Dewteronomi 29:23 - An Bibel Kernewek 20234 (Kernewek Kemmyn)

²³ Oll hy thir a vydh loskven ha hoelan, ynyal leskys; ny vydh has hesys, ha ny skyll travyth, ha ny dyv gwels vytholl ynno. Y fydh avel domhwelyans Sodom ha Gomorra, Adma ha Seboyim, a wrug an Arloedh aga domhwel yn y sorr hag yn y gonnar.

Dewteronomi 29:23 ပူးပေါင်းရင်းမြစ်များ

Jenesis 14:2

y hwrug an re ma gwerrya erbynn Bera myghtern Sodom hag erbynn Birsha myghtern Gomorra, Shinab myghtern Adma ha Shemeber myghtern Seboyim, ha myghtern Bela (henn yw Soar).

1 Myghternedh 9:8

An chi ma a vydh bern a vagoryow; peub a'n tremen a gemmer skruth ha hwibana; hag i a lever, “Prag y hwrug an Arloedh tra a'n par ma dhe'n tir ma ha dhe'n chi ma?”

1 Myghternedh 9:9

I a worthyp, “Drefenn i dhe eskasa an Arloedh aga Duw, a dhros aga thasow yn-mes a bow Ejyp, ha kemmeres duwow erell, orth aga gordhya ha'ga servya; rakhenna an Arloedh re dhros terroes warnedha.” ’

2 Myghternedh 22:13

‘Kewgh ha hwilewgh dhiworth an Arloedh ragov, rag an bobel, ha rag oll Yuda, a-dro dhe eryow an lyver ma re beu kevys; rag bras yw sorr an Arloedh re beu enowys er agan pynn, drefenn na woslowas agan tasow orth geryow an lyver ma, dhe wul pup-tra herwydh an pyth yw skrifys a-dro dhyn.’

Job 18:15

Yma tan trigys yn y dylda; loskven yw skattrys war y annedh.

Salmow 107:34

Ev a wra dhe dir leun a frut bos difeythtir, drefenn sherewneth an re usi trigys ynno.

Ysay 1:7

Agas tir yw ynyal, agas sitys leskys gans tan; yn agas lok estrenyon a dhevor agas tir, hag ynyal yw, kepar dell ve domhwelys gans estrenyon.

Ysay 13:19

Babylon, splannder gwlaskordhow, glori a woeth an Kaldeanys, a vydh avel Sodom ha Gomorra pan wrug Duw aga domhwel.

Ysay 34:9

Goverow Edom a vydh treylys dhe byg, hy doust dhe loskven, ha'y thir dhe byg loskvann.

Ysay 64:11

Agan chi sans ha gloryus, le may hwre agan tasow dha wormel yw leskys gans tan, hag oll agan tylleryow teg re dheuth ha bos magoryow.

Yeremia 17:6

Ev a vydh avel merywenn y'n difeyth, ha ny wel pan dheu dader; mes trigys vydh yn tylleryow krin an difeyth, yn tir hoelanek nag yw annedhys.

Yeremia 20:16

Gas an gour na dhe vos avel an sitys a dhomhwelas an Arloedh, yn tibita; gas ev dhe glewes kri myttinweyth, ha garm yn hanter-dydh,

Yeremia 49:18

Par dell veu Sodom ha Gomorra ha'ga hentrevogyon domhwelys, yn-medh an Arloedh, ny vydh denvyth trigys ena, na ny vydh nagonan ynni avel alyon.

Yeremia 9:11

Ha my a wra dhe Yerusalem bos kalsow meyn, ha fow owrgeun; ha my a wra dhe sitys Yuda bos ynyal, heb annedhyas.

Ezekiel 47:11

Mes ny vydh yaghhes y wernow ha'y halow; i a vydh gesys rag hoelan,

Levitikus 26:32

Ha my a wra an tir dibobel, ha'gas eskerens usi trigys ynno a vydh sowdhenys.

Amos 4:11

My a dhomhwelis rann ahanowgh, dell wrug Duw domhwel Sodom ha Gomorra. Kepar hag yttew y fewgh, tennys mes a'n tan, byttegyns ny dhehwelsowgh dhymm, yn-medh an Arloedh.

Sefania 2:9

Rakhenna ren ow bewnans, yn-medh Arloedh an luyow, Duw Ysrael, y fydh Moab kepar ha Sodom yn surredi, ha an Ammonysi kepar ha Gomorra, hwennek ha poll hoelan ha difeyth a bes vynitha: remenant ow fobel a's pyll, ha'n re gesys a'm kenedhel a erit aga thir.

Luk 17:29

y'n jydh mayth eth Lot yn-mes a Sodom, tan ha loskven a goedhas avel glaw dhiworth nev ha'ga distrui yn kettep penn.

Romanyon 9:29

Ha dell dharganas Ysay, ‘Na assa Arloedh an luyow has, y tothyen ha bos avel Sodom ha gwrys vien haval dhe Gomorra.’

Lyther Yud 1:7

kepar ha Sodom ha Gomorra ha'n sitys yn aga hyrghynn, a veu omres dhe'n keth dijastita hag ow mos war-lergh kig astranj, settys rag bysna yn aga hessydhyans gans tan heb diwedh.

Diskwedhyans 19:20

Ha'n best a veu kemmerys, ha ganso an fals profoes a wrug sinys a-dheragdho, may toellas neb re dhegemmersa merk an best ha neb a wordhya y imaj. An dhew ma a veu tewlys, bew, yn lynn tan ow leski gans loskven.

Breusysi 9:45

Abimelek a omladhas erbynn an sita oll an jydh na; ev a gemmeras an sita hag a ladhas an bobel esa ynni; ev a dorras an sita dhe'n dor hag a's hasas gans hoelan.