Dewteronomi 28:48 - An Bibel Kernewek 20234 (Kernewek Kemmyn)

⁴⁸ ty a serv dha eskerens a wra an Arloedh dha Dhuw dannvon er dha bynn, yn nown, hag yn syghes, hag yn noethedh, hag yn esow a bup-tra oll; hag ev a worr yew a horn war dha gonna, bys may hwrello dha dhistrui.

Dewteronomi 28:48 ပူးပေါင်းရင်းမြစ်များ

1 Myghternedh 8:33

‘Pan vydh tryghys dha bobel Ysrael a-rag eskerens, wosa pegha er dha bynn, ha treylya arta dhis hag avowa dha hanow, ha pysi ha pledya genes y'n chi ma,

2 Kroniklys 12:8

Byttegyns i a vydh y servysi; ena i a woer an dihevelepter ynter ow servis vy ha servis gwlaskordhow tiryow erell.’

Ysay 47:6

My a sorras orth ow fobel, my a dhisakras ow ertach; my a's ros y'th tiwdhorn, ny dhiskwedhsys truedh dhedha; war an re goth y hwrussys dha yew fest poes.

Yeremia 17:4

Ha ty a lews dha leuv dhiworth dha eretons a res dhis; ha my a'th wra dhe servya dha eskerens y'n tir na aswonnydh: rag an tan re enowsowgh y'm sorr, a lesk bys vykken.

Yeremia 44:22

Ny ylli an Arloedh perthi na fella agas drog wriansow, ha'n taklow kasadow a wrussowgh; yndella agas tir a dheuth ha bos ynyal ha gwast ha molleth, heb annedhyas, kepar hag y'n jydh hedhyw.

Yeremia 44:27

Otta, my a with warnedha rag drog a-der dader; pub gour a Yuda usi yn pow Ejyp a vydh distruys gans an kledha ha gans an divoetter, bys pan vo diwedh anedha.

Yeremia 5:19

Hag y hwyrvydh, pan leverowgh, ‘Prag y hwra an Arloedh an traow ma dhyn?’ ena ty a worthyp dhedha, ‘Par dell wrussowgh ow eskasa, ha servya duwow estren yn agas tir, yndellma hwi a serv estrenyon yn tir nag eus dhywgh.’

Kynvannow 1:14

Kelmys veu ow threuspassow warnav avel yew; gans y leuv y fons nedhys war-barth ha gorrys war ow honna, ow kul dhe'm nerth fyllel; an Arloedh re'm ros yn diwla tus ma na allav sevel.

Kynvannow 1:3

Yuda res eth yn divroedh wosa galar ha wosa gwasonieth kales; hi a drig yn mysk an kenedhlow; mes ny gyv powesva; hy helghysi oll re settyas dalghenn ynni yn kres hy foenvos.

Kynvannow 4:4

Taves an baban ow tena a len orth y stevnik gans syghes, fleghigyow a bys bara, nyns eus neb a'n re dhedha.

Ezekiel 17:12

Lavar dhe'n chi diwostydh, A ny wodhowgh styr an taklow ma? Lavar, Otta myghtern Babylon a dheuth dhe Yerusalem ha kemmeres hy myghtern ha'y fennsevigyon, ha'ga dri ganso dhe Babylon.

Ezekiel 17:3

Lavar: Yndellma y lever an Arloedh Duw: Er bras gans eskelli bras ha pluvennow hir, leun a bluv liesliw, a dheuth dhe Lebanon ha kemmeres an ughella skorrenn a gederwydhenn;

Ezekiel 17:7

Yth esa er bras arall gans eskelli bras ha pluv pals; hag otta, an gwinbrenn ma a dreylyas y wreydhyow dhodho; hag a dhannvonas y varrennow dhodho, may hwrella y dhowrhe dhiworth an dor may feu plynsys.

Ezekiel 23:29

I a'th tyght yn envi, ha kemmeres oll frut dha lavur. I a wra dha asa lomm ha noeth, ha noethedh dha fornikasyon a vydh diskudhys, dha vilta ha'th fornikasyon.

Mika 2:3

Rakhenna, yndellma y lever an Arloedh: Otta, erbynn an teylu ma yth esov vy ow tevisya drogedh, ma na yllowgh hwi kildenna agas konna anodho; ha ny gerdhowgh howtyn, rag y fydh termyn a dhroktra.

Matthew 11:29

Kemmerewgh ow yew warnowgh ha dyskewgh genev, rag klor yth ov hag uvel ow holonn, ha hwi a gyv powes dh'agas enev.

Dewteronomi 32:24

I a vydh gwannhes gans divoetter, ha devorys gans plag ha kleves hwerow; my a dhannvon ynna dyns bestes, gans venim serf ow kramya yn doust.