Dewteronomi 28:63 - An Bibel Kernewek 20234 (Kernewek Kemmyn)

⁶³ Kepar dell lowenhas an Arloedh yn agas kever dhe wul da dhywgh, ha dh'agas ynkressya, yndella an Arloedh a lowenha yn agas kever dh'agas diswul, ha dh'agas distrui. Hwi a vydh diwreydhys dhiwar an tir mayth esos ow tos di dh'y erita.

Dewteronomi 28:63 ပူးပေါင်းရင်းမြစ်များ

Jenesis 6:7

Hag yn-medh an Arloedh, ‘My a vynn diswul dhiworth enep an dor an den a wrug vy y formya: den ha best ha pryv hag ydhyn an ayr, rag edrek a'm beus y hwrug vy aga gul.’

Salmow 119:68

Da osta jy ha grassyes; dysk dhymm dha ordenansow.

Lavarow Koth 1:26

my ynwedh, my a wra hwerthin orth agas terroes; my a wra ges ahanowgh pan dheu skruth warnowgh,

Lavarow Koth 2:22

mes an debeles a vydh terrys dhiworth an vro, ha'n falswesyon a vydh terrys dhe-ves anedhi.

Ysay 1:24

Rakhenna y lever an Arloedh, Arloedh an luyow, an Galloesek a Ysrael: Ogh, my a vydh konfortys drefenn ow envi, ha tyli dial war ow eskerens.

Ysay 6:11

Ena my a leveris, ‘Pes termyn, A Arloedh?’ Hag ev a leveris, ‘Bys pan vydh sitys diswrys, heb annedhyas, ha chiow heb den, ha'n tir distruys ha difeyth;

Ysay 62:5

Rag kepar dell wra gour yowynk demmedhi gwyrghes, yndella dha vebyon a'th temmedh; ha kepar dell wra gour pries lowenhe y'n venyn bries, yndella y hwra dha Dhuw lowenhe ynnos.

Yeremia 18:7

Dhe unn prys my a gews a genedhel, hag a wlaskor, dh'y diwreydhya, dh'y therri dhe'n dor, ha dh'y distrui;

Yeremia 24:6

Rag my a sett ow golok warnedha rag da, ha my a's dre arta dhe'n tir ma. My a's drehav, ha ny's tennav dhe'n dor; my a'ga flans, ha ny's diwreydhyav.

Yeremia 31:28

Ha kepar dell withis warnedha dhe dhiwreydhya, ha dhe dewlel dhe'n dor, yndella y hwithav warnedha, dhe dhrehevel, ha dhe blansa, yn-medh an Arloedh.

Yeremia 31:40

An nans oll a gorfow marow ha'n lusu, hag oll an gwelyow bys yn gover Kidron, dhe gornell Yet an Margh war-tu ha'n duryen, a vydh sans dhe'n Arloedh. Ny vydh diwreydhys na domhwelys nevra.

Yeremia 32:41

My a lowenha ow kul da dhedha, ha my a's plans y'n tir ma yn sur, gans oll ow holonn ha gans oll ow enev.

Yeremia 42:10

Mar trigowgh y'n tir ma, ena my a'gas drehav, a-der agas tenna dhe'n leur; my a'gas plans ha ny'gas diwreydhyav; rag edrek a'm beus a'n anfeusi a wrug dhywgh.

Yeremia 42:2

ha leverel dhe Yeremia an profoes, ‘Gas, ni a'th pys, agan pledyans dhe vos degemmerys a-ragos, ha pys dhe'n Arloedh a'gan govis, rag oll an remenant ma (rag ni yw gesys marnas boghes a'n lies, dell wel dha dhewlagas)

Yeremia 45:4

Yndellma y leverydh dhodho, ‘Yndellma y lever an Arloedh: Otta, my a dhistru an pyth a dhrehevis, ha diwreydhya an pyth a blensis – henn yw, an tir oll.

Kynvannow 2:9

Hy yetys re sedhis y'n dor; ev re dhiswrug ha terri hy barrys; yma hy myghtern ha'y fennsevigyon yn mysk an kenedhlow; nyns usi an lagha namoy, nyns eus hwath dh'y frofoesi gwelesigeth dhiworth an Arloedh.

Ezekiel 33:11

Lavar dhedha, Dell vewav, yn-medh an Arloedh Duw, nyns eus dhymm plesour yn mernans an tebelwas, mes may treyllyo tebelwas dhiworth y fordh ha bewa. Treylyewgh! Treylyewgh dhiworth agas drog fordhow; prag y ferwowgh, chi Ysrael?

Ezekiel 5:13

Ena ow sorr a vydh kowlwrys, ha'm konnar er aga fynn a wrav dhe bowes, ha my a vydh diellys; hag i a woer my, an Arloedh, dhe gewsel y'm avi, pan wrav vy kowlwul ow honnar er aga fynn.

Daniel 7:8

Ha my ow prederi a-dro dhe'n kern, otta, y sevis yn aga mysk onan moy, onan byghan, ha tri a'n kern kynsa a veu diwreydhys a-ragdho; hag otta, y'n korn ma lagasow avel lagasow tus, ha ganow ow leverel taklow meur.

Amos 5:3

Rag yndellma y lever an Arloedh Duw: An sita mayth eth yn-mes anedhi mil a's tevydh kans gesys, ha'n sita mayth eth yn-mes anedhi kans, a's tevydh deg gesys dhe ji Ysrael.

Mika 7:18

Py Duw yw haval dhis, ow kava droktra hag owth ankevi kammwrians an remenant a'y eretons? Ny with ev y sorr bynnari, drefenn bos mall ganso a dregeredh.

Sefania 3:17

An Arloedh, dha Dhuw a-berth ynnos, galloesek yw, ev a saw; fest heudhik yw warnas gans lowena; ev a vydh tawesek yn y gerensa, ev a lowenha warnas gans kana,

Luk 15:32

Mes lemmyn res yw ni dhe vos lowen ha heudhik; rag dha vroder ma a veu marow ha re vewas arta; kellys o, ha trovys yw.” ’

Dewteronomi 30:9

An Arloedh dha Dhuw a wra dhis seweni yn pub ober a'th leuv, yn frut dha gorf, yn frut dha jatel hag yn frut dha dir rag da; rag an Arloedh dha Dhuw a lowenha ynnos arta rag da, kepar dell lowenhas yn dha dasow,

Dewteronomi 4:27

An Arloedh a wra agas skattra ynter an poblow, boghes vydh agas niver gesys yn mysk an kenedhlow may hwra an Arloedh agas ledya di.

Dewteronomi 7:22

An Arloedh dha Dhuw a remov an kenedhlow ma a-ragos tamm ha tamm. Ny yllydh aga distrui toeth men, rag own a'n goedhviles dhe balshe er dha bynn.