Dewteronomi 26:2 - An Bibel Kernewek 20234 (Kernewek Kemmyn)

² ty a gemmer neppyth a'n kynsa a oll frut an tir a dhredh mes a'th tir a wra an Arloedh dha Dhuw y ri dhis ha'y worra yn kanstell, ha mos dhe'n tyller a wra an Arloedh dha Dhuw y dhewis dhe wul dh'y hanow triga ena,

Dewteronomi 26:2 ပူးပေါင်းရင်းမြစ်များ

2 Myghternedh 4:42

Gour a dheuth dhiworth Baal-shalisha, hag ev a dhros dhe wour Duw bara a'n kynsa frutys, ugens torth a heydh ha pennow-ys glas yn y sagh. Elisha a leveris, ‘Roy hemma dhe'n bobel may hallons dybri.’

2 Kroniklys 31:5

Kettell lesas an ger, pobel Ysrael a ros yn palster kynsa froeth a ys, gwin, oyl, mel, hag a oll trevas an mes; hag i a dhug yn palster an dega a bup-tra.

2 Kroniklys 6:6

mes my a dhewisas Yerusalem rag may fe ow hanow ena, ha my a dhewisas Davydh dhe vos war ow fobel Ysrael.”

Nehemia 12:44

Y'n jydh na, gwer a veu apoyntys dhe gavoes charj a'n roumys rag an proviansow, an offrynnow, an kynsa frut ha'n degedhow, dhe guntell ynna dhiworth an gwelyow a-dro dhe'n trevow an rannow erghys der an lagha rag an oferysi ha'n Levysi; rag Yuda a lowenhas drefenn an oferysi ha'n Levysi esa ow menystra.

Nehemia 13:31

Ha my a brovias keunys rag an offrynn yn termynyow apoyntys, ha'n kynsa frut. Porth kov ahanav, ow Duw, rag da.

Eksodus 20:24

Alter a dhor ty a wra dhymm ha sakrifia warnedhi dha offrynnow leskys hag offrynnow kres, dha dheves ha'th oghen; yn pub le may hwrylliv ow hanow dhe vos kovhes, my a wra dos dhis ha'th venniga.

Eksodus 22:29

Ny wredh strechya offrynna dhiworth leunder dha drevas na a sugen dha winwaskow. Kynsa-genys dha vebyon ty a re dhymm.

Eksodus 23:16

Ty a wra gwitha goel an drevas, a gynsa frut a'th wonis, a'n pyth a hesydh y'n gwel. Ty a wra gwitha goel an kuntell yn diwedh an vlydhen, pan guntellowgh frut dha lavur a'n gwel.

Eksodus 23:19

An kynsa a gynsa frut dha dhor ty a wra dri a-ji dhe ji an Arloedh. Ny wredh bryjyon mynn yn leth y vamm.

Eksodus 34:26

Kynsa frut dha dhor ty a wra dri dhe ji an Arloedh dha Dhuw. Ny wrewgh hwi bryjyon mynn yn leth y vamm.

Yeremia 2:3

Ysrael o sansoleth dhe'n Arloedh, ha kynsa frut y askorr: kablus o peub a'n devorya; drog a dheu warnedha, yn-medh an Arloedh.

Ezekiel 20:40

Rag war ow menydh sans, war venydh ughel Ysrael, yn-medh an Arloedh Duw, oll chi Ysrael, i oll, a wra ow servya ena y'n tir; eno my a wra aga degemmeres. Ena my a vynn orthowgh agas offrynnow ha'n gwella a'gas sakrifisow gans oll agas taklow sans.

Ezekiel 44:30

An kynsa frut a oll an kynsa frut a bub kinda, ha pub offrynn a bub kinda dhiworth oll agas offrynnow a vydh dhe'n oferysi; hwi a re dhe'n oferyas an kynsa rann a'gas toes, may powesso bennath war dha ji.

Ezekiel 48:14

Ny werthons travyth anodho, na'y geschanjya. Ny'n statyons, rag an gwella tir yw, ha sans dhe'n Arloedh.

Levitikus 2:12

Hwi a dhre offrynn a gynsa frut dhe'n Arloedh, mes ny vydhons i leskys war an alter avel sawer plegadow.

Levitikus 2:14

Ha mar tredh offrynn greun a gynsa frut dhe'n Arloedh, ty a wra offrynna rag dha offrynn greun, rann a'th kynsa frut, pennow-ys glas, rostys ryb an tan, brunyon a ys nowydh.

Romanyon 11:16

Ha mars yw an kynsa frut sans, yndella ynwedh yw an toes gwrys anedhi; ha mars yw an wreydhenn sans, yndella yw an skorrennow.

Romanyon 16:5

salusewgh ynwedh an eglos yn aga chi. Salusewgh ow Epaynetus karadow hag a veu an kynsa frut yn Asia rag Krist.

Romanyon 8:23

mes moy es henna, ni agan honan ynwedh, a'gan beus kynsa frut an Spyrys, ni agan honan a gyn ynnon agan honan dell wortyn gans mall adoptyans avel mebyon, daspren agan korf.

1 Korinthianys 15:20

Mes Krist yn hwir re beu drehevys dhiworth an re varow, kynsa frut an re a goskas.

1 Korinthianys 15:23

Mes peub yn y dorn y honan: Krist an kynsa frut: wosa henna, orth y dhevones, an re yw dhe Grist.

1 Korinthianys 16:2

Dhe gynsa dydh pub seythun, pub huni ahanowgh gorres neppyth a-denewen ha'y witha, dell sewenno, ma na vo edhomm a guntell pan dhyffiv.

Dewteronomi 16:10

Ena ty a wra goel an seythunyow dhe'n Arloedh dha Dhuw der offrynn bolonjedhek a'th leuv, kepar dell wrug an Arloedh dha Dhuw dha venniga.

Dewteronomi 18:4

Kynsa frut dha ys, dha win, ha'th oyl, ha'n kynsa a gnew dha flokk a redh dhodho.

Dewteronomi 26:1

Pan dheudh dhe'n tir a wra an Arloedh dha Dhuw y ri dhis avel eretons ha ty a'n erit, ha triga ynno,

Dewteronomi 26:3

ha dos dhe'n oferyas a serv y'n dydhyow na, ha leverel dhodho, ‘My a dhiskler hedhyw dhe'n Arloedh dha Dhuw, devedhys ov dhe'n tir a wrug an Arloedh ti dh'agan tasow y ri dhyn.’

Jamys 1:18

Gans y vynnas ev, ev a'gan dineythis dre er a wiryonedh, may fen ni avel an kynsa frut a'y greaturs.

Yoshua 18:1

Oll kuntelles mebyon Ysrael a omguntellas yn Shilo, ha settya ena tylda an kuntelles. Ha'n tir a veu fethys a-ragdha.

Diskwedhyans 14:4

An re ma yw neb na veu mostys gans benynes, rag aga bos chast. An re ma yw neb a hol an Oen py le pynag yth ello. An re ma a veu prenys dhiworth mab-den, kynsa frut dhe Dhuw ha dhe'n Oen.