Dewteronomi 25:19 - An Bibel Kernewek 20234 (Kernewek Kemmyn)

¹⁹ Ytho pan wra an Arloedh dha Dhuw ri dhis powesva dhiworth oll dha eskerens a-derdro, y'n tir a wra an Arloedh dha Dhuw y ri dhis avel eretons dh'y erita, ena ty a dhefend dhe-ves yn tien kov Amalek a-dhann nev. Na ankov.

Dewteronomi 25:19 ပူးပေါင်းရင်းမြစ်များ

1 Kroniklys 4:43

I a ladhas remenant an Amalekysi re dhienksa; hag i re beu trigys ena bys y'n jydh ma.

Ester 3:1

Wosa an taklow ma, myghtern Ahasuerus a ughelhas Haman mab Hammedatha an Agagyas, ha'y avonsya, ha settya y se dres an bennsevigyon oll esa ganso.

Ester 7:10

Ytho, i a grogas Haman war an wydhenn a bareussa ev rag Mordekay, hag yndella koselhes veu konnar an myghtern.

Eksodus 17:14

Ha'n Arloedh a leveris dhe Moyses, ‘Skrif hemma yn lyver avel kovadh, ha'y dhasleverel yn diwskovarn Yoshua may tileav yn tien kov Amalek a-dhann nev.’

Eksodus 17:16

ow leverel, ‘Dorn war vaner an Arloedh! An Arloedh a'n jevydh bresel erbynn Amalek a henedh dhe henedh.’

Eksodus 33:14

Hag ev a leveris, ‘My ow honan a wra mos genes, ha my a re dhis powes.’

Dewteronomi 12:9

drefenn na dheuvewgh hwath bys y'n bowesva, na dhe'n eretons a wra an Arloedh dha Dhuw y ri dhis.

Dewteronomi 21:23

na vedhes gesys y gorf dre nos war an wydhenn, mes ty a'n ynkleudh an keth jydh na, rag milligys gans Duw yw den kregys; ma na dhefolli dha dir a wra an Arloedh dha Dhuw y ri dhis avel eretons.

Dewteronomi 26:1

Pan dheudh dhe'n tir a wra an Arloedh dha Dhuw y ri dhis avel eretons ha ty a'n erit, ha triga ynno,

Dewteronomi 3:18

Ena my a worhemmynnis dhywgh y'n tor' na, ow leverel, ‘An Arloedh agas Duw re ros dhywgh an tir ma dh'y erita. Oll agas kasoryon, ervys rag batel, a wra mos a-dreus kyns agas breder, mebyon Ysrael.

Dewteronomi 9:14

Gas vy ow honan, ma's distruiv ha defendya dhe-ves aga hanow a-dhann an ebron; ha my a'th wra kenedhel vrassa ha kreffa agesso.’

Yoshua 11:23

Ytho Yoshua a gemmeras an tir oll, war-lergh oll re lavarsa an Arloedh dhe Moyses: ha Yoshua a'n ros avel eretons dhe Ysrael war-lergh rannow aga loethow. Ha'n tir a'n jeva kres dhiworth bresel.

Yoshua 23:1

Lies blydhen a-wosa, a-ban rosa an Arloedh powes dhe Ysrael a-dhiworth oll aga eskerens y'n kyrghynn, ha pan o Yoshua gyllys koth yn y dhydhyow,

Yoshua 6:3

Hwi a geskerdh a-dro dhe'n sita, oll an vreselyoryon ow mos a-dro dhe'n sita unnweyth. Yndella ty a wra hwegh dydh,

Yoshua 7:12

Ytho ny allas mebyon Ysrael sevel a-dherag aga eskerens; i a dreylyas aga hilbenn dh'aga eskerens, drefenn i aga honan dhe vos tra sakrys dhe dhistruyans. Ny vydhav genowgh namoy, marnas hwi a dhistru an taklow sakrys a-dhiworthowgh.

1 Samuel 14:48

Hag ev a wrug yn kolonnek, ha gweskel an Amalekysi, ha delivra Ysrael mes a leuv an re a's pylla.

1 Samuel 27:8

Lemmyn Davydh ha'y wer eth yn-bann, hag i a wrug omsettyansow erbynn an Geshurysi, ha'n Girzysi, ha'n Amalekysi; rag yth o an re ma an trevesigethow dhiworth Telam war an fordh dhe Shur ha bys yn pow Ejyp.