Dewteronomi 28:7 - An Bibel Kernewek 20234 (Kernewek Kemmyn)

⁷ An Arloedh a wra dhe'th eskerens, a sev er dha bynn, bos gweskys a-ragos. Yth ons mes er dha bynn yn unn fordh ha fia yn seyth fordh a-ragos.

Dewteronomi 28:7 ပူးပေါင်းရင်းမြစ်များ

2 Myghternedh 7:5

Ytho i a sevis d'wor' an nos rag mos dhe gamp Aram; mes pan dheuthons dhe amal kamp Aram nyns esa denvyth ena vytholl.

2 Kroniklys 19:4

Yth esa Yehoshafat trigys yn Yerusalem; ena ev eth yn-mes arta yn mysk an bobel, a Beer-sheba dhe vro venydhyek Efraym, ha'ga daskorr dhe'n Arloedh, Duw aga thasow.

Salmow 18:38

My a's brew ma na allons sevel; i a goedh yn-dann ow threys.

Salmow 89:23

Ha my a vrew y eskerens a-dheragdho ha'n re a'n kas my a's gwysk.

Dewteronomi 28:25

An Arloedh a wra dhis bos fethys gans dha eskerens. Yth edh yn-mes er y bynn yn unn fordh ha fia yn seyth fordh a-ragdho, ha ty a vydh euth dhe oll kenedhlow an norvys.

Dewteronomi 28:6

Benniges vydhydh pan dheudh a-ji, ha benniges vydhydh pan edh yn-mes.

Dewteronomi 28:8

An Arloedh a worhemmynn an vennath warnas ha war dha skiberyow ha war bup-tra may hworrydh dha leuv warnodho; hag ev a'th vennik y'n tir a wra an Arloedh dha Dhuw y ri dhis.

Dewteronomi 32:30

Fatell allsa unn den chasya mil, po dew fesya deg mil, mar ny's gwerthas aga Harrek, ha'n Arloedh a's daskorras.

Yoshua 10:42

Yoshua a gemmeras oll an vyghternedh ma ha'ga thir yn unn kaskyrgh, drefenn an Arloedh, Duw Ysrael, dhe omladh rag Ysrael.

Yoshua 23:10

Unn gour mes a'gas mysk a yll chasya mil, rag an Arloedh agas Duw a omladh ragowgh, dell ambosas dhywgh.

Yoshua 8:22

Y feu an re a dhothya yn-mes a'n sita er aga fynn kes a-ji gans an Ysraelysi war dhew denewen; hag i a's ladhas bys pan nag esa gesys dianker vytholl; nagonan ny skapyas.