Dewteronomi 30:9 - An Bibel Kernewek 20234 (Kernewek Kemmyn)

⁹ An Arloedh dha Dhuw a wra dhis seweni yn pub ober a'th leuv, yn frut dha gorf, yn frut dha jatel hag yn frut dha dir rag da; rag an Arloedh dha Dhuw a lowenha ynnos arta rag da, kepar dell lowenhas yn dha dasow,

Dewteronomi 30:9 ပူးပေါင်းရင်းမြစ်များ

Ysay 62:4

Ny vydhydh gelwys Forsakys na fella, na ny vydh dha dir gelwys Difeythys byth moy; rag ty a vydh gelwys Ynni ow Delit, ha'th tiredh Demmedhys; rag an Arloedh a'n jeves delit ynnos, ha'th tiredh a vydh demmedhys.

Ysay 62:5

Rag kepar dell wra gour yowynk demmedhi gwyrghes, yndella dha vebyon a'th temmedh; ha kepar dell wra gour pries lowenhe y'n venyn bries, yndella y hwra dha Dhuw lowenhe ynnos.

Ysay 65:19

My a lowenha yn Yerusalem ha bos heudhik y'm pobel; ny vydh klewys son oelva ynni, na son kri rag gweres na fella.

Yeremia 31:27

Otta, yma an dydhyow ow tos, yn-medh an Arloedh pan hasav chi Ysrael ha chi Yuda gans has den ha has enyval.

Yeremia 31:28

Ha kepar dell withis warnedha dhe dhiwreydhya, ha dhe dewlel dhe'n dor, yndella y hwithav warnedha, dhe dhrehevel, ha dhe blansa, yn-medh an Arloedh.

Yeremia 32:41

My a lowenha ow kul da dhedha, ha my a's plans y'n tir ma yn sur, gans oll ow holonn ha gans oll ow enev.

Yeremia 33:9

Ha homma a vydh hanow a lowena dhymm, gormel hag enor a-dherag oll kenedhlow an nor, pan glewons oll an da a wrav ragdha; i a's tevydh own ha krena drefenn oll an da ha rag oll an sewena a broviav dhedhi.

Levitikus 26:4

my a re dhywgh glawyow yn aga sesonyow ha'n tir a re y drevas, ha gwydh an gwel a re aga frut.

Levitikus 26:6

Ha my a re kres y'n pow, ha hwi a wrowedh, ha denvyth ny wra dhywgh perthi own. Ha my a bellha tebel bestes a'n tir, ha ny vydh an kledha ow tremena der agas pow.

Sefania 3:17

An Arloedh, dha Dhuw a-berth ynnos, galloesek yw, ev a saw; fest heudhik yw warnas gans lowena; ev a vydh tawesek yn y gerensa, ev a lowenha warnas gans kana,

Luk 15:32

Mes lemmyn res yw ni dhe vos lowen ha heudhik; rag dha vroder ma a veu marow ha re vewas arta; kellys o, ha trovys yw.” ’

Yowann 15:11

My re gewsis an taklow ma dhywgh may fo ow lowena ynnowgh, ha may fo agas lowena kollenwys.

Dewteronomi 28:4

Benniges vydh frut dha gorf, frut dha dir, ha frut dha jatel, leughi dha vughes, hag eyn dha flokk.

Dewteronomi 28:63

Kepar dell lowenhas an Arloedh yn agas kever dhe wul da dhywgh, ha dh'agas ynkressya, yndella an Arloedh a lowenha yn agas kever dh'agas diswul, ha dh'agas distrui. Hwi a vydh diwreydhys dhiwar an tir mayth esos ow tos di dh'y erita.

Dewteronomi 30:8

Ha ty a woslow arta orth lev an Arloedh, ha gul oll y worhemmynnow mayth esov orth aga gorhemmynna dhis hedhyw.

Dewteronomi 7:14

Benniges vydhydh moy ages an poblow oll; ny vydh ynnos gour po benyn anvap, nag yn mysk dha vestes.