Dewteronomi 28:68 - An Bibel Kernewek 20234 (Kernewek Kemmyn)

⁶⁸ An Arloedh a'th tre arta dhe Ejyp yn gorholyon y'n fordh a leveris dhis na wres hy gweles nevra namoy; hag ena ty a as dha honan dhe vos gwerthys dhe'th eskerens avel kethyon ha kethesow mes denvyth ny wra agas prena.

Dewteronomi 28:68 ပူးပေါင်းရင်းမြစ်များ

Nehemia 5:8

Hag yn-medhav dhedha, ‘Oll dh'agan galloes, ni re dhasprenas agan breder, an Yedhewon, a veu gwerthys dhe'n kenedhlow; mes yth esowgh hwi ow kwertha agas breder, may fons gwerthys dhyn!’ Yth ens tawesek ha ny allsons kavoes ger dhe leverel.

Ester 7:4

Rag gwerthys on ni, my ha'm pobel, dhe vos distruys ha ledhys ha dhe verwel. Mes a pen ni gwerthys avel kethyon ha maghtethyon my a wrussa dhe'm taves tewel, a-ban nag yw agan ahwer kehaval dhe'n koll dhe'n myghtern.’

Eksodus 13:17

Pan asas Faro an bobel dhe vones, ny wrug Duw aga hembronk war an fordh dhe bow an Filistysi, kynth o ogas; rag Duw a leveris, ‘Ma na gemerrons edrek pan welons bresel, ha dehweles dhe Ejyp.’

Eksodus 20:2

My yw an Arloedh dha Dhuw, neb a'th tros yn-mes a bow Ejyp, yn-mes a'n chi a gethneth.

Yeremia 43:7

Hag i a dheuth bys yn pow Ejyp, rag ny woslowsons orth lev an Arloedh. Hag i a dheuth dhe Tahpanhes.

Yeremia 44:12

My a gemmer remenant Yuda, re settyas aga fas dhe dhos ha triga yn pow Ejyp, hag i oll a vydh diswrys, ha koedha yn pow Ejyp; i a vydh diswrys gans an kledha ha gans an divoetter, a'n lyha dhe'n meurra; i a verow gans an kledha ha gans an divoetter; hag i a vydh molleth, hag euth, ha milliga ha keredh.

Hosea 8:13

I a sakrifi rohow dhymmo vy, i a dheber an kig; mes an Arloedh ny gemmer plesour ynna. Lemmyn ev a berth kov a'ga sherewneth, ha kessydhya aga feghosow: dhe Ejyp y tehwelons.

Hosea 9:3

Ny drigons yn tir an Arloedh; Efraym a dhehwel dhe Ejyp, ha dybri taklow avlan yn Assyria.

Luk 12:45

Mes mar lever an kethwas na yn y golonn, “Delatya a wra ow mester y dhevedhyans”, ha dalleth gweskel an wesyon ha'n maghtethyon, ow tybri hag eva hag omvedhwi,

Luk 21:24

i a goedh dre vin an kledha hag a vydh kemmerys yn keth dhe oll an kenedhlow, ha Yerusalem a vydh trettys yn-dann dreys an Jentilys, bys pan vo termynyow an Jentilys kowlwrys.

Dewteronomi 17:16

Saw na geves dhodho y honan niver bras a vergh, ha na wres dhe'n bobel dehweles dhe Ejyp rag may kaffons mergh moy, rag an Arloedh re leveris dhywgh, ‘Na dhehwelewgh nevra y'n fordh ma arta.’

Dewteronomi 28:67

Myttin ty a lever, ‘Unnweyth a pe gorthugher!’ ha gorthugher ty a lever, ‘Unnweyth a pe myttin!’ rag euth dha golonn a wredh y berthi, ha rag an taklow a wra dha dhewlagas aga gweles.

Dewteronomi 29:1

An re ma yw geryow an kevambos a worhemmynnis an Arloedh dhe Moyses dh'y wul gans mebyon Ysrael yn pow Moab, dres an kevambos a wrug gansa orth Horeb.