Dewteronomi 27:19 - An Bibel Kernewek 20234 (Kernewek Kemmyn)

¹⁹ ‘Mollothek yw ev neb a dreyl dhe-ves gwirvreus dhiworth an alyon, an omdhivas, ha'n wedhwes.’ Ena oll an bobel a lever, ‘Amen.’

Dewteronomi 27:19 ပူးပေါင်းရင်းမြစ်များ

Dewteronomi 10:18

ow kul gwirvreus dhe'n omdhivas ha'n wedhwes, hag ow kara an alyon, ow ri dhodho bara ha dillas.

Dewteronomi 24:17

Na gammdreyl breus dhiworth alyon nag omdhivas, ha na gemmer dillas gwedhwes avel goestel.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Lavarow Koth 17:23

Tebelwas a dhegemmer falswober a'n askra, rag kammdreylya hynsyow gwirvreus.

Mika 3:9

Klewyewgh hemma, hwi bennow a ji Yakob ha rewloryon chi Ysrael, neb a gas gwirvreus ha kamma pup-tra yw ewn,

Lavarow Koth 31:5

poken i a yv hag ankevi an taklow a veu ordenys, hag a gammdreyl gwir an voghosogyon.

Eksodus 23:2

Ny wredh holya lu dhe wul drokoleth; na ny wredh dustuni yn ken, ow treylya a-denewen war-lergh lu, rag kammdreylya gwirvreus;

Levitikus 19:33

Ha mars eus alyon trigys genes yn agas tir, ny wrewgh y arwaska.