Dewteronomi 31:12 - An Bibel Kernewek 20234 (Kernewek Kemmyn)

¹² Kuntell an bobel, an wer, ha'n benynes, ha'n fleghes, ha'n alyon usi y'th yetys, rag may klewvons ha rag may tyskons ha perthi own a'n Arloedh agas Duw ha gwaytyas gul oll geryow an lagha ma,

Dewteronomi 31:12 ပူးပေါင်းရင်းမြစ်များ

Ezra 10:1

Lemmyn pan esa Ezra ow pysi ha konfessya, owth oela hag owth omdewlel dhe'n dor a-rag chi Duw, routh pur vras a Ysraelysi, gwer, benynes ha fleghes, a omguntellas a-dro dhodho; rag yth esa an bobel owth oela yn feur.

Levitikus 9:5

Hag i a dhros an pyth a erghis Moyses dherag tylda an kuntelles hag oll an kuntelles a dheuth nes ha sevel dherag an Arloedh.

Haggay 1:12

Ena Zerubbabel mab Shealtiel ha'n arghoferyas Yoshua mab Yosedek, gans oll remenant an bobel, a obayas lev an Arloedh aga Duw, ha geryow an profoes Haggay, dell y'n dannvonsa an Arloedh aga Duw, ha'n bobel a gemmeras own a-dherag an Arloedh.

Yowann 5:39

‘Hwi a hwila an skryptors, rag ynna y tybowgh hwi dhe gavoes bewnans heb diwedh. Hag i aga honan yw an re a dheg dustuni ahanav;

Dewteronomi 29:29

An Arloedh agan Duw a bew an taklow kudhys, mes dhyn ni yma an taklow diskudhys, ha dh'agan mebyon bys vykken, rag may hwryllyn oll geryow an lagha ma.

Dewteronomi 29:9

Gwithewgh geryow an kevambos ma ha'ga gul, rag may sewennowgh yn pup-tra a wrewgh.

Dewteronomi 31:13

ha rag may klewvo aga mebyon na's godhvons, ha dyski perthi own a'n Arloedh agas Duw hedre vowgh bew war an dor mayth esowgh ow treusi an Yordan dh'y erita.’

Dewteronomi 4:10

an jydh may sevsys a-rag an Arloedh dha Dhuw orth Horeb, pan leveris dhymm an Arloedh, ‘Kuntell an bobel dhymm, may hwrylliv dhedha klewes ow geryow ha may tyskons perthi own ahanav oll an dydhyow esons ow pewa war an tir, ha'ga dyski dh'aga mebyon.’

Yoshua 8:33

Oll Ysrael, keffrys alyon ha genesik, y henavogyon ha'n soedhogyon, ha'y vreusysi a sevis a'n eyl tu a'n argh ha'y gila a-dal an oferysi leviek, a dhug argh kevambos an Arloedh. Yth esa hanter anedha a-dal menydh Gerizim ha hanter anedha a-dherag menydh Ebal, dell worhemmynnis Moyses gwas an Arloedh kyns, i dhe venniga pobel Ysrael.

Yoshua 8:35

Nyns esa ger a oll a worhemmynnis Moyses na lennas Yoshua a-rag oll kuntelles Ysrael, gans an benynes, an re vyghan, ha'n alyons esa trigys yn aga mysk.