Dewteronomi 29:21 - An Bibel Kernewek 20234 (Kernewek Kemmyn)

²¹ An Arloedh a'n diberth rag drog dhiworth oll loethow Ysrael, herwydh oll mollothow an kevambos usi skrifys y'n lyver ma a'n lagha.

Dewteronomi 29:21 ပူးပေါင်းရင်းမြစ်များ

Matthew 25:46

Hag yth a an re ma yn-kerdh dhe gessydhyans bys vykken, mes an re wiryon dhe vewnans heb diwedh.’

Matthew 25:41

‘Ena y hwra ev leverel ynwedh dhe'n re a'n barth kledh, “Kewgh a-dhiworthiv, hwi dus villiges, dhe'n tan heb diwedh yw darbarys dhe'n jowl ha'y eledh.

Matthew 25:32

Hag oll an kenedhlow a vydh kuntellys a-dheragdho, hag ev a's rann an eyl dhiworth hy ben kepar dell rann an bugel an deves dhiworth an gever;

Matthew 24:51

Ev a wra y gessydhya yn tynn hag ordena dhodho le gans an falswesyon. Ena y fydh oelva ha skrinva dyns.

Malaki 3:18

Hag arta hwi a wra dissernya ynter an den gwiryon ha'n tebelwas, ynter an den a serv Duw ha neb na'n serv.

Ezekiel 13:9

Ow leuv a vydh erbynn an brofoesi usi ow kweles gwelesigethow koeg hag ow kewsel dewinieth wowek. Ny vydhons yn konsel ow fobel, na ny vydhons skrifys yn kovskrifennow chi Ysrael, na ny dhons yn pow Ysrael. Ena hwi a woer my dhe vos an Arloedh Duw.

Dewteronomi 30:10

mar koslewydh lev an Arloedh dha Dhuw ha gwitha y worhemmynnow, ha'y ordenansow usi skrifys yn lyver an lagha ma, pan dreylydh arta dhe'n Arloedh dha Dhuw gans oll dha golonn ha gans oll dha enev.

Dewteronomi 32:23

My a worr bern a dhrogow warnedha; oll ow sethow a spenav warnedha.

Yeremia 42:18

‘Rag yndellma y lever Arloedh an luyow, Duw Ysrael: Par dell veu diverys ow sorr hag ow honnar war annedhysi Yerusalem, yndellma ow honnar a vydh diverys warnowgh pan ewgh dhe Ejyp. Hwi a vydh molleth, hag euth, ha milliga ha keredh. Ny welowgh an tyller ma namoy.

Dewteronomi 28:59

ena an Arloedh a dhre warnas ha war dha has plagys marthys, plagys bras hag a dhur, ha drog glevesow hag a dhur.

Dewteronomi 28:61

Ynwedh an Arloedh a dhre warnas pub kleves ha pub plag nag yw skrifys yn lyver an lagha ma bys pan vi distruys.