Dewteronomi 28:10 - An Bibel Kernewek 20234 (Kernewek Kemmyn)

¹⁰ Ena oll kenedhlow an norvys a wel ty dhe vos gelwys gans hanow an Arloedh; hag i a berth own ahanas.

Dewteronomi 28:10 ပူးပေါင်းရင်းမြစ်များ

1 Kroniklys 14:17

Ger-da Davydh a lesas der oll an powyow ha'n Arloedh a dhros own anodho war oll an kenedhlow.

2 Kroniklys 7:14

mar omuvelha ow fobel yw henwys gans ow hanow, ha pysi ha hwilas ow fas ha treylya dhiworth aga fordhow drog, ena my a glew a nev, ha my a av dhedha aga fegh ha yaghhe aga thir.

Eksodus 12:33

Ha'n Ejyptianys a ynnias war an bobel ma's tannvonens yn-mes a'n tir yn fysk; rag i a leveris, ‘Tus varow on ni oll.’

Eksodus 14:25

ow taga rosow aga charettow, may fons poes dhe lewya. Ytho an Ejyptianys a leveris, ‘Fiyn a-dhiworth Ysrael; rag an Arloedh a omladh ragdha erbynn an Ejyptianys.’

Ysay 63:19

Ni re beu a-henys kepar ha'n re na rewlsys warnedha, kepar ha'n re na veu dha hanow gelwys warnedha.

Yeremia 14:9

Prag y fydhydh avel gour penndegys, avel gour galloesek na yll sawya? Mes yth esos yn agan mysk, A Arloedh, ha dha hanow re beu gelwys warnan; na wra agan gasa.

Yeremia 33:9

Ha homma a vydh hanow a lowena dhymm, gormel hag enor a-dherag oll kenedhlow an nor, pan glewons oll an da a wrav ragdha; i a's tevydh own ha krena drefenn oll an da ha rag oll an sewena a broviav dhedhi.

Malaki 3:12

Ena oll an kenedhlow a wra agas gelwel gwynnvys, drefenn hwi dhe vos gwlas dhesiradow, yn-medh Arloedh an luyow.

Niverow 6:27

Yndellma i a wra gorra ow hanow war vebyon Ysrael ha my a wra aga benniga.

Oberow 15:17

may hwillo oll an dus erell an Arloedh, an Jentilys oll may feu gelwys ow hanow warnedha, yn-medh an Arloedh re wrug an taklow ma

Dewteronomi 11:25

Denvyth ny yll sevel er agas pynn. An Arloedh agas Duw a re euth ahanas hag own ahanas war enep oll an tir may trettyowgh warnodho, kepar dell gewsis orthowgh.

Dewteronomi 2:25

Hedhyw my a dhalleth settya agha ahanas hag own ahanas war an kenedhlow yn-dann an nevow oll, neb a glew derivas ahanas, hag i a gren ha bos yn gloesow a'th wovis.’

Yoshua 5:1

Pan glewas oll myghternedh an Amorysi a'n howlsedhes dhe'n Yordan, hag oll myghternedh an Kananysi ryb an mor, an Arloedh dhe dhesygha dowrow an Yordan a-rag mebyon Ysrael bys pan dreussens, aga holonn a deudhis, ha nyns esa ynna spyrys na fella, drefenn mebyon Ysrael.

Diskwedhyans 3:9

Otta, y hwrav gul dhedha a'n synaga a Satnas a lever aga bos Yedhewon, ha nyns yns, mes i a wowlever – otta, y hwrav gul dhedha dos dhe omblegya a-dherag dha dreys, ha godhvos my dhe'th kara.