Dewteronomi 28:36 - An Bibel Kernewek 20234 (Kernewek Kemmyn)

³⁶ An Arloedh a'th tro, ty ha'n myghtern re settsys warnas dha honan, dhe genedhel na aswonnsys, naneyl ty na'th tasow, hag ena ty a serv duwow erell a brenn hag a ven.

Dewteronomi 28:36 ပူးပေါင်းရင်းမြစ်များ

2 Myghternedh 25:11

Nebuzaradan, kapten an withysi, a dhug yn divroedh remenant an bobel o gesys y'n sita, ha'n gilfowesigyon re gilfisa dhe vyghtern Babylon, oll remenant an routh.

2 Myghternedh 25:21

Myghtern Babylon a's gweskis, ha'ga gorra dhe'n mernans yn Ribla yn pow Hamath. Ytho Yuda eth yn divroedh yn-mes a'y dir.

2 Kroniklys 33:11

Yndella an Arloedh a dhros er aga fynn kaslewydhyon lu myghtern Assyria, hag i a synsis Manasse avel prisner, ha gorra higenn yn y droen ha'y gelmi gans sprallow a vrons ha'y dhri dhe Babylon.

2 Kroniklys 36:1

Pobel an tir a gemmeras Yehoahaz mab Yosia hag a'n gwrug myghtern yn le y das yn Yerusalem.

2 Kroniklys 36:17

Ev a dhros er aga fynn myghtern an Kaldeanys, hag ev a ladhas aga gwer yowynk gans an kledha yn chi aga sentri; ny'n jevo truedh naneyl war our yowynk na moren, na war henavek na krebogh; ev a's ros pub den oll yn y leuv.

2 Kroniklys 36:20

Ev a dhug yn divroedh an re re dhienksa a'n kledha, hag i eth ha bos gwesyon dhodho ha dh'y vebyon bys reyn ruvaneth Persia,

2 Kroniklys 36:6

Er y bynn y teuth Nebukadnessar myghtern Babylon, hag ev a'n kargharas rag y dhri dhe Babylon.

Ysay 39:7

Hag i a gemmer re a'th vebyon, dha askorr hag a vydh genys dhis, hag i a vydh spadhesigyon yn palys myghtern Babylon.’

Yeremia 15:14

Ha my a wra dhis servya dha eskerens yn tir na aswonnydh: rag tan yma enowys y'm sorr, hag a wra leski warnas.

Yeremia 16:13

Ytho my a's tewl yn-mes a'n tir ma bys yn tir na aswonnowgh, naneyl hwi na'gas tasow, hag ena hwi a wra servya duwow erell dydh ha nos; rag ny gemmerav truedh ahanowgh.

Yeremia 39:1

Y'n nawves blydhen a Sedekia myghtern Yuda, y'n degves mis, y teuth Nebukadnessar myghtern Babylon hag oll y lu ha gul esedhva warnedhi;

Yeremia 9:15

Rakhenna yndellma y lever Arloedh an luyow, Duw Ysrael: Otta, my a vag an bobel ma gans fuelenn, ha ri dhedha dowr gwenonek dhe eva.

Kynvannow 2:9

Hy yetys re sedhis y'n dor; ev re dhiswrug ha terri hy barrys; yma hy myghtern ha'y fennsevigyon yn mysk an kenedhlow; nyns usi an lagha namoy, nyns eus hwath dh'y frofoesi gwelesigeth dhiworth an Arloedh.

Kynvannow 4:20

Untys an Arloedh, anall agan dewfrik, a veu kechys yn aga antylli, may leversyn anodho ‘Yn-dann y skeus y fewyn ni yn mysk an kenedhlow.’

Ezekiel 11:9

My a'gas dre yn-mes anedhi, ha'gas ri yn leuv estrenyon ha gul breusow warnowgh.

Ezekiel 20:39

Ha hwi, chi Ysrael, yndellma y lever an Arloedh Duw: Kewgh, servyowgh agas idolys, hwi oll. A-wosa hwi a woslow dhymm yn sur, ha ny dhisakrowgh ow hanow sans arta gans agas rohow ha gans agas idolys.

Dewteronomi 28:64

Ena an Arloedh a wra dha skattra yn mysk oll an poblow dhiworth unn penn a'n norvys bys y'n penn arall, hag ena ty a serv duwow erell neb na aswonnsys, naneyl ty na'th tasow, prenn ha men.

Dewteronomi 29:17

Hwi a welas aga thaklow kasadow ha'ga idolys, prenn ha men, arghans hag owr, esa gansa.

Dewteronomi 4:27

An Arloedh a wra agas skattra ynter an poblow, boghes vydh agas niver gesys yn mysk an kenedhlow may hwra an Arloedh agas ledya di.

Dewteronomi 4:28

Ena hwi a serv duwow, ober diwla den, prenn ha men, na welons, ha na glewons, ha na dhebrons, ha na vlasons.

1 Samuel 12:25

Mes mar pesyowgh gul drogoberow, hwi ha'gas myghtern ynwedh a vydh skubys dhe-ves.’