Kepar ha gwennel po garan, yndella y gryllis; my a gynis kepar ha kolomm. Ow dewlagas a fyll ow mires war-vann. A Arloedh, yma ankres dhymm, bydh goestel ragov.
Gwiryon yw an Arloedh, drefenn ow bos diwostydh erbynn y anow; klewewgh, my a'gas pys, hwi boblow oll, ha mirewgh orth ow galar; ow gwyrghesow ha'm gwer yowynk res eth yn kethneth.
Ow dewlagas a fyllis der oela dagrow; ow holodhyon yw troblys; ow bystel yw diverys war an dor drefenn terroes myrgh ow fobel, drefenn an fleghes ha'n re ow tena dhe glamdera yn plenys an sita.
Ha ty, A vab den, y'n jydh may hwrav vy kemmeres dhiworta aga skons, lowena aga thekter, delit aga dewlagas, desir aga enev, hag ynwedh aga mebyon ha'ga myrghes –
Gwynnel gwra yn payn ha skrija, A vyrgh Sion, avel benyn ow tineythi; rag lemmyn y hwre'ta mos yn-mes a'n sita ha triga y'n gwel; yth edh dhe Babylon. Ena y fydhydh sawys, ena an Arloedh a'th taspren a leuv dha eskerens.
Dha ojyon a vydh ledhys a-wel dhis, mes ny dhybrydh dhiworto; dha asen a vydh kemmerys dhiworthis dre nerth ha ny vydh daskorrys dhis; dha dheves a vydh res dhe'th eskerens ha ny vydh dhis nagonan dh'aga sawya.
Hag yn mysk an kenedhlow ma ny' fydh powes, ha ny vydh powesva dhe wodhen dha droes. Ena an Arloedh a re dhis kolonn a gren, ha dewlagas a fyll, hag enev ydhil.