Dewteronomi 28:8 - An Bibel Kernewek 20234 (Kernewek Kemmyn)

⁸ An Arloedh a worhemmynn an vennath warnas ha war dha skiberyow ha war bup-tra may hworrydh dha leuv warnodho; hag ev a'th vennik y'n tir a wra an Arloedh dha Dhuw y ri dhis.

Dewteronomi 28:8 ပူးပေါင်းရင်းမြစ်များ

2 Myghternedh 6:27

Yn-medh ev, ‘Mar ny'th weres an Arloedh ple hallav kavoes gweres ragos? Dhiworth an leur-drushya po dhiworth an winwask?’

Salmow 1:3

Ev a vydh avel gwydhenn plynsys ryb goverow dowr, ow ri hy frut yn hy seson, ha ny wedher hy del. Hag yn pup-tra a wra, ev a sewen.

Salmow 128:2

Rag ty a dheber frut dha lavur; gwynn dha vys, ha seweni ty a wra.

Salmow 133:3

kepar ha gluth Hermon a goedh war venydhyow Sion. Rag ena y hworhemmynnis an Arloedh y vennath, bewnans bys vykken ha bynnari.

Salmow 144:13

Re bo agan skiberyow leun, ow ri boes a bub eghenn; ha re dhineyttho agan deves milyow ha degow a vilyow yn agan gwelyow.

Salmow 42:8

Mes an Arloedh a worhemmynn y dregeredh dydhweyth, ha nosweyth y gan a vydh genev, pysadow dhe Dhuw ow bewnans.

Salmow 44:4

Ty yw ow Myghtern, A Dhuw; gorhemmynn budhogoleth dhe Yakob.

Levitikus 25:21

ena my a ergh ow bennath dhe dhos dhywgh y'n hweghves blydhen, ha hi a re dhywgh frut rag teyr blydhen.

Levitikus 26:10

Hwi a vydh hwath ow tybri trevas koth an vlydhen kyns, ha res vydh dhywgh tewlel an koth yn-mes dhe wul spas rag an nowydh.

Haggay 2:19

Usi an has y'n skiber hwath? Ha ny dhaskorras na hwath an gwinbrenn, an figbrenn, an greunaval na'n olewbrenn. Mes dhiworth an jydh ma my a'gas bennik.

Matthew 13:30

Gesewgh an dhew dhe devi war-barth bys y'n drevas hag yn prys an drevas my a lever dhe'n vysoryon, Kyns oll kuntellewgh war-barth an ivra ha'y gelmi yn manalow rag y leski, mes kuntellewgh an ys y'm skiber.” ’

Matthew 6:26

Mirewgh orth ydhyn an ayr: ny wrons i gonis has na mysi na kuntell travyth yn skiberyow, hwath agas Tas a nev a's mag. A nyns owgh hwi moy agas pris agessa i?

Luk 12:18

Hag yn-medh ev, “Hemma a wrav; my a denn dhe'n dor ow skiberyow ha drehevel brassa, ha kuntell ena oll an greun ha'm pythow,

Dewteronomi 14:29

ha'n Levyas (na'n jeves kevrenn nag eretons genes), ha'n alyon, ha'n omdhivas, ha'n wedhwes usi y'th yetys a yll dos ha dybri ha bos lenwys, rag ma'th vennikko an Arloedh dha Dhuw yn pub lavur a'th leuv a wredh.

Dewteronomi 15:10

Ty a re dhodho yn surredi, ha na vedhes dha golonn drok-pes pan redh dhodho; ena rag an dra ma, an Arloedh dha Dhuw a'th vennik yn oll dha ober hag yn pup-tra may hworrydh dha leuv warnodho.

Dewteronomi 15:4

Mes ny vydh yntredhowgh boghosek, rag an Arloedh a'th vennik yn sur y'n tir a wra an Arloedh dha Dhuw y ri dhis avel eretons dh'y bewa,

Dewteronomi 28:20

An Arloedh a dhannvon warnas molleth, ha skruth, ha keredh yn pup-tra may hworrydh dha leuv warnodho bys pan vydhydh distruys, ha bys pan edh dhe goll yn tromm, drefenn droktra dha wryth, orth ow forsakya.

Dewteronomi 28:7

An Arloedh a wra dhe'th eskerens, a sev er dha bynn, bos gweskys a-ragos. Yth ons mes er dha bynn yn unn fordh ha fia yn seyth fordh a-ragos.