Dewteronomi 28:35 - An Bibel Kernewek 20234 (Kernewek Kemmyn)

³⁵ An Arloedh a'th wysk gans drog vryghi y'th tewlin ha'th tiwarr ma na yllydh bos yaghhes dhiworta, a wodhen dha droes bys y'th krogen.

Dewteronomi 28:35 ပူးပေါင်းရင်းမြစ်များ

2 Samuel 14:25

Mes yn oll Ysrael nyns esa denvyth moy kanmelys rag y dekter ages Absalom; dhiworth godhen y droes bys yn gwartha y benn nyns esa namm vyth ynno.

Ysay 1:6

A wodhen an troes bys an penn, nyns eus yeghes ynno, mes brewyon, kreythennow, ha goliow podrek; ny vons glanhes na lystennys na medhelhes gans oyl.

Ysay 3:17

an Arloedh a dhre krevennow war glopenn myrghes Sion, ha'n Arloedh a lommha aga thal.

Ysay 3:24

Yn le spisys y fydh fler, hag yn le grogys pann y fydh kordenn, yn le gols plethys y fydh bloghter, yn le dillas teg y fydh yskar, ha kreyth leskys yn le tekter.

Dewteronomi 28:27

An Arloedh a'th wysk gans bryghi Ejyp, ha gans hwedhow, ha gans krevennow, ha dre'n debron, ma na yllydh bos yaghhes.

Dewteronomi 28:34

Ty a vydh gorboellek gans an pyth a wra dha lagas y weles.

Diskwedhyans 16:2

Ha'n kynsa eth dhe skoellya y fiol war an dor; ha podredhes drog ha tynn a dheuth war an dus gans merk an best, ha war neb a wordhya y imaj.