynsa dydh an seythves mis.

Nehemia 8:3

Hag ev a lennas an lagha y'n plen a-dherag Yet an Dowr dhiworth myttin a-varr bys hanter-dydh, a-dherag gwer ha benynes, ha tus a allas konvedhes; hag oll an bobel a woslowas gans rach orth lyver an lagha.

Eksodus 24:4

Ha Moyses a skrifas geryow oll a'n Arloedh. Hag ev a sevis myttin a-varr, ha drehevel alter dhe droes an menydh, ha drehevel dewdhek peulven, herwydh dewdhek loeth Ysrael.

Daniel 9:13

Dell veu skrifys yn lagha Moyses, yma koedhys oll an droglamm ma warnan; mes ny dhiserrsyn tremmynn an Arloedh agan Duw, ow treylya dhiworth agan kammweyth hag ow konvedhes dha wiryonedh.

Hosea 4:6

Ow fobel yw kisys drefenn fowt a skians. Drefenn ty dhe nagha skians, my a wra dha nagha ma na vi oferyas ragov; drefenn ty dhe ankevi lagha dha Dhuw, my ynwedh a wra ankevi dha vebyon.

Malaki 2:7

Rag y koedh dhe dhiwweus an oferyas gwitha skians, hag y tal dhe dus hwilas dyskans a'y anow, drefenn y vos kannas Arloedh an luyow.

Malaki 4:4

Perthewgh kov a lagha ow gwas Moyses, an ordenansow ha'n breusow a erghis vy dhodho war Horeb rag oll Ysrael.

Niverow 33:2

Moyses a skrifas oll aga diberthvaow dre worhemmynn an Arloedh; ha'n re ma yw aga herdhow war-lergh aga diberthvaow.

Niverow 4:15

Ha pan vydh Aron ha'y vebyon gorfennys ow kudha an sentri hag oll daffar an sentri, dell dhalleth an kamp war an fordh, wosa henna mebyon Kohath a wra dos dhe dhoen an re ma, mes ny goedh dhedha tochya an taklow sans, ma na varwons. An re ma yw taklow tylda an kuntelles a vydh degys gans mebyon Kohath.

Niverow 4:5

Pan wra an kamp mos yn-rag, Aron ha'y vebyon a wra entra ha diswul vayl an groglenn, ha kudha argh an dustuni ganso;

Niverow 4:6

ena i a wra gorra warnedhi kudhans a greghyn morhoghes, ha lesa warnedhi kweth dhien a las, ha settya hy gwelynni.

Mark 12:19

‘A Vester, Moyses a skrifas ragon, Mar merow broder neb den, ha gasa gwreg a-dhelergh, heb gasa flogh, y vroder a dal kemmeres an wreg, ha maga askorr dh'y vroder.

Luk 20:28

ow leverel, ‘Mester, Moyses a skrifas ragon, “Mar merow broder neb den ha dhodho gwreg, mes ev anvap, y vroder a dal kemmeres an wreg ha maga askorr dh'y vroder.”

Yowann 1:17

rag an lagha a veu res dre Moyses; gras ha gwirder a dheuth dre Yesu Krist.

Yowann 1:45

Felip a gavas Nathanael ha leverel dhodho, ‘Ni re'n kavas neb a skrifas Moyses hag ynwedh an brofoesi anodho y'n lagha, Yesu mab Yosep, a Nazareth.’

Yowann 5:46

Rag mar kwrellewgh krysi yn Moyses, hwi a gryssa ynnov vy; rag ev a skrifas ahanav.

Dewteronomi 10:8

Y'n termyn na an Arloedh a dhibarthas loeth Levi dhe dhegi argh kevambos an Arloedh, dhe sevel a-rag an Arloedh dh'y servya ha dhe venniga yn y hanow bys y'n jydh hedhyw.

Dewteronomi 17:18

Pan vydh esedhys war dron y ruvaneth, ev a skrif ragdho y honan dasskrif a'n lagha ma war lyver, dhiworth an lyver usi dhe'n oferysi leviek.

Dewteronomi 31:28

Kuntellewgh dhymm oll henavogyon agas loethow ha'gas soedhogyon, rag may kewssiv yn aga diwskovarn an geryow ma, ha gelwel nev ha nor yn test er aga fynn.

Dewteronomi 33:10

I a dhysk dha vreusow dhe Yakob, ha'th lagha dhe Ysrael. I a worr ynkys y'th tewfrik, hag offrynn kowlleskys war dha alter.

Yoshua 3:3

hag i a worhemmynnis dhe'n bobel ow leverel, ‘Pan welowgh argh kevambos an Arloedh agas Duw, ha'n oferysi, an Levysi, orth hy doen, hwi ynwedh ewgh yn-rag a'gas tyller ha'y holya.

Yoshua 6:12

Yoshua a sevis myttin a-varr, ha'n oferysi a dhrehevis argh an Arloedh.