Dewteronomi 28:45 - An Bibel Kernewek 20234 (Kernewek Kemmyn)

⁴⁵ Oll an mollothow ma a dheu warnas, ha'th pursiwya ha tremena dresos bys pan vydhydh distruys, rag ny woslewsys orth lev an Arloedh dha Dhuw ha gwitha y worhemmynnow ha'y ordenansow a worhemmynnis dhis.

Dewteronomi 28:45 ပူးပေါင်းရင်းမြစ်များ

Jenesis 19:13

rag ni a vynn distrui an tyller ma rag bos aga garm gyllys bras dherag an Arloedh, ha'n Arloedh re'gan dannvonas dh'y dhistrui.’

2 Myghternedh 17:20

An Arloedh a skonyas oll henedh Ysrael, ha'ga hessydhya ha'ga gorra yn leuv preydhoryon, bys pan re's tewlsa mes a'y wel.

Salmow 119:21

Ty re geredhis an re woethus; milliges yw an re a gammdremen dhiworth dha worhemmynnow.

Lavarow Koth 13:21

Anfeus a hol peghadoryon, mes sewena a re pewas dhe'n re wiryon.

Ysay 1:20

mes mar skonyowgh ha rebellya, hwi a vydh dybrys gans an kledha; rag ganow an Arloedh re gewsis.

Ezekiel 14:21

Rag yndellma y lever an Arloedh Duw: Pygemmys moy y fydh pan dhannvonav erbynn Yerusalem ow feder tebel vreus; kledha, divoetter, drog woedhviles, ha plag, dhe dreghi dhiworti den ha best!

Ezekiel 7:15

An kledha a-ves, ha'n plag ha'n divoetter a-ji: neb eus y'n gwel a verow der an kledha, ha neb eus y'n sita, divoetter ha plag a'n deber.

Levitikus 26:28

ena my ynwedh a gerdh kontrari dhywgh hwi, ha my ynwedh a wra agas kessydhya seythgweyth rag agas peghosow.

Dewteronomi 28:15

Mes mar ny woslowydh orth lev an Arloedh dha Dhuw, ow kwitha hag ow kul oll y worhemmynnow ha'y ordenansow esov orth aga gorhemmynna dhis hedhyw, ena y tons warnas oll an mollothow ma, hag i a dremen dresos.

Dewteronomi 28:5

Benniges vydh dha ganstell ha'th new-toesa.

Dewteronomi 4:25

Pan dhineythydh mebyon ha fleghes-wynn ha kothhe y'n tir, hag omlegri, ow kul imaj gravys, an furv a neptra, ha kammwul a-wel dhe'n Arloedh dha Dhuw dh'y brovokya dhe sorr,

Dewteronomi 4:26

my a elow nev ha nor hedhyw dhe dhoen dustuni er agas pynn, hwi dhe vos dhe goll dhiworth an tir mayth esowgh ow treusi an Yordan di dh'y erita. Ny hirhowgh agas dydhyow warnodho, mes y fydhowgh distruys sur.