Dewteronomi 30:15 - An Bibel Kernewek 20234 (Kernewek Kemmyn)

¹⁵ Mir, my re worras a-ragos hedhyw bewnans ha da, mernans ha drog,

Dewteronomi 30:15 ပူးပေါင်းရင်းမြစ်များ

Jenesis 2:17

Mes a wydhenn an godhvos a dha hag a dhrog ny wre'ta dybri, rag y'n jydh may tybrydh anedhi ty a wra merwel yn surredi.’

Lavarow Koth 12:28

Y'n hyns a ewnder yma bewnans, mes an fordh a gammwrians a hembronk dhe'n mernans.

Ysay 1:19

Mars yw agas bodh ha mar pydhowgh gostydh, hwi a dheber dader an tir;

Yeremia 21:8

Ha dhe'n bobel ma y leverydh: Yndellma y lever an Arloedh: Otta, my a worr a-ragowgh an fordh a vewnans ha'n fordh a vernans.

Yeremia 42:21

Ha lemmyn my re gewsis dhywgh hedhyw, mes ny vewgh gostydh dhe lev an Arloedh agas Duw yn travyth ma'm dannvonas dh'y leverel dhywgh.

Mika 6:8

Ev re dhiskwedhas dhis, a dhen, an pyth yw mas: ha pandr'a wovynn orthis an Arloedh marnas ty a wra gwirvreus, ha kara tregeredh, ha kerdhes yn uvel gans dha Dhuw?

Mark 16:16

Piwpynag a grysso hag a vo besydhys a vydh selwys, mes neb na vynno krysi a vydh dampnys.

Yowann 3:16

‘Rag kemmys y karas Duw an bys, may ros ev y unn Vab dineythys, rag nag ella dhe goll neb a grys ynno ev, mes may fe dhodho bewnans heb diwedh.

Galatianys 5:6

Rag yn Krist Yesu ny wrer fors a drodreghyans nag a antrodreghyans, mes a fydh owth oberi dre gerensa.

Dewteronomi 11:26

Mir, my a sett a-ragowgh hedhyw bennath ha molleth:

Dewteronomi 30:1

Pan dheu oll an taklow ma warnas, an vennath ha'n mollothow a wrugavy aga settya a-ragos, ha ty a wra aga dri arta dhe'th kolonn yn oll an kenedhlow le may hwra an Arloedh dha Dhuw dha skattra dhi,

Dewteronomi 30:14

Rag yma an ger fest yn ogas dhis, yn dha anow hag yn dha golonn, rag y wul.

Dewteronomi 30:19

My a elow nev ha nor yn test er agas pynn hedhyw y hwrugavy settya a-ragos bewnans ha mernans, bennath ha molleth; ytho dewis bewnans rag may fewi, ty ha dha has,

Dewteronomi 32:47

Rag nyns yw hemma tra drufel ragowgh, mes agas bewnans yw; ha der an dra ma hwi a hirha agas dydhyow war an tir mayth esowgh ow treusi an Yordan di dh'y erita.’

1 Yowann 3:23

Ha hemm yw y worhemmynn, may kryssyn yn hanow y Vab Yesu Krist, ha may kyrryn an eyl y gila, dell ros gorhemmynn dhyn.