Dewteronomi 28:15 - An Bibel Kernewek 20234 (Kernewek Kemmyn)

¹⁵ Mes mar ny woslowydh orth lev an Arloedh dha Dhuw, ow kwitha hag ow kul oll y worhemmynnow ha'y ordenansow esov orth aga gorhemmynna dhis hedhyw, ena y tons warnas oll an mollothow ma, hag i a dremen dresos.

Dewteronomi 28:15 ပူးပေါင်းရင်းမြစ်များ

Jenesis 3:14

Hag yn-medh an Arloedh Duw dhe'n sarf, ‘Rag ty dhe wul hemma, milliges osta dres oll chatel ha dres pub best a'n gwel; war dha dorr ty a wra mos, ha doust ty a wra dybri pub dydh oll a'th vewnans.

Jenesis 4:11

Ha lemmyn milliges osta dhiworth an dor re igoras y anow dhe dhegemmeres goes dha vroder dhiworth dha dhorn.

Jenesis 4:12

Pan wonedhydh an dor, alemma rag ny vynn ev ri dhis y nerth. Ty a vydh gwandryas diannedh war an nor.’

2 Kroniklys 12:5

Ena an profoes Shemaia a dheuth dhe Rehoboam ha dhe bennsevigyon Yuda, o kuntellys yn Yerusalem drefenn Shishak, hag a leveris dhodho, ‘Yndellma y lever an Arloedh: Hwi a'm forsakyas, ytho my re'gas forsakyas dhe leuv Shishak.’

2 Kroniklys 34:24

Yndellma y lever an Arloedh: Otta, my a dhre terroesa war an tyller ma ha war y drigoryon, oll an mollothow yw skrifys y'n lyver a veu lennys a-rag myghtern Yuda.

2 Kroniklys 7:19

‘Mes mar treylydh a-denewen ha gasa ow ordenansow ha'm gorhemmynnow re worris a-ragos, ha mones ha servya duwow erell ha'ga gordhya,

Ysay 3:11

Go-ev an tebelwas, drog a'n jevydh; drefenn war-lergh ober y dhiwleuv y fydh gwrys dhodho ev.

Yeremia 11:8

Mes ny woslowsons, na ny blegsons aga skovarn, mes i a gerdhas peub yn gorthter aga thebel golonn: ytho my a dhre warnedha oll geryow an kevambos ma, a worhemmynnis dhedha dh'y wul; mes ny wrussons.

Yeremia 26:4

Ty a lever dhedha, Yndellma y lever an Arloedh: Mar ny woslewowgh orthiv, dhe gerdhes yn ow lagha hag a worris a-ragowgh,

Yeremia 32:23

hag i a dheuth a-ji ha'y erita. Mes ny woslowsons orth dha lev na kerdhes y'th lagha; ny wrussons travyth a'n pyth oll a worhemmynnsys dhedha. Ytho ty a wrug oll an anfeusi dhe dhos warnedha.

Yeremia 36:31

My a'n kessydh ha'y has ha'y servysi rag aga anewnder; my a dhre warnedha, ha war annedhysi Yerusalem, ha war bobel Yuda, oll an drog re leveris er aga fynn, mes ny woslowsons.

Yeremia 36:7

Y hyll bos aga fledyans dhe dhos a-rag an Arloedh, hag i oll dhe dreylya a'ga drog fordhow, rag meur yw an sorr ha konnar re leveris an Arloedh erbynn an bobel ma.’

Yeremia 40:2

Kapten an withysi a gemmeras Yeremia ha leverel dhodho, ‘An Arloedh dha Dhuw re dharganas an drog ma war an tyller ma;

Kynvannow 2:17

An Arloedh re wrug y vynnas, ev re gowlwrug y lavar; kepar dell ordenas seuladhydh; ev re dorras heb truedh; ev a wrug dhe'n eskerens lowenhe warnas, ev re dhrehevis korn dha eskerens.

Hosea 7:12

Hag i ow mos, my a dewl ow roes warnedha; avel ydhyn an nevow my a's dre yn-nans. My a's keredh pan y's klewav ow hesya.

Malaki 2:2

Mar ny woslewowgh, ha mar ny worrowgh agas kolonn dhe ri glori dhe'm hanow, yn-medh Arloedh an luyow, my a dhannvon molleth warnowgh hwi, ha my a volleth agas bennathow. Yn hwir, my a's mollethis seulabrys, rag na'n gorrsowgh yn agas kolonn.

Galatianys 3:10

Rag myns a fydh yn oberow an lagha yn-dann volleth; rag skrifys yw, ‘Milliges yw pubonan na bes yn oll an gorhemmynnow skrifys yn lyver an lagha, orth aga gul.’

Dewteronomi 11:28

an volleth mar ny woslewowgh gorhemmynnow an Arloedh agas Duw, ha treylya dhiworth an fordh esov orth hy gorhemmynna dhywgh hedhyw, ow kerdhes war-lergh duwow erell na's aswonnsowgh.

Dewteronomi 28:2

Hag oll an bennathow ma a dheu warnas ha tremena dresos, mar koslewydh lev an Arloedh dha Dhuw.

Dewteronomi 28:45

Oll an mollothow ma a dheu warnas, ha'th pursiwya ha tremena dresos bys pan vydhydh distruys, rag ny woslewsys orth lev an Arloedh dha Dhuw ha gwitha y worhemmynnow ha'y ordenansow a worhemmynnis dhis.

Dewteronomi 29:19

Pan glew nebonan geryow an volleth ma, hag omvenniga yn y golonn, ow leverel, ‘Kres a vydh dhymm, kyn kerdhav yn gorthter ow holonn’, yndella ow tiswul an tir dowrhes war-barth gans an tir sygh,

Dewteronomi 29:20

an Arloedh ny vynn gava dhodho; ena sorr an Arloedh ha'y avi a dhyllo mog erbynn an gour na, hag oll an volleth yw skrifys y'n lyver ma a wrowedh warnodho, ha'n Arloedh a dhefend y hanow a-dhann nev.

Dewteronomi 5:1

Moyses a elwis dhe oll Ysrael ha leverel dhedha: Klew, A Ysrael, an ordenansow ha'n breusow esov ow kewsel yn agas diwskovarn hedhyw, rag ma's dyskowgh, ha'ga gwitha, ha'ga gul.

Yoshua 23:15

Mes par dell hwarva ragowgh pup-tra da a ambosis an Arloedh agas Duw dhywgh, yndella ynwedh an Arloedh a dhre warnowgh oll an droktraow, bys pan y'gas distruis dhiworth an tir da re ros an Arloedh agas Duw dhywgh.

Yoshua 23:16

Mar kammdremenewgh erbynn kevambos an Arloedh agas Duw a worhemmynnis dhywgh, ha mars ewgh dhe servya duwow erell, hag omblegya dhedha, sorr an Arloedh a vydh ow leski er agas pynn, hag yth ewgh dhe goll dihwans dhiworth an tir da re ros dhywgh.’

Breusysi 2:15

Peskweyth may kerdhens yn-mes, leuv an Arloedh o er aga fynn a-barth droktra kepar dell lavarsa an Arloedh ha kepar dell dos ev ti; hag yth esens yn tebel studh.

1 Samuel 4:10

Ytho an Filistysi a vatalyas; hag Ysrael o fethys, hag i a fias pub gour dh'y dylda. Yth esa ladhva pur vras, rag y koedhas a Ysrael deg mil droesek warn ugens.