Dewteronomi 29:1 - An Bibel Kernewek 20234 (Kernewek Kemmyn)

¹ An re ma yw geryow an kevambos a worhemmynnis an Arloedh dhe Moyses dh'y wul gans mebyon Ysrael yn pow Moab, dres an kevambos a wrug gansa orth Horeb.

Dewteronomi 29:1 ပူးပေါင်းရင်းမြစ်များ

2 Myghternedh 23:3

An myghtern a sevis ryb an goloven ha gul kevambos a-dherag an Arloedh, dhe holya an Arloedh, dhe witha y worhemmynnow ha'y dhustuniow ha'y ordenansow gans oll aga holonn hag oll aga enev, dhe fastya geryow an kevambos ma a veu skrifys y'n lyver ma. Hag oll an bobel a sevis y'n kevambos.

Salmow 105:27

I a dhiskwedhas y doknys yn aga mysk, ha marthusyon yn pow Ham.

Yeremia 11:2

Klew geryow an kevambos ma, ha'ga hewsel orth gwer Yuda, hag orth annedhysi Yerusalem.

Yeremia 11:6

Ena an Arloedh a leveris dhymm, Galw an geryow ma yn sitys Yuda, hag y'n stretow Yerusalem, ow leverel, Klewewgh geryow an kevambos ma, ha'ga gul.

Yeremia 31:32

Ny vydh avel an kevambos a wrug gans aga thasow, y'n jydh ma's kemmeris der aga leuv dh'aga dri yn-mes a bow Ejyp – kevambos a dorrsons, kynth en gour dhedha, yn-medh an Arloedh.

Yeremia 34:18

Ha my a re dhe'n wer re gammdremenas erbynn ow hevambos ha ny withsons geryow an kevambos a wrussons a-ragov, pan droghsons an leugh yn diw rann ha tremena ynter y rannow,

Levitikus 26:46

An re ma yw an ordenansow ha'n breusow ha'n laghys a wrug an Arloedh yntredho ev ha mebyon Ysrael yn menydh Sinay dre leuv Moyses.

Levitikus 27:34

An re ma yw an gorhemmynnow a worhemmynnis an Arloedh dhe Moyses rag mebyon Ysrael yn menydh Sinay.

Oberow 3:25

Hwi yw mebyon an brofoesi ha'n kevambos a wrug Duw gans agan tasow, ow leverel dhe Abraham, “Y'th has pub teylu a'n norvys a vydh benniges.”

Dewteronomi 1:1

An re ma yw an geryow a gewsis Moyses dhe oll Ysrael dres an Yordan y'n gwylvos, y'n Araba, a-dal Suf, yntra Paran ha Tofel, Laban, Haserot ha Di-zahab.

Dewteronomi 28:68

An Arloedh a'th tre arta dhe Ejyp yn gorholyon y'n fordh a leveris dhis na wres hy gweles nevra namoy; hag ena ty a as dha honan dhe vos gwerthys dhe'th eskerens avel kethyon ha kethesow mes denvyth ny wra agas prena.

Dewteronomi 29:12

rag mayth entrowgh yn kevambos an Arloedh dha Dhuw hag yn y volleth usi an Arloedh dha Dhuw ow kul genes hedhyw,

Dewteronomi 29:2

Moyses a elwis dhe oll Ysrael ha leverel dhedha: Hwi re welsowgh pup-tra a wrug an Arloedh a-wel dhywgh yn pow Ejyp dhe Faro, ha dhe oll y servysi, ha dhe oll y bow,

Dewteronomi 29:21

An Arloedh a'n diberth rag drog dhiworth oll loethow Ysrael, herwydh oll mollothow an kevambos usi skrifys y'n lyver ma a'n lagha.

Dewteronomi 29:25

Hag y leverons, ‘Drefenn i dhe asa kevambos an Arloedh Duw a'ga thasow, a wrug gansa pan y's dros mes a bow Ejyp.

Dewteronomi 4:10

an jydh may sevsys a-rag an Arloedh dha Dhuw orth Horeb, pan leveris dhymm an Arloedh, ‘Kuntell an bobel dhymm, may hwrylliv dhedha klewes ow geryow ha may tyskons perthi own ahanav oll an dydhyow esons ow pewa war an tir, ha'ga dyski dh'aga mebyon.’

Dewteronomi 4:13

Ev a dhiskleryas dhywgh y gevambos a worhemmynnis dhywgh dhe wul, an deg ger, hag ev a's skrifas war dhiw leghenn a ven.

Dewteronomi 4:23

Kemmerewgh with, ma na ankeffowgh kevambos an Arloedh agas Duw a wrug genowgh, ha gul ragowgh agas honan imaj gravys yn hevelep neppyth a wrug an Arloedh dha Dhuw y dhifenn orthis.

Ebrowyon 8:9

dihaval dhe'n kevambos a wrug gans aga thasow y'n jydh ma's kemmeris er an dhorn ha'ga hembronk yn-mes a bow Ejyp; rag ny drigsons y'm kevambos hag yndella ny wrug vri anedha, yn-medh an Arloedh.

1 Samuel 12:24

Perthewgh own a'n Arloedh, ha'y servya yn gwiryonedh gans oll agas kolonn; prederewgh an traow meur re wrug ev ragowgh.