Dewteronomi 28:14 - An Bibel Kernewek 20234 (Kernewek Kemmyn)

¹⁴ Na dreyl a-denewen dhiworth oll an geryow esov ow korhemmynna dhis hedhyw, dyghow na kledh, dhe gerdhes war-lergh duwow erell dh'aga servya.

Dewteronomi 28:14 ပူးပေါင်းရင်းမြစ်များ

2 Myghternedh 22:2

Ev a wrug an pyth o ewn yn golok an Arloedh, ha kerdhes yn fordh Davydh y das, ha ny dreylyas a-denewen dhe'n dyghow na dhe'n kledh.

Nehemia 1:7

Ni re omdhug pur dhrog er dha bynn, ha ny withsyn an gorhemmynnow, na'n ordenansow, na'n breusow a erghsys dhe'th was Moyses.

Ysay 30:21

Dha dhiwskovarn a glew ger a-dryv dhis, ow leverel, ‘Hemm yw an fordh, kerdhewgh ynni’, pan dreylyowgh dhe'n dyghow, po pan dreylyowgh dhe'n kledh.

Dewteronomi 11:16

Kemmerewgh with, ma na vo agas kolonn toellys, ha hwi a dreyl dhe denewen ha servya duwow erell ha plegya dhe'n dor a-ragdha,

Dewteronomi 5:32

Gwaytyewgh gul ytho kepar dell worhemmynnis dhywgh an Arloedh agas Duw; na dreylyewgh dhe'n dyghow na dhe'n kledh.

Yoshua 1:7

Mes bydh krev ha bydh pur golonnek, ow kwaytyas gul war-lergh oll an lagha a erghis Moyses ow gwas dhis; na dreyl dhiworti dhe'n barth dhyghow na dhe'n barth kledh, rag bos sewena dhis plepynag yth edh.

Yoshua 23:6

Ytho bedhewgh pur grev, ha gwaytyewgh gul pup-tra yw skrifys yn lyver lagha Moyses, heb treylya a-denewen naneyl dhe'n barth dhyghow na dhe'n barth kledh.