Dewteronomi 28:58 - An Bibel Kernewek 20234 (Kernewek Kemmyn)

⁵⁸ Mar ny waytydh gul oll geryow an lagha ma yw skrifys y'n lyver ma, ow perthi own a'n hanow gloryus hag euthyk ma, an Arloedh dha Dhuw,

Dewteronomi 28:58 ပူးပေါင်းရင်းမြစ်များ

Nehemia 9:5

Yn eur na an Levysi, Yeshua ha Kadmiel, Bani, Hashabneya, Sherebia, Hodia, Shebania ha Pethahia, a leveris, ‘Sevewgh yn-bann ha bennigewgh an Arloedh agas Duw bys vykken ha bynnari; ha benniges re bo dha hanow gloryus, yw ughelhes dres pub bennath ha gormola.

Salmow 111:9

Ev re dhannvonas daspren dh'y bobel; ev re worhemmynnis y gevambos bynitha; sans hag ownys yw y hanow.

Salmow 48:10

Kepar dell yw dha hanow, A Dhuw, yndella yw dha wormola, bys yn pennow an nor; dha leuv dhyghow yw leun a ewnder.

Salmow 50:7

Klew, ow fobel, ha my a gews, ha my a dheg dustuni er dha bynn, A Ysrael; my yw Duw, dha Dhuw jy.

Salmow 61:5

Rag ty, A Dhuw, re glewas ow ambosow; ty re ros dhymm ertach an re a berth own a'th hanow.

Salmow 72:19

Ha benniges re bo y hanow gloryus bynitha, hag oll an nor a vydh lenwys a'y wolewder. Amen hag Amen.

Salmow 83:18

Ena i a wodhvydh ty dha honan neb yw dha hanow an Arloedh dhe vos an Ughella dres oll an nor.

Salmow 99:3

Gormelens i dha hanow meur hag euthyk; rag sans yw.

Eksodus 15:26

ow leverel, ‘Mar mynnowgh goslowes yn tiwysyk orth lev an Arloedh agas Duw, ha gul an pyth yw ewn yn y dhewlagas, ha koela orth y worhemmynnow ha gwitha oll y ordenansow, ny worrav warnowgh nagonan a'n klevesow a worris war an Ejyptianys; rag my yw an Arloedh agas sawyer.’

Eksodus 20:2

My yw an Arloedh dha Dhuw, neb a'th tros yn-mes a bow Ejyp, yn-mes a'n chi a gethneth.

Ysay 41:10

na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Ysay 42:8

My yw an Arloedh, henn yw ow hanow, ow glori ny'n rov dhe gen dhuw, nag ow gormola dhe imajys gravys.

Yeremia 5:12

I re naghas an Arloedh, ha leverel, ‘Ny wra ev travyth; na ny wra drogedh dos warnan; ny welyn ni naneyl kledha na divoetter.’

Yeremia 5:22

A ny berthowgh own ahanav? yn-medh an Arloedh: a ny grenowgh a-ragov? My re worras an tewes avel or dhe'n mor, ordenans bys vykken, ma na yll y dremena: an tonnow a sev yn trosek, mes ny's teves an galloes; kyn tarennons, ny yllons tremena dresto.

Malaki 1:14

Mollothek yw an toeller a'n jeves gorow y'n gre ha dedhewi y ri, hag ena ev a sakrifi dhe'n Arloedh neppyth gans namm warnodho. Rag myghtern meur ov vy, yn-medh Arloedh an luyow, ha'm hanow yw ownys yn mysk an kenedhlow.

Matthew 10:28

Ha na berthewgh own a'n re a ladh an korf, mes na yll ladha an enev; mes kyns oll perthewgh own a neb a yll diswul ha'n enev ha'n korf yn ifarn.

Dewteronomi 28:15

Mes mar ny woslowydh orth lev an Arloedh dha Dhuw, ow kwitha hag ow kul oll y worhemmynnow ha'y ordenansow esov orth aga gorhemmynna dhis hedhyw, ena y tons warnas oll an mollothow ma, hag i a dremen dresos.

Dewteronomi 28:59

ena an Arloedh a dhre warnas ha war dha has plagys marthys, plagys bras hag a dhur, ha drog glevesow hag a dhur.

Dewteronomi 6:13

Porth own a'n Arloedh dha Dhuw ha gwra y servya, ha ti re y hanow.