Dewteronomi 28:33 - An Bibel Kernewek 20234 (Kernewek Kemmyn)

³³ Pobel na aswonnsys a dheber frut dha dir hag oll askorr dha lavur, ha ny vydhydh saw arweskys ha tebeldhyghtys oll dha dhydhyow.

Dewteronomi 28:33 ပူးပေါင်းရင်းမြစ်များ

Job 20:18

Ev a dhaskorr frut y ober, ha ny wra ev y lenki; ha prow y kenwerth ny wra ev tastya.

Ysay 1:7

Agas tir yw ynyal, agas sitys leskys gans tan; yn agas lok estrenyon a dhevor agas tir, hag ynyal yw, kepar dell ve domhwelys gans estrenyon.

Ysay 42:22

Mes homm yw pobel ledrys ha ravnys, i oll yw maglennys yn tell ha kudhys yn baghow; devedhys yns ha bos preydh heb denvyth dhe sawya, pyll heb denvyth dhe leverel ‘Daswra!’

Ysay 62:8

An Arloedh re dos ren y vregh dhyghow ha re vregh y nerth: Ny rov dha reun arta avel boes rag dha eskerens, ha ny yv mebyon estren dha win nowydh a lavursys ragdho;

Yeremia 4:17

Avel gwithysi park, ymons i a-dro dhedhi; drefenn i dhe vos diwostydh er ow fynn, yn-medh an Arloedh.

Yeremia 5:15

Otta, my a dhre warnowgh kenedhel a bellder, A ji Ysrael, yn-medh an Arloedh: kenedhel yw neb a dhur, kenedhel goth, kenedhel anedhi na wodhes hy yeth, na konvedhes an pyth a leverons.

Yeremia 5:17

I a wra dybri dha drevas, ha'th vara, a dalvia bos dybrys gans dha vebyon ha'th vyrghes: i a wra dybri dha flokkys ha'th greow; i a wra dybri dha winbrennyer ha'th figys; i a wra terri dhe demmyn dha sitys kerys, ynna may fydhsys, der an kledha.

Yeremia 8:16

Ronkow aga mergh a veu klewys a-dhiworth Dan: orth son kryghias aga mergh krev an tir kowal a grenas; i re dheuth ha gwastya an tir, ha pup-tra eus ynno: an sita ha'n re usi trigys ynni.

Ezekiel 25:4

rakhenna awottavy orth dha ri dhe vebyon an est rag perghennogeth. I a sett aga hampow ynnos ha drehevel aga thyldow ynnos; i a dheber dha froeth, hag i a yv dha leth.

Hosea 5:11

Efraym yw arweskys, brewys yn breus, rag plegadow veu dhodho mos war-lergh euveredh.

Hosea 8:7

I re hasas an gwyns, ha mysi an korwyns. Garrow an ys ny's teves penn; ny wra bleus. Mar kwrello greun, ena estrenyon a wra y lenki.

Levitikus 26:16

hemma a wrav dhywgh: my a worr euth tromm warnowgh, kleves gwastya, fevyr a dhiswra an lagasow hag a wra dhe'n enev omwetha. Hwi a has agas has yn euver, rag agas eskerens a wra y dhybri.

Dewteronomi 28:34

Ty a vydh gorboellek gans an pyth a wra dha lagas y weles.

Dewteronomi 28:51

hag ev a dheber leughi dha vestes hag askorr dha dir bys may hwrello dha dhistrui; ny as ragos ys, gwin nag olew, leughi dha jatel nag eyn dha flokk bys may hwrello dha dhistrui.

Breusysi 6:3

Rag peskweyth may plansa mebyon Ysrael has, an Midyanysi ha'n Amalekysi ha mebyon an est a dho er aga fynn.

Breusysi 6:5

Rag i ha'ga chatel a dho yn-bann, hag i a dhri aga thyldow, kemmys ha lokustes; nyns ens i dhe nivera, naneyl i aga honan na'ga howrvergh; i a entras an tir dh'y wastya.