Dewteronomi 28:22 - An Bibel Kernewek 20234 (Kernewek Kemmyn)

²² An Arloedh a'th wysk gans kleves gwastya, ha gans terthenn, ha gans fevyr, ha gans brewvann, ha gans an kledha ha gans kleves losk ha kleves melynheans y'n ys, hag i a'th helgh bys pan vydhydh diswrys.

Dewteronomi 28:22 ပူးပေါင်းရင်းမြစ်များ

1 Myghternedh 17:7

Mes wosa termyn an gover a dhesyghas, drefenn nag esa glaw y'n tir.

1 Myghternedh 8:37

‘Mars eus divoetter y'n tir, mars eus pla, kleves losk, kleves melynheans, hes a lokustes, po lokustes distruel; mar pydh aga eskerens yn esedhva warnedha yn onan a'ga sitys; py pla pynag po kleves pynag yma;

2 Kroniklys 6:28

‘Mars eus divoetter y'n tir, po pla, po kleves losk, po kleves melynheans, hes a lokustes ha'n lokust distruel, mar omsett aga eskerens a-dro dhe sitys pynag, po mars eus plag pynag, po kleves pynag;

Yeremia 14:12

Pan wrons penys, ny glewav aga kri; ha pan offrons offrynn leskys hag offrynn greun, ny's degemmerav: mes my a's distru der an kledha, ha gans an divoetter, ha gans an pla.

Yeremia 16:4

I a verow a glevesow marwel; ny vydh kynvann ragdha, na ny vydhons ynkleudhys; mes i a vydh avel teyl war enep an dor. Hag i a vydh distruys gans an kledha, ha gans divoetter; ha'ga horfow a vydh karyn rag ydhyn an nev ha bestes an nor.

Levitikus 26:16

hemma a wrav dhywgh: my a worr euth tromm warnowgh, kleves gwastya, fevyr a dhiswra an lagasow hag a wra dhe'n enev omwetha. Hwi a has agas has yn euver, rag agas eskerens a wra y dhybri.

Amos 4:9

My a'gas gweskis gans kleves losk ha kleves melynheans y'n ys; agas lowarthyow ha gwinlannow pals, agas figbrennyer ha'gas olewbrennyer a veu dybrys gans an lokust yowynk; byttegyns ny dhehwelsowgh dhymm, yn-medh an Arloedh.

Haggay 1:11

Ha my a elwis rag syghor war an tir, war an menydhyow, ha war an ys, war an gwin nowydh, ha war an oyl, ha war an pyth a wra an dor y dhri mes, war dus, ha war warthek ha war oll an askorr a lavur diwleuv.

Haggay 2:17

My a weskis warnowgh, ha war wriansow oll agas diwleuv, gans kleves losk ha kleves melynheans y'n ys ha keser, mes ny dreylsowgh dhymm, yn-medh an Arloedh.

Haggay 2:19

Usi an has y'n skiber hwath? Ha ny dhaskorras na hwath an gwinbrenn, an figbrenn, an greunaval na'n olewbrenn. Mes dhiworth an jydh ma my a'gas bennik.

Zekaria 14:12

Hemma a vydh an plag a wra an Arloedh y dhannvon dhe weskel oll an poblow re vatalyas orth Yerusalem; aga hig a beder hag i ow sevel war aga threys aga dewlagas a beder yn aga krawyow; ha'ga thaves a beder yn aga ganow.

Dewteronomi 28:23

Dha ebron a-ugh dha benn a vydh brons, ha'n dor yn-dannos a vydh horn.

Dewteronomi 32:24

I a vydh gwannhes gans divoetter, ha devorys gans plag ha kleves hwerow; my a dhannvon ynna dyns bestes, gans venim serf ow kramya yn doust.

Dewteronomi 4:26

my a elow nev ha nor hedhyw dhe dhoen dustuni er agas pynn, hwi dhe vos dhe goll dhiworth an tir mayth esowgh ow treusi an Yordan di dh'y erita. Ny hirhowgh agas dydhyow warnodho, mes y fydhowgh distruys sur.