Dewteronomi 28:62 - An Bibel Kernewek 20234 (Kernewek Kemmyn)

⁶² Hwi a vydh gesys boghes agas niver, kynth ewgh kyns avel ster nev yn niver, drefenn na woslewsys lev an Arloedh dha Dhuw.

Dewteronomi 28:62 ပူးပေါင်းရင်းမြစ်များ

2 Myghternedh 13:7

Nyns esa gesys dhe Yehoahaz lu a voy ages hanter-kans marghek ha deg charett, ha deg mil droesek; rag myghtern Aram re's distrusa, ha re wrussa dhedha bos kepar ha doust drushya.

2 Myghternedh 24:14

Ev a dhug oll Yerusalem yn divroedh, oll an spadhesigyon, oll an vreselyoryon, deg mil dhivres, oll an greftoryon ha'n wovyon: denvyth ny veu gesys, marnas boghosekka pobel an tir.

Nehemia 7:4

Lemmyn an sita o bras hag efan, mes boghes o an bobel ynni, ha ny via drehevys an chiow na hwath.

Nehemia 9:23

Ty a gressyas aga mebyon avel ster an nev, ha'ga dri a-ji dhe'n tir a leversys dh'aga thasow dh'y entra ha dh'y erita.

Ysay 1:9

Mar ny assa dhyn Arloedh an luyow remenant byghan, y tothyen ni ha bos avel Sodom, y fien haval dhe Gomorra.

Ysay 24:6

Rakhenna molleth a dhevor an nor, ha'y annedhysi a berth aga hessydhyans. Rakhenna lehes yw annedhysi an nor, ha nebes yw gesys.

Ysay 6:11

Ena my a leveris, ‘Pes termyn, A Arloedh?’ Hag ev a leveris, ‘Bys pan vydh sitys diswrys, heb annedhyas, ha chiow heb den, ha'n tir distruys ha difeyth;

Ysay 6:13

Ha kyn fo an degves rann gesys ynno, y fydh leskys arta, kepar ha terebinthenn po derwenn a as kyf pan yw treghys dhe'n dor.’ An has sans yw hy hyf.

Yeremia 42:2

ha leverel dhe Yeremia an profoes, ‘Gas, ni a'th pys, agan pledyans dhe vos degemmerys a-ragos, ha pys dhe'n Arloedh a'gan govis, rag oll an remenant ma (rag ni yw gesys marnas boghes a'n lies, dell wel dha dhewlagas)

Levitikus 26:22

Ha my a dhannvon bestes gwyls yn agas mysk a gemmer dhe-ves agas fleghes, ha diswul agas chatel, ha lehe agas niver, ha gwag vydh agas fordhow.

Amos 5:3

Rag yndellma y lever an Arloedh Duw: An sita mayth eth yn-mes anedhi mil a's tevydh kans gesys, ha'n sita mayth eth yn-mes anedhi kans, a's tevydh deg gesys dhe ji Ysrael.

Mark 13:20

Ha'n Arloedh mar ny wrella kott an dydhyow, ny via sawys kig vyth; mes a-barth an re dhewisys, neb a dhewisas ev, ev a wrug kott an dydhyow.

Dewteronomi 1:10

an Arloedh agas Duw re'gas kressyas, hag ottahwi hedhyw avel ster an nev yn palster.

Dewteronomi 1:11

Re'gas kressyo an Arloedh, Duw a'gas tasow, milblek moy es dell owgh, ha'gas benniga kepar dell gewsis dhywgh.

Dewteronomi 10:22

Dha dasow eth yn-nans dhe Ejyp, deg ha tri-ugens enev; ha lemmyn an Arloedh dha Dhuw a'th settyas avel an ster a nev yn palster.

Dewteronomi 4:27

An Arloedh a wra agas skattra ynter an poblow, boghes vydh agas niver gesys yn mysk an kenedhlow may hwra an Arloedh agas ledya di.