Dewteronomi 27:15 - An Bibel Kernewek 20234 (Kernewek Kemmyn)

¹⁵ ‘Mollothek yw an gour neb a wra imaj gravys po imaj teudh, tra gasadow dhe'n Arloedh, ober diwleuv krefter, ha neb a'n sett yn-bann yn-dann gel.’ Ena oll an bobel a worthyp ow leverel, ‘Amen.’

Dewteronomi 27:15 ပူးပေါင်းရင်းမြစ်များ

Jenesis 31:19

Ha Laban eth dhe gnyvyas y dheves; ha Raghel a ladras an terafim a bewo hy thas,

Jenesis 31:34

Mes Raghel re gemmersa an terafim ha'ga gorra yn sagh-diber an kowrvargh hag esedha warnodho. Laban a davas oll a-dro y'n tylda heb aga havoes.

Jenesis 9:25

Hag ev a leveris, ‘Milliges re bo Kanan. Kethwas kethwesyon a vydh ev dh'y vreder.’

2 Myghternedh 17:19

Ny withas Yuda ynwedh gorhemmynnow an Arloedh aga Duw, mes i a gerdhas yn ordenansow gwrys gans Ysrael.

2 Myghternedh 23:13

An myghtern a dhefolas an tylleryow ughel a'n est dhe Yerusalem, a'n soth dhe venydh an Distruyans, drehevys gans Solomon myghtern Ysrael rag Ashtoreth, mostedhes an Sidonysi, rag Kemosh, mostedhes Moab, ha rag Milkom, mostedhes an Ammonysi.

1 Kroniklys 16:36

Benniges re bo an Arloedh, Duw Ysrael, trank heb worfenn.’ Hag oll an bobel a leveris, ‘Amen’ ha gormel an Arloedh.

2 Kroniklys 33:2

Ev a wrug an pyth o drog yn golok an Arloedh, war-lergh oberow kasadow an kenedhlow a wrussa an Arloedh aga fesya a-rag pobel Ysrael.

Eksodus 20:23

Ny wrewgh hwi duwow a arghans dhe vos genev; na ny wrewgh dh'agas honan duwow a owr.

Eksodus 20:4

Na wra dhis imaj gravys, na furv vytholl a dravyth eus y'n nev a-vann, nag y'n nor a-woeles, nag y'n dowr yn-dann an nor;

Eksodus 34:17

Ny wredh ragos duwow deudh.

Ysay 44:13

An ser prenn a ystynn kordenn-vusura, ev a'n merk gans mynowes, ev a'n shap gans raskow hag a'n merk gans kompas; ev a'n shap dhe hevelep gour, gans tekter den, may trikko yn chi.

Ysay 44:17

A'n remenant arall ev a wra duw, y imaj, ha koedha dhe'n dor a-ragdho ha'y wordhya; ev a bys dhodho hag a lever, ‘Delirv vy, rag ty yw ow duw.’

Ysay 44:19

Ny breder nagonan yn y golonn, na nyns eus godhvos na konvedhes dhe leverel, ‘Hanter anodho re loskas y'n tan, ynwedh my a bebis bara war y regydh, my a rostyas kig ha dybri. A wrav vy tra gasadow a'y remenant? A wrav vy koedha dhe'n dor a-rag stokk a brenn?’

Yeremia 11:3

Lavar dhedha: Yndellma y lever an Arloedh, Duw Ysrael; Milliges re bo an gour nag yw gostydh dhe eryow an kevambos ma,

Yeremia 11:5

may kollenwiv an ti a des dh'agas tasow, ri dhedha tir a dhinwa leth ha mel, dell yw hedhyw. Ena my a worthybis, ‘Yndella re bo, A Arloedh.’

Yeremia 23:24

A yll gour omgudha yn tylleryow kudhys ma na'n gwelav? yn-medh an Arloedh. A ny wrav lenwel nev ha nor? yn-medh an Arloedh.

Yeremia 28:6

ha'n profoes Yeremia a leveris, ‘Amen! Re wrello an Arloedh yndella; re gollanwo an Arloedh an geryow re brofoessys, ha daskorr lestri chi an Arloedh, hag oll an dhivresow, a-dhiworth Babylon dhe'n tyller ma.

Ezekiel 14:4

Rakhenna kows orta ha lavar dhedha, Yndellma y lever an Arloedh Duw: Piwpynag dhiworth chi Ysrael a dhrehaffo y idolys yn y golonn ha gorra y anewnder a-ragdho avel ken a drebuchya, hag ena dos dhe'n profoes, my an Arloedh a worthyp dhodho herwydh palster y idolys,

Ezekiel 7:20

Goeth a's tevo yn tekter aga thegennow ha gansa i a wrug aga imajys kasadow, aga thaklow kasadow; rakhenna my a's gwra mostedhes ragdha.

Daniel 11:31

Luyow dannvenys ganso a wra defola an tempel ha'n ger, defendya dhe-ves an offrynn pub-dydhyek hag yn y le gorra pyth kasadow an difeythter.

Daniel 9:11

‘Ysrael oll re dorras dha lagha ha treylya dhe-denewen, ow nagha goslowes orth dha lev. Diverys warnan yma'n molleth ha'n ti hag yw skrifys yn lagha Moyses gwas Duw, rag ni re beghas er y bynn.

Levitikus 19:4

Na dreylyewgh dhe idolys, na gul imajys teudh. An Arloedh agas Duw ov vy.

Levitikus 26:1

Ny wrewgh ragowgh idolys, ha ny dhrehevowgh ragowgh imaj gravys na peulven, na settya men gravys war agas tir dhe omblegya dhodho, rag an Arloedh agas Duw ov vy.

Niverow 5:22

re dremenno y'th kolodhyon an dowr ma a dhre an volleth ha gul dhe'th torr hwedhi ha'th vordhos gwedhra.’ Ha'n venyn a lever, ‘Amen, Amen.’

Matthew 24:15

‘Pan welowgh ytho pyth kasadow an difeythter menegys gans Daniel an profoes ow sevel y'n tyller sans (gwres an redyer konvedhes),

Matthew 6:13

Ha na wra agan dri yn temptasyon, mes delirv ni dhiworth drog.

1 Korinthianys 14:16

Poken mar pennigydh y'n spyrys, fatell yll nebonan usi ynter an re heb dyskans leverel ‘Amen’ dhe'th grasyans, pan na woer an pyth a leverydh?

Dewteronomi 27:14

An Levysi a worthyp, ow leverel dhe bub gour a Ysrael gans lev ughel:

Dewteronomi 29:17

Hwi a welas aga thaklow kasadow ha'ga idolys, prenn ha men, arghans hag owr, esa gansa.

Dewteronomi 4:25

Pan dhineythydh mebyon ha fleghes-wynn ha kothhe y'n tir, hag omlegri, ow kul imaj gravys, an furv a neptra, ha kammwul a-wel dhe'n Arloedh dha Dhuw dh'y brovokya dhe sorr,

Dewteronomi 5:8

Na wra dhis imaj gravys, an hevelep a dravyth eus yn nev a-vann nag yn nor a-woeles nag y'n dowr yn-dann an nor.

Dewteronomi 7:25

Imajys gravys aga duwow a leskowgh dre dan. Na dhesir an arghans na'n owr usi warnedha na'y gemmeres ragos, rag own ty dhe vos maglennys ynno, rag ev dhe vos kasadow dhe'n Arloedh dha Dhuw.

Breusysi 17:3

Ena ev a dhaskorras an unnek kans bath a arghans dh'y vamm, ha'y vamm a leveris, ‘Sakra a wrav an arghans dhe'n Arloedh a'm leuv a-barth ow mab rag gul imaj gravys hag imaj teudh.’

Breusysi 17:4

Ytho pan dhaskorras an arghans dh'y vamm, y vamm a gemmeras dew kans bath a arghans, ha'y ri dhe weythor arghans, neb a's gwrug yn imaj teudh; hag yth esa yn chi Mika.

1 Samuel 26:19

Lemmyn ytho, my a'th pys, klewes ow arloedh an myghtern geryow y was. Mars yw an Arloedh neb re ynnias warnas er ow fynn, re vlasso offrynn; mes mars yw mebyon den, bedhens milliges dherag an Arloedh, rag i re'm chasyas yn-mes y'n jydh hedhyw ma na gaffen ow rann yn eretons an Arloedh, ow leverel, “Ke, serv duwow erell.”