Dewteronomi 26:14 - An Bibel Kernewek 20234 (Kernewek Kemmyn)

¹⁴ Ny dhybris dhiworto pan esen ow kyni, na remova travyth anodho pan en vy avlan, na ri travyth anodho dhe dhen marow. My re woslowas lev an Arloedh ow Duw ha gul war-lergh pup-tra a worhemmynnsys dhymm.

Dewteronomi 26:14 ပူးပေါင်းရင်းမြစ်များ

Salmow 106:28

Hag i a lenas orth Baal-peor, ha dybri offrynnow an re varow.

Salmow 18:22

Rag yth esa oll y vreusow ev a-dheragov, ha ny dreylys vy y ordenansow dhiworthiv.

Yeremia 16:7

Ny wrons terri bara rag an kyner, dhe brofya keskalar rag an den marow; na ny wra denvyth ri dhedha an hanaf a gonfort dhe eva rag aga thas po rag aga mamm.

Ezekiel 24:17

Hanas – mes yn kosel; na wra kynvann rag an re varow. Fast dha dulyfant warnas ha gorr dha sandalyow war dha dreys; na gudh dha vinvlew, ha na dheber bara an gynoryon.

Hosea 9:4

Ny dhiverons offrynnow gwin dhe'n Arloedh, ha ny vydh aga sakrifisow plegadow dhodho. Y fydh dhedha avel bara kynvann, peub neb a'n deber a vydh avlan: aga bara yw ragdha aga honan; ny dheu yn chi an Arloedh.

Levitikus 21:1

Hag yn-medh an Arloedh dhe Moyses, Kows orth an oferysi, mebyon Aron, ha leverel dhedha: Na vedhes denvyth defolys rag den marow yn mysk y bobel,

Levitikus 21:11

Ny wra ev dos nes dhe gorf marow vyth, nag omdhefola a-barth y das nag a-barth y vamm.

Levitikus 7:20

Mes ev neb a dheber neppyth a gig sakrifis an offrynnow kres a bew an Arloedh, hag ev avlan, an den ma a vydh treghys dhe-ves dhiworth y bobel.

Malaki 2:13

An nessa dra ma hwi a wra: hwi a worher alter an Arloedh gans dagrow, gans oelva ha galar, a-ban na vir orth an offrynn namoy, na'n kemmer gans plesour dhiworth agas diwleuv.

Dewteronomi 13:5

An profoes na, po an hunroser na a hunrosow, a vydh gorrys dhe'n mernans, rag ev dhe gewsel rebellyans erbynn an Arloedh agas Duw neb a'gas dros yn-mes a bow Ejyp ha dha dhasprena dhiworth an chi a gethneth, dhe'th tynya dhiworth an fordh a wrug an Arloedh dha Dhuw gorhemmynna dhis, dhe gerdhes ynni. Yndella ty a garth an drog yn-mes ahanowgh.

Dewteronomi 15:5

unnweyth mar koslowi gans rach orth lev an Arloedh dha Dhuw, ow kwitha hag ow kul oll an gorhemmynn ma esov ow korhemmynna dhis hedhyw.

Dewteronomi 16:11

Ty a lowenha a-rag an Arloedh dha Dhuw, ty, ha'th vab, ha'th vyrgh, ha'th was, ha'th vaghteth, ha'n Levyas usi y'th yetys, ha'n alyon, ha'n omdhivas, ha'n wedhwes usi yntredhowgh y'n tyller a wra an Arloedh dha Dhuw y dhewis, dhe wul dh'y hanow triga ena.

Dewteronomi 26:13

Ena ty a lever a-rag an Arloedh dha Dhuw, ‘My re removas an dra sans dhiworth an chi, hag ynwedh my re'n ros dhe'n Levyas ha dhe'n alyon, dhe'n omdhivas ha dhe'n wedhwes herwydh oll dha worhemmynn a worhemmynnsys dhymm. Ny dremenis dres dha worhemmynnow na'ga ankevi.

Dewteronomi 26:15

Mir war-woeles yn-mes a'th trigva sans dhiworth nev ha bennik dha bobel Ysrael ha'n tir re resys dhyn kepar dell desys dh'agan tasow, tir a dhinwa leth ha mel.’