Dewteronomi 30:10 - An Bibel Kernewek 20234 (Kernewek Kemmyn)

¹⁰ mar koslewydh lev an Arloedh dha Dhuw ha gwitha y worhemmynnow, ha'y ordenansow usi skrifys yn lyver an lagha ma, pan dreylydh arta dhe'n Arloedh dha Dhuw gans oll dha golonn ha gans oll dha enev.

Dewteronomi 30:10 ပူးပေါင်းရင်းမြစ်များ

Nehemia 1:9

mes mar tehwelowgh dhymm ha gwitha ow gorhemmynnow ha'ga gul, kyn fens dha dhifresow fesys dhe'n pella rann a'n nev, my a vynn aga huntell alena ha'ga dri bys y'n tyller may tewisis dhe worra ow hanow.”

Ezekiel 18:21

Mes mar treyl an tebelwas dhiworth oll y beghosow a wrug, ha gwitha oll ow ordenansow, ha gul an pyth yw lafyl hag ewn, ev a vew yn surredi; ny verow.

Ezekiel 33:11

Lavar dhedha, Dell vewav, yn-medh an Arloedh Duw, nyns eus dhymm plesour yn mernans an tebelwas, mes may treyllyo tebelwas dhiworth y fordh ha bewa. Treylyewgh! Treylyewgh dhiworth agas drog fordhow; prag y ferwowgh, chi Ysrael?

Ezekiel 33:14

Ha pan lavarav dhe debelwas, ‘Ty a verow surredi’, hag ev a dreyl dhiworth y begh ha gul an pyth yw lafyl hag ewn,

Ezekiel 33:19

Pan dreyllyo an tebelwas dhiworth y debelwrians ha gul an pyth yw lafyl hag ewn, ev a vew ynno.

Zekaria 6:15

An re neb yw pell a dheu hag i a dhrehav tempel an Arloedh, ha hwi a woer Arloedh an luyow ow dannvon dhywgh. Homma a hwyrvydh mar koslewowgh yn tiwysyk orth an Arloedh agas Duw.

Oberow 26:20

mes my a dherivas yn kynsa dhe'n re na yn Damaskus hag ena yn Yerusalem ha dres oll an pow a Yudi, y koedh dhedha kemmeres edrek ha treylya dhe Dhuw, ow kul oberow dhe edrek.

Oberow 3:19

Rakhenna kemmerewgh edrek, ha treylyewgh may fo defendys dhe-ves agas peghosow,

1 Korinthianys 7:19

Trodreghyans nyns yw travyth, hag antrodreghyans nyns yw travyth; mes gwitha arghadowyow an Arloedh yw dres pup-tra.

Dewteronomi 29:21

An Arloedh a'n diberth rag drog dhiworth oll loethow Ysrael, herwydh oll mollothow an kevambos usi skrifys y'n lyver ma a'n lagha.

Dewteronomi 30:11

Rag an gorhemmynn ma esov orth y worhemmynna dhis hedhyw nyns yw re gales ragos, na re bell.

Dewteronomi 30:2

ha ty a dhehwel dhe'n Arloedh dha Dhuw ha goslowes orth y lev war-lergh pup-tra mayth esov ow korhemmynna dhis hedhyw, ty ha'th vebyon gans oll dha golonn ha gans oll dha enev,

Dewteronomi 30:8

Ha ty a woslow arta orth lev an Arloedh, ha gul oll y worhemmynnow mayth esov orth aga gorhemmynna dhis hedhyw.

Dewteronomi 4:29

Mes mar hwilydh alena an Arloedh dha Dhuw, ty a'n kyv, mar mynnowgh y gavoes gans oll dha golonn hag oll dha enev.

Dewteronomi 6:5

ty a gar an Arloedh dha Dhuw gans oll dha golonn, ha gans oll dha enev, ha gans oll dha nerth.