Dewteronomi 28:1 - An Bibel Kernewek 20234 (Kernewek Kemmyn)

¹ Mar koslewydh devri lev an Arloedh dha Dhuw ha gwaytyas gul oll y worhemmynnow esov orth aga worhemmynna dhis hedhyw, ena an Arloedh dha Dhuw a'th sett ughel a-ugh oll kenedhlow an norvys.

Dewteronomi 28:1 ပူးပေါင်းရင်းမြစ်များ

1 Kroniklys 14:2

Davydh a gonvedhas an Arloedh dh'y fastya avel myghtern war Ysrael, ha dhe ughelhe y vyghterneth a-barth y bobel Ysrael.

Salmow 106:3

Gwynnvys an re a syns gwirvreus, hag a wra ewnder pup-prys.

Salmow 111:10

Own an Arloedh yw an dalleth a furneth; yma skians da dhe oll an re a wra hemma; y wormola a dhur bys vykken.

Salmow 119:128

Rakhenna my a gerdh yn ewn herwydh oll dha arghadowyow; my a gas pub hyns gowek.

Salmow 119:6

Ytho ny borthav meth, pan wrama vri a'th worhemmynnow oll.

Salmow 148:14

Ev re dhrehevis korn rag y bobel, gormel rag oll y syns, rag mebyon Ysrael, pobel eus ogas dhodho. Gormelewgh an Arloedh.

Salmow 91:14

Drefenn ev dhe worra y gerensa warnav, rakhenna my a'n delirv; my a'n drehav, rag ev dhe aswonn ow hanow.

Eksodus 15:26

ow leverel, ‘Mar mynnowgh goslowes yn tiwysyk orth lev an Arloedh agas Duw, ha gul an pyth yw ewn yn y dhewlagas, ha koela orth y worhemmynnow ha gwitha oll y ordenansow, ny worrav warnowgh nagonan a'n klevesow a worris war an Ejyptianys; rag my yw an Arloedh agas sawyer.’

Eksodus 23:22

Mes mar koslowydh yn ta orth y lev ha gul pup-tra a lavarav, ena my a vydh eskar dhe'th eskerens hag erbynner dhe'th erbynnoryon.

Eksodus 23:25

Ha hwi a wra servya an Arloedh agas Duw, ha my a wra benniga dha vara ha'th towr; ha my a wra kemmeres kleves dhe-ves a-dhiworthis.

Ysay 1:19

Mars yw agas bodh ha mar pydhowgh gostydh, hwi a dheber dader an tir;

Ysay 3:10

Leverewgh dhe'n den gwiryon, y fydh da ragdho, rag i a dheber frut aga gwriansow.

Yeremia 11:4

a worhemmynnis dh'agas tasow y'n jydh ma's dres yn-mes a bow Ejyp, a-dhiworth an fornes-horn, ow leverel, Klewewgh ow lev, ha gwrewgh pup-tra a worhemmynnav. Yndella hwi a vydh ow fobel ha my a vydh agas Duw:

Yeremia 12:16

Hag ena, mar tyskons yn tiwysyk fordhow ow fobel, dhe di ren ow hanow, ‘Dell vew an Arloedh’ par dell dhysksons ow fobel dhe di re Baal; ena i a vydh drehevys yn mysk ow fobel.

Yeremia 17:24

Mes mar koslewowgh orthiv, yn-medh an Arloedh, ha mar ny dhegewgh begh dre yetow an sita yn dydh an sabot, mes sanshe dydh an sabot, heb gul ober vytholl ynno,

Luk 1:6

Gwiryon ens i aga dew a-wel dhe Dhuw, ow kerdhes divlam yn oll gorhemmynnow hag ordenansow an Arloedh.

Luk 11:28

Mes ev a leveris, ‘Kyns, gwynnvys an re a glew ger Duw ha'y witha.’

Luk 9:48

ha leverel dhedha, ‘Neb a dhegemmerro an flogh ma yn ow hanow vy a'm degemmer vy; ha neb a'm degemmerro vy, a'n degemmer ev neb a'm dannvonas; rag neb yw an byghanna yntredhowgh, meur yw ev.’

Yowann 15:14

Hwi yw ow howetha mar kwrewgh pypynag a worhemmynnav dhywgh.

Romanyon 2:7

dhe'n re a hwila, dre berthyans ow kul da, gordhyans hag enor hag anvarwoleth, y fynn ev ri bewnans heb diwedh.

Galatianys 3:10

Rag myns a fydh yn oberow an lagha yn-dann volleth; rag skrifys yw, ‘Milliges yw pubonan na bes yn oll an gorhemmynnow skrifys yn lyver an lagha, orth aga gul.’

Dewteronomi 11:13

Mar koslewowgh devri ow gorhemmynnow esov ow korhemmynna dhywgh hedhyw, dhe gara an Arloedh agas Duw ha dh'y servya gans oll agas kolonn ha gans oll agas enev,

Dewteronomi 11:27

an vennath mar koslewowgh gorhemmynnow an Arloedh agas Duw esov orth aga gorhemmynna dhywgh hedhyw,

Dewteronomi 15:5

unnweyth mar koslowi gans rach orth lev an Arloedh dha Dhuw, ow kwitha hag ow kul oll an gorhemmynn ma esov ow korhemmynna dhis hedhyw.

Dewteronomi 26:18

Ha'n Arloedh re dhiskleryas hedhyw ty dhe vos dhodho pobel arbennik dhodho y honan kepar dell gewsis dhis, ha ty dhe witha oll y worhemmynnow;

Dewteronomi 26:19

ytho ev a'th sett ughel a-ugh oll an kenedhlow a wrug, rag gormel, rag hanow, rag enor, rag may fi pobel sans dhe'n Arloedh dha Dhuw kepar dell gewsis.

Dewteronomi 28:13

An Arloedh a'th wra dhe vos an penn a-der an lost; y fydhydh unnsel a-wartha, ha ny vydhydh a-woeles, mar koslewydh gorhemmynnow an Arloedh dha Dhuw esov orth dha worhemmynna hedhyw, dh'aga gwitha ha dh'aga gul.