Dewteronomi 3:28 - An Bibel Kernewek 20234 (Kernewek Kemmyn)

²⁸ Mes gorhemmynn dhe Yoshua ha'y grevhe ha'y nertha, drefenn ev dhe dreusi a-rag an bobel ma, hag ev a wra dhedha erita an tir a welydh jy.’

Dewteronomi 3:28 ပူးပေါင်းရင်းမြစ်များ

1 Kroniklys 22:6

Ena ev a elwis Solomon y vab hag erghi dhodho drehevel chi rag an Arloedh, Duw Ysrael.

1 Kroniklys 28:20

Y'n eur na Davydh a leveris dhe Solomon y vab, ‘Bydh krev ha bydh kolonnek ha gwra an ober. Na borth own, na vydh digennerthys, rag yma genes an Arloedh Duw, ow Duw. Ny wra dha asa na dha eskasa erna vo gorfennys oll an ober rag servis chi an Arloedh.

Yowann 1:17

rag an lagha a veu res dre Moyses; gras ha gwirder a dheuth dre Yesu Krist.

Oberow 7:45

Pan y'n degemmersens, agan tasow a'n dros gans Yoshua pan fessons an kenedhlow hag a dewlis Duw yn-mes a-dherag agan tasow, bys yn dydhyow Davydh,

Dewteronomi 1:37

Ynwedh an Arloedh a sorras orthiv a'gas govis, ow leverel, ‘Ty ynwedh, ny dheudh ena.

Dewteronomi 1:38

Yoshua mab Nun usi ow sevel a-ragos, ev a dheu ena. Kennerth e, rag ev a wra Ysrael dh'y erita.

Dewteronomi 31:23

Ha'n Arloedh a ros charj dhe Yoshua mab Nun, ow leverel, ‘Bydh krev ha bydh kolonnek, rag ty a dhre mebyon Ysrael dhe'n tir a des vy y ri dhedha; ha my a vydh genes.’

Dewteronomi 31:3

An Arloedh dha Dhuw y honan a dreus a-ragos. Ev a dhistru an kenedhlow ma a-ragos, ha ty a's erit. Yoshua, ev a dreus a-ragos kepar dell gewsis an Arloedh.

Dewteronomi 31:7

Moyses a elwis Yoshua ha leverel dhodho a-wel dhe oll Ysrael, ‘Bydh krev ha bydh kolonnek; rag ty a dheu gans an bobel ma dhe'n tir a dos an Arloedh dh'aga thasow y ri dhedha, ha ty a wra dhedha y erita.

Ebrowyon 4:8

Rag mar rolla Yoshua powes dhedha, ny gowssa Duw a-wosa a gen dydh.

Yoshua 1:2

‘Marow yw Moyses ow gwas. Sav lemmyn ha ke dres an Yordan ma, ty hag oll an bobel ma, dhe'n tir a rov dhedha, dhe'n Ysraelysi.