Dewteronomi 28:49 - An Bibel Kernewek 20234 (Kernewek Kemmyn)

⁴⁹ An Arloedh a dhrehav er dha bynn kenedhel a bellder, dhiworth penn an norvys, mar skav dell nij an er yn-nans, kenedhel ma na gonvedhydh hy thaves,

Dewteronomi 28:49 ပူးပေါင်းရင်းမြစ်များ

Jenesis 11:7

Dewgh, gwren ni diyskynna ha kemmyska aga yeth ma na wodhvons konvedhes an eyl yeth y gila.’

Salmow 81:5

Ev a erghis hemma yn Yosep rag dustuni, pan dheuth yn-mes a bow Ejyp. My a glew yeth na wrav hy godhvos ow leverel,

Lavarow Koth 30:19

fordh er y'n ebron, fordh sarf war garrek, fordh gorhel war an keynvor, ha fordh gour gans mowes.

Ysay 33:19

ny welydh an bobel valgh byth moy, pobel a yeth re ankoth dhe gonvedhes, taves koynt ankonvedhadow.

Ysay 39:3

Ena Ysay an profoes a dheuth dhe vyghtern Hezekia, hag yn-medh ev dhodho, ‘Pandr'a leveris an wer ma hag a-ble teuthons dhis?’ Yn-medh Hezekia, ‘Dhiworth gwlas pell y teuthons dhymm, dhiworth Babylon.’

Ysay 7:18

Y'n jydh na an Arloedh a hwiban dhe'n gelyonenn usi yn penn pella goverow Ejyp ha dhe'n wenenenn usi yn pow Assyria;

Yeremia 4:13

Otta, ev a yskynn avel kommol, ha'y jarettow a vydh avel korwyns: y vergh yw uskissa ages eryon. Go-ni! rag diswrys on ni.

Yeremia 48:40

Rag yndellma y lever an Arloedh: Otta, ev a nij yn-nans avel er, ha lesa y dhiwaskell erbynn Moab;

Yeremia 49:22

Otta, ev a yskynn ha nija avel an er ha lesa y dhiwaskell war Bosra, ha kolonn breselyoryon Edom y'n jydh na a vydh avel kolonn benyn yn hy gwelivesi.

Kynvannow 4:19

Skaffa veu agan helghysi ages eryon an nevow; war an menydhyow i a'gan chasyas, y'n difeythtir i a'gan kontrewaytyas.

Ezekiel 11:9

My a'gas dre yn-mes anedhi, ha'gas ri yn leuv estrenyon ha gul breusow warnowgh.

Ezekiel 17:12

Lavar dhe'n chi diwostydh, A ny wodhowgh styr an taklow ma? Lavar, Otta myghtern Babylon a dheuth dhe Yerusalem ha kemmeres hy myghtern ha'y fennsevigyon, ha'ga dri ganso dhe Babylon.

Ezekiel 17:3

Lavar: Yndellma y lever an Arloedh Duw: Er bras gans eskelli bras ha pluvennow hir, leun a bluv liesliw, a dheuth dhe Lebanon ha kemmeres an ughella skorrenn a gederwydhenn;

Ezekiel 3:6

a-der dhe boblow pals a yeth estren ha taves kales, ma na gonvedhydh aga geryow. Mara'th tannvonnen dhedha, i a woslowsa dhis.

Daniel 7:4

An kynsa o kepar ha lew, hag a'n jevo eskelli er. Ha my ow mires, y dhiwaskell a veu dibluvys, hag y feu sevys dhiwar an dor ha gorrys dhe sevel war y dhewdroes avel den; ha kolonn den a veu res dhodho.

Daniel 9:26

Ha wosa an dhiw seythun ha tri-ugens, an den untys a vydh treghys dhe-ves, ha ny'n jevydh travyth; ha pobel an pryns usi ow tos a wra distrui an sita ha'n sentri. Hy diwedh a dheu dre liv, ha bys y'n diwedh y fydh bresel, ha terroes yw ordenys.

Hosea 8:1

Gorr hirgorn dhe'th hanow; ev a varges avel er a-ugh chi an Arloedh, rag i dhe derri ow hevambos, ha rebellya erbynn ow lagha.

Niverow 24:24

Mes gorholyon a wra dos a-dhiworth Kittim hag a wra plagya Asshur hag Eber; hag ev ynwedh a wra dos dhe dhistruyans.’

Matthew 24:28

Pyle pynag a vo an korf marow, ena yth omguntell an eryon.

1 Korinthianys 14:21

Y'n lagha skrifys yw, ‘Dre boblow a davosow ankoth ha dre weusyow estrenyon kewsel a wrav orth an bobel ma, ha na hwath ny wrons i goslowes orthiv’, yn-medh an Arloedh.