Dewteronomi 29:18 - An Bibel Kernewek 20234 (Kernewek Kemmyn)

¹⁸ Bedhewgh war ma na fo ynnowgh hwi gour na benyn na kordh na loeth may treyl y golonn hedhyw dhiworth an Arloedh agan Duw dhe gerdhes ha servya duwow an kenedhlow ma; ma na vo ynnowgh hwi gwreydhenn ow toen kegis ha fuelenn.

Dewteronomi 29:18 ပူးပေါင်းရင်းမြစ်များ

Salmow 10:13

Prag y hwra an tebelwas dispresya Duw, ow leverel yn y golonn, ‘Ny wra ev attendya’?

Salmow 69:21

I a ros dhymm ynwedh bystel rag ow boes, hag y'm syghes i a ros dhymm aysel.

Yeremia 23:15

Ytho yndellma y lever Arloedh an luyow a-dro dhe'n brofoesi: ‘Otta, my a's boes gans fuelenn ha gul dhedha eva dowr gwenonek; rag a-dhiworth profoesi Yerusalem ansansoleth res eth yn oll an tir.’

Yeremia 23:17

I a lever dhe'n re a dhispres ger an Arloedh, ‘Hwi a'gas bydh kres’, ha dhe bubonan a siw gorthter y golonn, ‘Ny dheu terroes warnowgh.’

Yeremia 8:14

Prag yth on esedhys stag? Omguntellewgh, hag entryn y'n sitys kerys, ha merwel ena: rag an Arloedh agan Duw re'gan daskorras dhe'n mernans, ha ri dhyn dowr gwenonek dhe eva, drefenn ni dhe begha erbynn an Arloedh.

Yeremia 9:15

Rakhenna yndellma y lever Arloedh an luyow, Duw Ysrael: Otta, my a vag an bobel ma gans fuelenn, ha ri dhedha dowr gwenonek dhe eva.

Hosea 10:4

I a gews geryow, ow kowlia, ow kul kevambos; ha breus a egin avel kegis yn fynnglow an gwel.

Amos 6:12

A wra mergh poenya war garnek? A wra den aras ena gans oghen? Mes hwi re dreylyas ewnder yn kegis, ha'n frut a wiryonedh yn fuelenn.

Oberow 8:23

Rag, dell welav, yn bystel a hwerowder hag yn kolm a gammhynseth yth esos.’

Dewteronomi 29:19

Pan glew nebonan geryow an volleth ma, hag omvenniga yn y golonn, ow leverel, ‘Kres a vydh dhymm, kyn kerdhav yn gorthter ow holonn’, yndella ow tiswul an tir dowrhes war-barth gans an tir sygh,

Dewteronomi 32:32

Aga gwinbrenn yw dhiworth gwinbrenn Sodom, ha dhiworth gwinlannow Gomorra. Aga grappys yw grappys gwenon, yma dhedha bagasow a rappys hwerow.

Ebrowyon 12:15

Gwaytyewgh ma na fallo nagonan a gavoes gras Duw; ma na eginno gwreydhenn hwerowder ha gul kedrynn, dredhi may teffo lies ha bos defolys;

Ebrowyon 3:12

Kemmerewgh with, breder, ma na vo yn denvyth ahanowgh tebelgolonn ankryjyk, ow treylya dhiworth an Duw bew.