Dewteronomi 28:27 - An Bibel Kernewek 20234 (Kernewek Kemmyn)

²⁷ An Arloedh a'th wysk gans bryghi Ejyp, ha gans hwedhow, ha gans krevennow, ha dre'n debron, ma na yllydh bos yaghhes.

Dewteronomi 28:27 ပူးပေါင်းရင်းမြစ်များ

Salmow 78:66

Ev a weskis y eskerens war-tu delergh, hag a ros disenor dhedha bynitha.

Eksodus 15:26

ow leverel, ‘Mar mynnowgh goslowes yn tiwysyk orth lev an Arloedh agas Duw, ha gul an pyth yw ewn yn y dhewlagas, ha koela orth y worhemmynnow ha gwitha oll y ordenansow, ny worrav warnowgh nagonan a'n klevesow a worris war an Ejyptianys; rag my yw an Arloedh agas sawyer.’

Eksodus 9:10

Ytho i a gemmeras lusu dhiworth an forn, ha sevel a-rag Faro, ha Moyses a's tewlis war-tu ha nev, hag y teuth ha bos bryghi ow tardha yn kuriegi war dhen ha best.

Eksodus 9:11

Ha ny ylli an hudoryon sevel a-rag Moyses drefenn an bryghi, rag yth esa an bryghi war an hudoryon ha'n Ejyptianys oll.

Eksodus 9:9

Hag y hwra dos ha bos ponn dre bow Ejyp, ha dos ha bos bryghi ow tardha yn kuriegi war dhen ha best dre bow Ejyp oll.’

Ysay 3:17

an Arloedh a dhre krevennow war glopenn myrghes Sion, ha'n Arloedh a lommha aga thal.

Levitikus 21:20

po bothek, po korr, po gans gwynnenn yn y lagas, po gans bryghi podredhek, po gans troskennow, po brewys y dhiwgell.

Amos 4:10

Dannvon a wrug vy warnowgh pla dell wrug yn Ejyp; ladha a wrug vy agas tus yowynk gans an kledha, war-barth gans agas mergh kemmerys yn preydh. My a dhrehevis fler agas kaslysyow bys yn agas dewfrik; byttegyns ny dhehwelsowgh dhymm, yn-medh an Arloedh.

Dewteronomi 28:28

An Arloedh a'th wysk gans muskogneth, gans dellni, ha gans sowdhan a vrys.

Dewteronomi 28:35

An Arloedh a'th wysk gans drog vryghi y'th tewlin ha'th tiwarr ma na yllydh bos yaghhes dhiworta, a wodhen dha droes bys y'th krogen.

Dewteronomi 7:15

An Arloedh a dreyl dhiworthis pub dises; ha ny sett warnas oll an klevesow vil a Ejyp a wodhves, mes ev a's gorr war oll an re a'th kas.

1 Samuel 5:12

an wer na verwis a veu plagys gans hwedhow, ha kri an sita eth yn-bann dhe nev.

1 Samuel 5:6

Mes dorn an Arloedh o poes war dus Ashdod, hag ev a's ravnas ha'ga flagya gans hwedhow, yn Ashdod hag yn y diredh.

1 Samuel 5:9

Y hwarva, wosa i dh'y dri di, bos leuv an Arloedh erbynn an sita, gans skruth pur vras; ev a blagyas gwer an sita, yowynk ha hen, may tardhas yn-mes hwedhow warnedha.