Dewteronomi 31:20 - An Bibel Kernewek 20234 (Kernewek Kemmyn)

²⁰ Rag wosa my dh'aga dri dhe'n tir a des dh'aga thasow, a dhinwa leth ha mel, hag i a dheber ha bos gwalghys, ha tew, ena i a dreyl dhe dhuwow erell ha'ga servya; i a'm dispres, ha terri ow hevambos.

Dewteronomi 31:20 ပူးပေါင်းရင်းမြစ်များ

Nehemia 9:35

Hwath yn aga gwlaskor aga honan, hag y'th tader bras a resys dhedha y'n tir efan ha feyth, ny'th servsons na ny dreylsons dhiworth aga drog weythresow.

Salmow 119:70

Maga tew avel an blonek yw aga holonn, mes my a lowenha y'th lagha.

Salmow 17:10

I a vayl aga holonn gans blonek; gans aga ganow i a gews yn hwoethus.

Salmow 73:7

Aga dewlagas a hwedh gans tewder; i a's teves moy ages konsayts aga holonn.

Eksodus 3:17

hag ambosa a wrav agas dri yn-bann yn-mes a galar Ejyp dhe bow an Kananysi, an Hittysi, an Amorysi, an Perizzysi, an Hivysi ha'n Yebusysi, tir a dhinwa leth ha mel.”

Eksodus 3:8

ha my re dhiyskynnas dh'aga livra yn-mes a leuv an Ejyptianys ha dh'aga dri a'n tir na dhe dir mas ha ledan, dhe dir a dhinwa leth ha mel, dhe dyller an Kananysi, an Hittysi, an Amorysi, an Perizzysi, an Hivysi ha'n Yebusysi.

Lavarow Koth 30:9

poken lenwys vydhav hag y'th naghav hag y lavarav, ‘Piw yw an Arloedh?’ Po y fydhav boghosek ha ladra, ha disakra hanow ow Duw.

Ysay 6:10

Gwra kolonn an bobel ma tew, ha gwra aga diwskovarn poes, ha sel aga dewlagas, ma na glewons der aga dewlagas ha gweles der aga diwskovarn ha konvedhes der aga holonn, hag i a dreyl ha bos sawys.’

Yeremia 31:32

Ny vydh avel an kevambos a wrug gans aga thasow, y'n jydh ma's kemmeris der aga leuv dh'aga dri yn-mes a bow Ejyp – kevambos a dorrsons, kynth en gour dhedha, yn-medh an Arloedh.

Yeremia 5:28

Tevys tew yns, ha korfek. Nyns eus finweth dh'aga drog wriansow; ny vreusons gans gwirvreus ken an omdhivas, may sewenno; ha gwir an edhommogyon ny vreusons.

Yeremia 50:11

Drefenn hwi dhe lowenhe, drefenn hwi dhe vos fest heudhik, hwi dhistruoryon ow ertach, kyn terlemmowgh avel denewes y'n aswels, ha kryghias avel mergh krev,

Ezekiel 34:16

An re kellys a hwilav, ha'n re gyllys yn stray a dhrov dhe dre, ha'n re terrys a golmav, ha'n re wann a grevhav; mes an re dew ha'n re grev my a dhistru. My a's mag gans breus.

Ezekiel 34:20

Rakhenna yndella y lever dhedha an Arloedh Duw: Ottavy, my ow honan, ow preusi ynter an deves tew ha'n deves tanow.

Hosea 13:6

Herwydh an peurwels yw dhedha y fons lenwys; lenwys vons, ha'ga holonn a veu goethus; rakhenna i a'm ankevis.

Hosea 6:7

Mes i re dorras an kevambos avel Adam: ena i re'm traytas.

Dewteronomi 11:16

Kemmerewgh with, ma na vo agas kolonn toellys, ha hwi a dreyl dhe denewen ha servya duwow erell ha plegya dhe'n dor a-ragdha,

Dewteronomi 11:17

hag ena sorr an Arloedh a dhew er agas pynn, hag ev a dhege an ebron ha ny vydh glaw, ha ny dhre an tir y askorr, ha hwi a verow yn skon dhiwar an tir da usi an Arloedh ow ri dhywgh.

Dewteronomi 6:3

Klew, Ysrael, ha gwayt aga gul, rag may fo yn ta dhis, ha rag may kressyowgh yn feur, kepar dell gewsis dhis an Arloedh Duw dha dasow, yn tir a dhinwa leth ha mel.

Dewteronomi 7:1

Pan wra an Arloedh dha Dhuw dha dhri bys y'n tir mayth esos ow tos ena dh'y erita, ha fesya lies kenedhel a-ragos, an Hittysi, an Girgashysi, an Amorysi, an Kananysi, an Perizzysi, an Hivysi, ha'n Yebusysi, seyth kenedhel brassa ha kreffa agesos,

Dewteronomi 8:19

Ha mar ankevydh byth an Arloedh dha Dhuw ha kerdhes war-lergh duwow erell ha'ga servya ha plegya dhe'n dor a-ragdha, my a dhest dhywgh hedhyw, yth ewgh dhe goll devri.

Dewteronomi 8:7

Rag yma an Arloedh dha Dhuw orth dha dhri dhe dir da, tir goverow dowr, fentynyow, ha downderyow ow liva yn-mes y'n nans ha'n brenn;