Dewteronomi 29:8 - An Bibel Kernewek 20234 (Kernewek Kemmyn)

⁸ Ni a gemmeras aga thir ha'y ri avel eretons rag an Rewbenysi, rag an Gadysi, ha rag hanter-loeth Manasse.

Dewteronomi 29:8 ပူးပေါင်းရင်းမြစ်များ

1 Myghternedh 2:3

ha gwith charj an Arloedh dha Dhuw, dhe gerdhes yn y fordhow, dhe witha y ordenansow, y worhemmynnow, y vreusow, ha'y dhustuniow, dell yw skrifys yn lagha Moyses, may hylli seweni yn pup-tra a wredh, ha plepynag may treylydh;

Salmow 135:12

hag ev a ros aga thir yn ertach, ertach dhe Ysrael y bobel.

Niverow 32:32

Ni a wra tremena ervys a-rag an Arloedh yn pow Kanan, ha ni a with perghennogeth agan eretons a'n tu arall dhe'n Yordan.’

Niverow 32:33

Ha Moyses a ros dhedha, dhe vebyon Gad ha dhe vebyon Rewben ha dhe'n hanter-loeth Manasse mab Yosep, gwlaskor Sihon myghtern an Amorysi ha gwlaskor Og myghtern Bashan, an tir ha'y sitys, gans tiredh an sitys y'n kyrghynn.

Dewteronomi 5:32

Gwaytyewgh gul ytho kepar dell worhemmynnis dhywgh an Arloedh agas Duw; na dreylyewgh dhe'n dyghow na dhe'n kledh.

Dewteronomi 5:33

Kerdhewgh yn pub fordh a worhemmynnis an Arloedh agas Duw dhywgh, rag may fewowgh ha may fo yn ta dhywgh ha may fo agas dydhyow hir y'n tir a eritowgh.

Yoshua 1:7

Mes bydh krev ha bydh pur golonnek, ow kwaytyas gul war-lergh oll an lagha a erghis Moyses ow gwas dhis; na dreyl dhiworti dhe'n barth dhyghow na dhe'n barth kledh, rag bos sewena dhis plepynag yth edh.

Yoshua 1:8

Ny dhiberth an lyver ma a'n lagha dhiworth dha anow, mes ty a ombreder warnodho dydh ha nos, rag may hwaytti gul war-lergh pup-tra yw skrifys ynno. Rag ena ty a wra dhe'th fordh spedya, hag ena y fydh dhis sewena.